کورد لەگەڵ ئەم دەباعیانە  بووە بە هاوپەیمان لە بەغای عەرەبی تەنها بۆ (پلە، پارە،پۆست )هیچی بۆ کورد تێدا نییە ، لە ڕسوایی و سەرشۆڕی زیاتر ، پیاوەکانی حیزبیش گیرفانیان پڕ دەکەن لە دولاری حەرام . لە ساڵی ٢٠٠٣ کە سەدام ڕووخاو ، ئەم سەدرە لە کەرکووک قاچی خستە سەر سەری پێشمەرگەیەک  تا تەواو تەواو لە قوڕولیتاوەکەی هەڵنەکێشا , قاچەکانی هەلنەبڕی ، ئەمجا ووتی دەبێت لەوەخراپترتان بەسەر بهێنین.ئیتر سەروەری چی و سەرداری کوێ و ئێوە ئاغای کام کاولستانن( هەر  بۆ ئەوە ئازانن مامۆستایەک شەقباران بکەن) ، کوردێک  بە حیزبەکانی ووت ئەوانەی پاسداریتان دەکەن ملیشییایە، ئاسمان و زەویان  پڕ کرد لە ناڵە و هاوار،کڕوزانەوە ، و سوکایەتی بەو کەسە ( گوایە بە پێشمەرگەیان) ووتوە میلیشیا ، ئەوان مەخسەدیان ئەو چەکدارانە بوو کە پاسەوانی( ماڵ، باخوباخات، مێزەکانی خوارنەوەی شەویان، ڤیلا ، ڕێگای هاتووچەنیان، تڕۆمبێل ) دەکرد ، نەک ئەو پێشمەرگە ئازا و قارەمانانەی خوێنی خۆیان و ماڵومناڵیان دەکرد بە  دیاری بۆ خاکونیشتیمان.

گەر بمانەوێت سەروەری و شکۆ بۆ پێشمەرگە بگەڕێنینەوە دەبێت ناوی پێشمەرگە لە ووشەی خزمەتکار و پاسەوانی حیزب و پیاوەکانی جیا 

بکەینەوە،بەپێچەوانەوە ووشەی پێشمەرگە لە ناوەرۆکە نیشتیمانییەکەی لێڵ و تەماوی دەبێت.

ئەوە ئێمەین خیانەتمان لە بەردێکی کوردستان نەکردووە، ئەوە ئێمەین سەرمان نەوی نەکردووە بۆ پارەی حەرامی داگیرکەران ، ئەوە ئێمەین پێڵاوی مناڵێکی باکوور بە سەری ئەردۆغانەکان ناگۆڕینەوە. دەبێت کوردستان سەروەر بێت بەڵام دوور لە سێبەری خاکفرۆشان.