زامی سلێمانی

Friday, 18/02/2011, 12:00

شارەکەم ئەوا دیسان بێ خەتا خەڵتان کرای
بەژێر دەستی ڕازی نابی بۆیە بەر گولله‌ درای
تۆ زامێکت ساڕێژ نابێت بریندار ئەکرێیتەوە
بەڵام هەرگیز بەڵێ و بـژی بۆ زۆردار ناڵێیتەوە
مەیدانی سەرات شاهیدی زۆرێک لە برینانەن
کە بە ناحەق کرانە جەستەت،بۆت سومبول و نیشانەن
تۆ کە نەتوانی لەبەردەم زۆردار بچوک بیتەوە
چاوەڕوانی ئەوە ناکرێت بە گوڵ جواب بدرێیتەوە
بە قوربانی ئەو خوینەبم کەوا لە باڵت دەتکێت
هێشتا کۆتری ئازادیت هەر بەرەو بەرزی ئەفڕێت