راکە سەرۆک
Wednesday, 21/10/2015, 20:03
بیرتە لە داخى یەکێتى
بۆ سەدام هاتیتە سەرچۆک
بیرتە بە سوارى دەبابە
هاتیتە سەر هەولێرى کۆک
راکە سەرۆک
وەکو پیاوێکى ترسنۆک
جار بە جارێ
بە ماچى دەستى دوژمنێ
نەتەوەیەک دەکەیتە شۆک
راکە سەرۆک
تۆ لە ژیانتا پیشەو کارت راکردنە
یان نۆکەرى و هانا بۆ دوژمن بردنە
راکە سەرۆک
هێند بچوکى
هەموو ساتێکت مردنە
راکە سەرۆک
رۆژى تۆش دێ وەک قەزافى وەک بن عەلى
تەخت و تاجت ژێرو بنە
راکە سەرۆک
کورسیە سێ لاقەکەت جوانە
ئەوەتەى هەى بۆ میللەتى خۆت نەگبەتى و
بۆ خەڵکى تر ملت پانە
راکە سەرۆک
میلەت بە شۆڕش هەڵچوە وادەى ژانە
راکە سەرۆک
مادام گیرفانت پڕ بووە
دیارە کەوادەى قوچانە
راکە سەرۆک خوێنى سەردەشت لە سێبەرت نابێتەوە
راکە هەتا تینت تیایە
هاوارى کچانى شنگال لە سەر سەرت نابێتەوە
قەڵا و مەچکۆو چۆلى و کوران
تۆڵەیان تیا ئەژێتەوە
میللەت ئەو ڕۆکە هۆشیارە
خیانەتى ئێوەى دیوەو
تازە بیرى ناچێتەوە
راکە سەرۆک
کە رەشەباى توڕەى خەڵک هەڵیکردو
گەیشتە کڵاوو جامانە
جا پێت دەڵێم کە دەست بگرى بە کوێتەوە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
