سۆفیه‌کی گه‌ڕیده
Wednesday, 24/10/2012, 12:00
وه‌ک سۆفیه‌کی گه‌ڕیده ، له خانه‌قات دام کوتاوه
عیباده‌ت و ئه‌وینداریم ، به‌یه‌که‌وه گرێداوه
تاوێک بۆ کردگار زیکرم ، تاوێک بۆ تۆیه فه‌غانم
بۆ ڕه‌زامه‌ندی هه‌ردوکتان هه‌میشه ڕوو له ئاسمانم
عه‌شقی ئیلاهی و عه‌شقی تۆ ، بووه‌ته پیشه‌م له خانه‌قا
به ئه‌وین پڕ پێزه دڵم ، سوجده و کڕنوشیش بۆ خودا
شێخێکی دڵ پڕ له نورم ، گه‌دایه‌کی ڕێ ی ئه‌وینت
تامه‌زرۆی نوری ته‌جه‌للا و شه‌به‌نگی خۆری زێڕینت
به‌کرحه‌بیب
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
