مه‌لابه‌ختیار(ئاوێر)ی کوڕی تاوانباره‌و نایخاته به‌رده‌م پۆلیسی لێکۆڵینه‌وه .!
Monday, 04/01/2010, 12:00
پاش تێپه‌ڕبونی زیاترله‌ساڵێک به‌سه‌ر پرۆژه‌گرنگ و به‌نرخه‌که‌ی تاڵه‌بانی بۆ جیاکردنه‌وه‌ی حیزب له‌حوکومه‌ت، که چه‌ند ملیۆنێک دۆلاری لوشدا له پاره‌ی ڕه‌شو ڕوتی میلله‌تێکی گیان فیدای به‌ئه‌مه‌ک ،نامه‌که‌ی جه‌لالیان کرده‌پرۆژه‌یه‌کی سه‌رسوڕهێنه‌ر بۆ هه‌رێمه‌که‌مان وئاینده‌و مێژوی ناوچه‌که.
پرۆژه‌یه‌ک له پۆلیسه‌وه هه‌ڵکشاو دادگاکانی گرته‌وه‌و یاساکانی په‌رله‌مانی پاک نوس و تۆکمه‌ترکرد.
پرۆژه‌یه‌ک به‌رهه‌م ساڵح ی کرده سه‌رۆک و جه‌لالی کرده47 مین جێگری سکرتێری سۆسیال دیموکراته‌کان له‌دونیاداو کردیه کاندیدی نۆێ بۆ سه‌رۆک قۆیمار،بۆیه لام باشه ببمه مژده به‌خشی هه‌واڵی سه‌رکه‌وتنی پرۆژه‌که‌ی تاڵه‌بانی و پێتان ڕابگه‌یه‌نم که له پێش دووهه‌فته‌یه‌ک له گه‌ڕه‌کی سه‌رچنار و لای ماڵی مه‌لا به‌ختیار پێکدادانی دوو ئۆتۆمبێل ڕویدا و ڕوادوه‌که‌یان نارده گۆڤاری به‌ڵگه‌و جه‌مال عه‌بدوڵی به‌ڵگه بێژا دڕاندی.
ئاوێری کوڕی حیکمه‌ت خانه‌قینی ناسراو به (مه‌لا به‌ختیار)به ماشێنێکی عه‌نتیکه‌و خێراییه‌کی سه‌رسوڕهێنه‌ره‌وه خۆیدا به ئۆتومبیله‌که‌ی چرا خانی پارێزه‌روشاعیری کاک کامیل ژیردا و سه‌ریان به 20 ته‌قه‌ڵ دورییه‌وه‌و خستیانه به‌رده‌م چاره‌سه‌رێکی درێژ خایه‌ن و لانی که‌م ده‌بێت 6 مانگ له ژێر چاودێری دکتۆردابێت ، چونکه پێکدادانه‌که هێنده قایم بوه مێشکی شڵه‌قاندوه‌و ده‌بێت چاودێری بکرێت.
ئه‌وه‌ی جێی ده‌ستخۆشیه و ده‌بێت باسی لێوه‌بکرێت کوڕانی به‌هه‌ڵمه‌تی پۆلیسن که هه‌رزو بڕیاری گرتنی کوڕه‌یان داوه‌و له‌هه‌وڵی ده‌ستگیرکردنیدابون بۆ به‌رده‌م دادگا که له‌ڕوی یاساییه‌وه مامه‌ڵه‌ی له‌گه‌ڵدا بکرێت و سزایی خۆی وه‌ربگرێت، به‌ڵام پان و به‌رینی و چاڵو چۆڵی پرۆژه‌که‌ی جه‌نابی جه‌لال و دونیای پان و به‌رینی بینینی کۆمه‌ڵایه‌تی مه‌لا به‌ختیار، فایلی تۆمه‌ته‌که‌یان قوت داو و خستیانه باوه‌شی ئه‌رکه نیشتیمانی و نه‌ته‌وه‌ییه‌کانی کاروباری کۆمه‌ڵایه‌تی ی ن ک و پشت گوێیان خست و ئه‌فسه‌ری لێکۆڵه‌ره‌وش ڕه‌وانه‌ی فه‌نته‌ڵۆسی خواروو ده‌که‌ن به‌م زوانه بێگومان له‌به‌ر گه‌وره‌کرده‌نی ئه‌و برینه بچوکه 20 ته‌قه‌ڵیه‌ی سه‌ری ئه‌و خوشکه.
جار یه‌ک عوده‌ی مان هه‌بوو، ئێستا ووڵات پڕه له عوده‌یی !
جاران یه‌ک عه‌لاو ملازم موحسینمان هه‌بوو ، ئێستا پڕه له‌بایزو به‌ختیاره‌که‌ی.
04.01.2010
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
