ئیتر کاتیەتی ئەم سەرکردایەتیەی ئێستا دەست لەکار بکێشێتەوە

Sunday, 22/09/2013, 12:00

دوا دەرکەوتنی ئەنجامە بەراییەکان، یەکێتیی نیشتمانی کوردستان ئەنجامێکی بە دەستھێنا کە ھیچ لە ئاستی میژوو، دەسکەوت و سەروەریەکانی نیە. ھەر بۆیەش ئەم ئەنجامە دەبێت بێتە جێگای ھەڵوێستە لەسەرکردنی ئەندام و کادیرانی یەکێتی، تا بەدوا ھۆکارەکانیدا بگەرێن.

ھۆکاری ھەرێ بنچینەیی کە ئەو ئەنجامەی لێکەوتووتەوە، ئەو سەرکرایەتیەی ئێستا واتا دەسترۆیشتووەکان. ئەمانە ھیچ لە ئاستی ئەوە دانین سەرکردایەتی جەماوەری یەکێتی بکەین و بتوانین سەرکردەیەک بن لە ئاستی گۆڕانکاریەکانی ئەم سەردەمەدابن. لەبەر ئەوەی ئەمانە ئەوەندی خەمی بەرژەوەندییە تایبەتەکانیانی خۆیان بوون، خەمی یەکێتی و جەماوەرە دڵسۆزەکەیان نەبوو، ئەوەندی خەمی ئەوەیان بوو چۆن بتوانن ململانێی یەکتر بکەن و ملی یەکتر بشکێنن کە ھیچ ئەساسێکی سیاسی و فکری نەبوو ملمانێکانیان، ئەوەندە لە خەمی دیاریکردن ستراتیج و بەرژەوەندییەکانی یەکێتی نەبوون. ئەمانە ئەوەندەی ھەوڵیاندا یەکێتی ئاشانا بکەنەوە بە کۆمەڵێک نەریتی خێلەکی، ئەوەندە بیریان نەکردووە یەکێتی زیاتر بخەنە سەر سکەی دیموکراسی و مەدەنی ھەروەھا رێبازە فکری و سیاسیەکەی توخبکەنەوە و جیای بکەنەوە لە ھێزەکانی تر.

ئەمانە ئەوەندی بیریان کردووە ببنە بازرگانی باش و قورخکاری بکەن ئەوەندە ھەوڵیان نەدا سەرکردەیەکی خاکی بن و لەپێناوی دادپەروەری کۆمەڵایەتی ھەنگاو بنین.

ھەر بۆیە کاتیەتی ئەم برادەران ماڵئاوایی لەم سەرکردایەتیە بکەن وەک ھەنگاوی یەکەم تا ببێتە دەسپێکی بەخۆژاچوونەوەی و خۆنوێکردنەوەو خۆسازدانەوەی یەکێتی، ئەگەر نا ھیچ چارەسەرێک بۆ یەکێتی نیە تا خاوەنی ئەمانە بێت.




ئەندامێکی چالاکی یەکێتی نیشتیمانی کوردستان

[email protected]

--