نازناوه‌كه‌ت بگۆڕه و وه‌ره میدان! مه‌لا به‌ختیار!!
Thursday, 16/07/2009, 12:00
نه‌مبینوه و گوێم لێ نه‌بووه له‌وته‌ی له دایك بووم مه‌لایه‌ك یان مامۆستایه‌ك یان ئه‌ندازیارێك قسه له‌سه‌ر كار و پیشه‌ی خۆی بكات و به خراپه ناوی بێنێت ، به‌ڵكو هه‌رده‌م بۆ سه‌ربه‌رزی و توانای خۆی كاره‌كه‌ی خۆی له باشتر له خه‌ڵك وه‌سف ده‌كات،به‌ڵام سه‌یر له‌وه دایه له‌و سه‌رده‌مه جیاوازه كه‌سانێك به نازناوی مه‌لایه‌تی كاری حیزبی له‌گه‌ڵ عیلمانیه‌كان ده‌كه‌ن و قسه‌ی كۆتا و یه‌كه‌میان ڕه‌خنه گرتنه له ئیسلامی سیاسی ، پێیانوایه ئیسلام پێویستی به كه‌سانێك نیه كه سه‌ركردایه‌تی موسڵمانان بكه‌ن و بیانپارێزن له هێرشی و گورگه گیا خۆره‌كان و مرۆڤه بێ متمانه‌كان.
قسه‌كانم له‌وه سه‌رچاوه‌ی گرت كه ناڕۆشنبیرێكی سیاسی به نازناوی "مه‌لا" هه‌رده‌م بانگه‌شه بۆ ئه‌وه ده‌كات كه نابێت موسڵمانان سه‌ركرده‌یان هه‌بێت و هه‌رده‌م زه‌لیل و بێ كه‌س و ماف بن ، ئه‌و قسانه‌شی له‌وه سه‌رچاوه‌ی گرتووه كه به‌رژه‌وه‌ندی له‌گه‌ڵ حیزبێك هه‌یه ئه‌ویش له پێناو مانه‌وه و لاواز نه‌بوون،به‌ڵام نازانێت كه نازناوی خۆی (مه‌لا)یه و پێویسته نازناوێكی تر بۆخۆی هه‌ڵبژێرێت و خۆی له دیلی ئه‌و نازناوه ڕزگار بكات ئه‌گه‌ر ده‌شڵێت توانام نیه نازناوی نوێ بۆ خۆم بدۆزمه‌وه قه‌یدی چیه به له یه‌كێك له ڕۆژنامه دیله‌كانی حیزبه‌كه‌ی ئاگاداریه‌ك بڵاو بكاته‌وه و دیاری گران به‌هاش دابنێت ،له‌گه‌ڵ كورته وه‌سفێكی خۆی و نازناوه كۆنه‌كه‌ی،دڵنیام نه‌ك یه‌ك نازناو به‌ڵكو هه‌زار نازناوت بۆ دودۆزنه‌وه له به‌رژه‌وه‌ندی پاره. ئه‌گه‌ر به‌م جۆره‌ش نازناو پیدا نه‌بوو هیچ رێگری ناكه‌م خۆم نازناوێكت بۆ هه‌ڵده‌بژێرم بۆ نموونه (ئه‌نتی مه‌لا) .
رۆشنبیرێك بیر له‌وه ناكاته‌وه كه قسه‌كانی كاریگه‌ری نیه رۆشنبیرێكی سه‌قه‌ته، با بڕوات كارێكی تر بۆ خۆی بدۆزێته‌وه بۆ نموونه له پێش مزگه‌وت سواڵ بكات یان بچێته كه‌نیسه مه‌منونی ده‌بن به‌وه‌ی كه‌سێكی وایان ده‌ستكه‌وتووه.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
