نوسراوی قه‌ده‌ر
Wednesday, 12/12/2012, 12:00
من که پێموابێ ژیانم بێ ژیانت ژین نیه
چۆن ئیتر هه‌ناسه‌‌کانم ڕێی گه‌رووم ده‌گرنه‌به‌ر
تۆش که هه‌ورێکی تۆراوی و باکت له زه‌ردیم نیه
چۆن قه‌ڵاشی ناخی وشکم ، نێرگزی لێ دێته‌به‌ر
ئه‌م دڵه‌م وه‌ک ڕایه‌ڵه‌یه ، بێ پایه و کاریته‌یه
باوه‌رم نییه که لاشه‌م ، خۆ راگربێ تاکو سه‌ر
سه‌خته بارم ڕێی هه‌واریش دوره سا چاره‌م چیه
بۆ بناڵێنم به ده‌ست دێری له نوسراوی قه‌ده‌ر
به‌کرحه‌بیب
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
