پارتى ب تنێ ل دەمێ هەلبژارتنان خەلكى ناس دكەت وسوزێن خو یێن درەو بو دوبارەدكەت .

Tuesday, 17/11/2009, 12:00

دەمەكە دەزگەهێ پەنابەر و ئاوارەیان ل پارێزگەها دهوكێ وەك پروپا كەندە بو هەلبژارتنێن داهاتى یێن پەرلەمانێ عیراقێ دەنگ و باسێ وێ یەكێ بەلاڤ دكەن , كو ئەو پەنابەر و كوچبەربوویێن ل سالا 1988 ێ كوچبەرى توركیا و ئێرانێ بوى دێ هێنە قەرەبوكرن , و بڤێ چەندێ داخاز ژ ڤان ئاوارەیان هاتیە كرن كو سەرەدانا ڤى بنگەهى بكەن ل پارێزگەها دهوكێ بو ڤێ مەرەما هان . لێ پرسیارا ل ڤێرە دهێتە پێش ئەوە ئایا بوچى پارتى و دەزگەهێن وێ بتنێ ل دەمێ هەلبژارتنان خەلكى دنیاسن و وەكى هەر جار سوزێن خوە یێن درەو بو نى دكەنەڤە و ل دیڤ دا ژى و پشتى هەلبژارتن ب داوى دهێن نە ئەو سیكە و نە ئەو بازار , ژبەركو ئەم هەمى دزانین كانێ ئەڤە جارا چەندێ یە ئەو ڤان درەوا بو خەلكى دكەن و وخەلكى زەحمەت ددەن و ل دوماهیێ ژى دبیتە درەو , ژبەركو هێشتا ل بیرا مەیە و مە بیر نەكرى یە كو وانا بو هەلبژارتنێن پەرلەمانێ كوردستانێ ژى ئەڤ درەوە دوبارە كربون ئەو ژى بتنێ بو هندێ داكو دەنگێن خەلكى بدەستڤە بینن و بشتى هەلبژارتنان ژى چ ژ ڤان درەوان نە بونە راست . لەوران داخازێ ژ خەلكێ خوە یێ خوشتڤى یێ دەڤەرا دهوكێ دكەین كو هشیارى درەوێن وان یێن بێ سنور بن وچ دەمان پێ سەردانەچن چونكى هین ب چاڤێن خوە دبینن كا ئەوب روژانە چەند درەوان بو خەلكى دكەن و چەند سوزان ددەنە ڤى خەلكى و پاشان ژى هیچ كەسەكێ نا نیاسن .
هەژى باسكرنێ یە كو ل سالا 1988 ێ ب هزاران خێزان ل دەڤەرا بەهدینان كوچبەرى توركیا وئیرانێ ببون و یێن توركیا ل كەمپێن (موش و مێردین و دیار بەكرێ)ئاكنجى ببون و ب هزاران خێزانێن دى ژى ل ئێرانێ و ل ئوردیگایێن (زێوە و خوێ و رزایێ ..) ئاكنجى ببون و ب ڤێ چەندێ ئەڤ خەلكە توشى هەمى جورە قوربانى یەكێ ببون و زیانێن گیانى و ماددى یێن مەزن ژ ئەنجامێ ڤێ كوچبەریێ ڤێ كەفت بوون , بو چەندین جارا دەستەلاتێ سوزێن قەرەبوكرنێ داینە ڤى خەلكى و یا ژهەمیا نێزیكتر سوزا پارێزگەرێ دهوكێ بوو ل بەرى هەلبژارتنێن پەرلەمانێ كوردستانێ كو بریاردابوو هەر خێَزانەك وەك قەرەبوو 15 ملیون دینارێ عیراقى دێ وەرگریت , بەلێ وەكى هەر جار چ دیار نەبو و چ بو وان وەلاتیان نەهاتە كرن , لێ دەستەلاتدارێن پارتى ڤێ جارێ ژى زور بێ شەرمانە یێ سوزێ ددەنە خەلكى و درەوێن خو بو ڤى خەلكێ هەژار و زیان ڤێكەفتى دوبارە دكەن , ژ بەركو هندە دەمێ هەلبژارتنێن پەرلەمانێ عیراقێ نە و ئەو پێتڤى ب دەنگێن ڤى خەلكى نە لەوران دڤێت وەلاتیێن مە ڤێ جارێ زور دهشیاربن و هەمى وان درەوان ل بەرچاڤان وەرگرن و جارەكا دى پێ سەردا نە چن و بلا ڤێ جارێ ل سەر سندوقێن دەنگدانێ جوانترین و باشترین بەرسڤ ب دەنە پارتى و هەمى رەشەكێن وێ.