قيم الرگاع من هاي اللحه
اتشوفه هيبه وعنده لحيه امسرحه
يشتم ابلا خجل وبلا مستحه
من ايحس المقعد اشويه اندحچ
قيم الرگاع من ديره‌ عفچ

برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقس من راتبه سنت انعقچ
قيم الرگاع من ديره‌ عفچ

اتشوف واحدهم امعگل بالوقار
وبالاسل تاريخه اسود كله عار
ابچرف پلپ اسنين مليونير سار
ايريد عالوادم ايعبرله چلچ
قيم الرگاع من ديره‌ عفچ

گمت ما اعرف حماها امن الرجل
ياهو التكچه اهو ايمپل العدل
وگمنه نستورد الشلغم والفجل
لان كلها چلت اتدور ودچ
قيم الرگاع من ديره‌ عفچ
>
والله چيعنه السدگ من الچژب
اتشوفه هيبه وحچيه المسفگ عژب
ياخژك وايردك ابشرق وغرب
وبسچاچينه يدچك
حيل دچ
قيم الرگاع من د يره‌ عفچ

حيل دوخني الحچي الماله ربگ
وسار عندي سكر وحسبه وچغگ
نفترش عاگول ونتغگه ابحسچ
قیم الرگاع من ديره‌ عفچ

گمت ما اميز الژيب امن الحمل
امنين ما التفت گلبي يشتعل
انه ما شايف شعب يتبع خبل
شاب راسي وتيهت كل السچچ
قيم الرگاع من ديره‌ عفچ

يا حكومتنه الرشيده ام الوقار
الفساد المالي عنوان الچ سار
ندري جابوكم ابدبابه وقگار
ليش چليتوا سمچ ياكل سمچ
قيم الرگاع من ديره‌ عفچ

لازم انميز الزين امن الزلم
وننتخب كلمن شهم ساحب علم
ونرفچ اللي يجي كل يوم ابفلم
من ايشوف المنسب اشويه
اندرچ
قيم الرگاع من ديره‌ عفچ