ئاساییه...گوڵم
Wednesday, 05/02/2014, 12:00
ئاساییه گوڵی ته‌مه‌ن له کۆتاییدا هه‌ڵوه‌رێ
لق و گه‌ڵای دره‌ختی ژین ، وشک بێت و هه‌ڵبوه‌رێ
ئاساییه ، ده‌ستی زه‌مه‌ن ، پشتێکی ڕێک بچه‌مێنێ
شه‌خته‌ی سه‌رمایه‌ک له ناکاو ، وه‌رزێ گه‌ڵاڕێزان بێنێ
ئه‌وه‌ی ئاسا نیه گوڵم ، له‌م سه‌رده‌مه چه‌وت و لار ا
کاڵفام بکرێ به کاربه‌ده‌ست ، ڕۆشنبیر بکرێ به (دار) ا
شیعر و ووشه که‌ره‌سه‌بن بۆ مه‌نجه‌ڵی درۆ و ڕیا
گه‌مژه ببێته ده‌مڕاست و گیلیش بانگ بکرێت به (ووریا)
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
