دونیایه‌کی سه‌یره
Monday, 10/09/2012, 12:00
دونیایه‌کی سه‌یره خه‌ڵکی بۆ وایان به‌سه‌رهاتووه
بۆچی مانای سۆزداریان له فه‌رهه‌نگیان ، لابردووه
نه ژیربێژێ ، وه‌کو جاران ، له خێزاندا بونی ماوه
نه ریش سپی ، پیاو ماقوڵی ، جێگه‌یه‌کی بۆ دانراوه
حورمه‌ت و پایه‌داری تاک ، له کۆمه‌ڵگه جێی پرسیاره
خۆشه‌ویستی لای مرۆکان به یه‌کجاری باری لاره
بێخه‌وشی ده‌روون نه‌ماوه ، که دڵ و ڕۆح ئاوه‌ڵا بوو
وه‌رزی وه‌فاداری کوانێ ، بێگه‌ردیی به‌ره‌و کوێوه چوو
هاوڕێیان با هه‌موو چاوێک به ڕۆحمان ، بخشێنینه‌وه
ژیله‌مۆی سڕبووی ناو کوانوی ، ده‌روون بگه‌شێنینه‌وه
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
