هونەر و مۆسیقا دەفرۆشرێ؟

Saturday, 13/07/2019, 20:05

لە پەراوێزی کۆنگرەی ناودارنی کورد لە شاری سنە
کۆنگرەی ناودارانی کورد لەشاری سنە لە رۆژهەڵاتی کوردستان کۆتایی پێهات.بەستنی کۆنگرەوسمیناروکۆڕو کۆمەڵی ئەدەبی وهونەریی وسیاسیی وکولتوری و...هیچ عەیب وئیرادێکی تێدا نابینم ،زۆریش پێویستە.بەڵام ئەگەر بۆ دانانی دوکان وبازاڕ بێ دوولایەنی دژ بە یەک قازانجی لێدەکەن.دوکانی بەستنی ئەو جۆرە کۆنگرانە فرۆشیاروکڕیارتێیدا کێبڕکێ دەکەن.لەوبوارەدا کێ خاوەنەی هێزبێ و ترسهێنەر بێ وپارەی بە دەستەوە بێ قازانجی تەواوی لێدەکا.لە دوکانی بەستنی کۆنگرەی ناودارانی کورد لە شاری سنە کڕیار سپای پاسداران بووە فرۆشیارومشتەریش شاعیرو گۆرانیبێژ وهونەرمەندیی لاواز ونفس نزم دەستی پان کردۆتەوە وخۆی نیشآن داوە!تا بڵێن ئەوە ئێمەیەن ناوداری کورد!
لە وڵاتێک کە سیاست وئابوری وزمان وکولتوری نەتەوەیەک دەقەفەسێکدا زیندانیی کرابێ وقفڵێکی دیرۆکیی لێدرابێ کوا ناوداری کورد بۆ گەشەکردنی ئەدەب وموسیقاو هونەریی کوردەواریی دەتوانێ هەناسە هەڵکێشێ؟وەک ئەوەیە کە دامودەزگایی نازیسم داداوای دێمۆکڕاسی وژیانێکی وەک هەوی بکرێ!
هونەرو مۆسیقاو ئەدەب وشێعروکولتوروزمانی هەر نەتەوەیەک موڵكی شەخسیی هیچ کەس نییە کە بە کەیفی خۆی مامڵەی پێوە بکا.هیچ هونەرمەندێک ورووناکبیرێک ونووسەرێک ئەو مافە نابێ بە خۆی بدا کە لە سەرسەرمایەی نەتەوەیدا گەلێکدا بۆ بژیوی ژیانی خۆی نەتەوەیەک بخاتە ژێرپرسیاروبە بێ ئیزنی خەڵكی هەژار ساتوسەودا بۆ پڕکردنی گیرفانی ئەنجام بدا.
نەتەوەیەک کاتیك تووشی داڕمان ولاوازیی دەبێ کە سەرمایەی ئەدەبی وکولتوری ورێنووس ورێزمانی ئەو نەتەوەیە بکەوێتە بەر هێرشی رووخێنریی داگیرکاری کورد.لێرەدایە رۆڵی خراپی کەسانی هونەرمەندوونووسەروشاعیروقەڵەمفرۆشی کورد تڕاژیدیای دیرۆکی سوکوهاسان بەدووی خۆیدا دێنێ..ئەونەهامەتیە لە نەهامەتیی شەڕوکوشتاروکۆڕەوئەنفال مەترسیدارترە. کاتێک دووژمن بخوازێ بەردی بناغەی وڵاتێک بەرەووێرانی بەرێ دەست بۆپێنووس وکتێب ورێزامان ورێنووسی ئەو نەتەوەیە دەباوبەرەو وێڕانیی رایدەکێشێ.
لە مێژووی زۆرگەلاندا هەبووە،هونەرمەندێک بە سروودێکی نیشتمانیی، نووسەرێک بە نووسێنی وتارێکی هەست بزوێنی نەتەوەیی، شاعیرێک بە هۆنینەوەی شێعرێک نەتەوەیەک یان کۆمەڵگایەکی وەجۆش وخرۆش خستوە.لە لای کوردی هەژاررێک ئەو رێکارە بە پێچەوانەیە، ناوداری کورد بە فرۆشتنی هونەرومۆسیقاوشێعروپێنووسی خۆی دەبێتە مایەی نەهامەتیی وبێ بایخ کردنی تەواوی دەسکەوتەکانی دیرۆکیی کە بە خوێنی هەزاران مرۆڤی فیداکار پارێزراوە.

شارام نازری بۆ گووتنی دووگۆرانی ٧٥ میلیون تمەنی وەرگرتووە!
دۆستێکی نزیک وجێگای متمانەی خۆم لە پەیامێکی نووسراوەداکە بۆی ناردووم دەڵێ:کۆنگرەی ناودارانی کورد لە شاری سنە لە ژێر چەتری سپای پاسداران بەڕێوەچوو.بۆیە تەخشآن وپەخشآن کردنی پارە بە لێشاو بووە.هەرکەس بەرادەی کەسایەتیی خۆی پارەی پێدراوە.یەکێک لەو کەسانە شارام نازرییە کە تەنیا دووگۆرانی گووت ولە بەرانبەرئەو دووگۆرانییەش ٧٥ میلیون رەنگە بکاتە نزیک بە پێنج هەزار ئێڕۆ /.تمەنی پارەپێدراو گووتی من بایی ٧٥ میلیون تمەنم!چارەنووسی نەتەوەیەک کە بوو بە بازاڕی کڕیاروفرۆشیارراست وەک رۆژهەڵات وباشووری کوردستانی لێ بەسەردێ.کاک شارام نازریی لە کام تاکی کوردی پرسیوە کە ئیزن هەیە هونەریی نەتەوەیەک بفرۆشم؟لە کێی پرسیوە کە لە کەسایەتیی خۆیدا نەتەوەیەک بباتە ژێر پرسیار؟

شارام نازری کێیە؟
دەتوانم بەکورتیی ئاوا بڵێم:
شآرام نازریی لە ٢٩ رەشە مەی ساڵی ١٣٢٨ /١٩٤٩ / لە شآری کرمانشان لە گەڕەکی بەرزە دەماغ لە دایک بووە.ماوەی ٣٠ ساڵە چالاکیی هونەریی هەیە.زۆرترینی کارەکانی بە زمانی فارسی بەرهەم هاتوون.هەروەها لە بواریی ناونەتەوەییشدا چالاکیی هەبووە بۆتە خاوەن خەڵاتی ناونەتەوەیی. شآرام، بە هۆی ئەوەیە کە دایک وباوکیشی دەنگ خۆش بون،لە سەردەمی منداڵیدا هانیان داوە کە روولە مۆسیقاوهونەر بکا، بەتایبەت دایکی زۆری هانداوە کە دەگەڵ شێعروئاواز ئاشنابێ.