ژ مەلبەندێ سێ یێ یەكگرتوو ل دهۆكێ بۆ هێژایان ل سایتێ كوردستان پۆست

Thursday, 05/01/2012, 12:00

هێژایان ل سایتێ كوردستان پۆست
سەبارەت وى نوچەى هەوە ل سەر من بەلاڤكرى و ژ گوڤارا رێگا وەرگرتى ئەز ڤێ رۆنكرنێ بۆ هەوە فرێدكەم هیڤیدارم بەلاڤ بكەن، بۆ زانین رۆنكرنا من ل سەر ڤى نوچەى هاتیە بەلاڤكرن د سایتێ كوردیو ژیدا هەروەسا هاتیە هنارتن بۆ گوڤارا رێگا ژى ئەوژى دێ بەلاڤ كەن، دگەل رێز و سلاڤان.

رۆنكرنەك ژ بەرپرسێ مەلبەندێ سێ یێ یەكگرتوو سەبارەت لێدوانەكا د گوڤارا رێگا دا بەلاڤبووى

كوڤارا رێگا د ژمارا خۆ یا (46) دا و د چارچوڤێ لێدوانەكێدا مانشیتەك ل سەر زارێ من بەلاڤكریە كو من گۆتیە: (یەكێتى كاتى خۆى لە شەڕى ناوخۆدا لە شارى زاخۆ بەسەركردایەتى كۆسرەت رەسوڵ، كارەساتێكى گەورەى خوڵقاند)، هەروەسا سایتێ كوردستان پۆست ژى ئەڤ نوچەیە ژ گوڤارا رێگا وەرگرتیە و شرۆڤەكرنەك ژى بۆ كریە، سەبارەت ڤى بابەتى من دڤێت ڤان رۆنكرنا بدەم:
1- چو راستى بۆ ڤێ لێدوانێ نینن و ب چو رەنگا من وەنەگۆتیە، و ئەڤە گۆتنا گۆڤارێ یە.
2- من د لێدوانا خۆدا نە ژ دویر و نە ژ نێزیك ئاماژە ب ڤى بابەتى نەكریە و من چو پێزانین ل سەر ڤى بابەتى نینن و نەگۆتینە.
3- من پەیوەندى ب سەرنڤیسەرێ گوڤارا رێگا كریە سەبارەت ڤى بابەتى، ئەوى دانپێدان كریە كو شاشیەك چێبوویە و ئەڤە نە لێدوانا منە، هەروەسا داخوازا لێبۆرینێ ژى ژمن كریە و سۆز دایە د ژمارا بێتدا ڤێ لێبۆرینێ بەلاڤ بكەن، و ئەگەر بەلاڤ نەكر دێ سكالایەكا یاسایى ل سەر تومار كەم.
4- ئەگەر كوردستان پۆست ب هویرى بابەتى بخوینن دێ بینن ئاخفتنا من د گوڤارێدا هاتیە دانان دناڤ دوو كڤاناندا، و ئەڤ لێدوانە نە دناڤ وان هەردوو كڤاناندایە، ئەڤەژى بەلگەیە كو ئەو نە گۆتنا منە.
5- هیڤیدارم رۆژنامەڤانى و دەزگەهێن راگەهاندنێ ب ۆوئەمانەت و راستى لێدوانان بەلاڤ بكەن بێى ژێ كێمكرن و سەر زێدەكرن.

غازى سەعید
بەرپرسێ مەلبەندێ سێ یێ یەكگرتوو ل دهۆكێ
5/1/2012