قوتابیانى ئاماده‌یى خۆپیشاندان ده‌كه‌ن
Sunday, 03/02/2013, 12:00
دژ به چه‌ند خاڵیكى سیستمى نوێى خوێندن قوتابیانى ئاماده‌یى له شارى سلێمانى خۆپیشاندان ئه‌نجام ده‌ده‌ن.
پاش ئه‌وه‌ى رۆژى سێشه‌ممه‌ى هه‌فته‌ى رابردوو گردبوونه‌ویه‌ه‌كیان ئه‌نجامدا، ژماره‌یه‌ك له قوتایانى قۆناغى ئاماده‌یى له‌شارى سلیمانى له ئێستادا سه‌قاڵى ئاماده‌كارین بۆ ئه‌نجامدانى خرپیشاندانیكى فراوان، ئاسۆ گه‌ڵالى، یه‌كێك له سه‌رپه‌رشتیارانى خۆپیشاندانه‌كه‌ى قوتابیان كه به‌رده‌وام له بانگه‌شه‌دایه بۆگردبونه‌وه‌كه ئاماژه‌ى به‌وه‌دا، كه له‌هه‌فته‌ى رابردووه‌وه چاوه‌رێى وه‌لامى وه‌زاره‌تى په‌روه‌رده ده‌كه‌ن بۆ داواكاریه‌كانیان به‌لام وه‌ڵامیان نه‌دراوه‌ته‌وه، بۆیه بریاریان داوه رۆژى سێشه‌ممه 5ـ2 خۆپیشاندان ده‌ستپێبكه‌نه‌وه.
نوێنه‌ره‌كه‌ى قوتابیانى نارازى له‌باره‌ى داواكاریه‌كانیانه‌وه رایگه‌یاند: ئیمه دوو داواكاریمان هه‌یه، یه‌كه‌میان هه‌ژمارنه‌كردنى نمره‌كانى سێ ساڵه‌كه‌ى ئاماده‌ییه بۆ تاقیكردنه‌وه‌ى به‌كالۆرى، دووه‌میشیان كۆكردنه‌وه‌ى نمره‌كانى دوو كۆرسه‌كه‌ى ساڵه.
ئاسۆ وتیشى: ئێمه كاتژمێر نۆى به‌یانیى رۆژى سێشه‌ممه له‌به‌رده‌م بیناى په‌روه‌رده‌ى مه‌لبه‌ندى سلێمانى خۆپیشاندانى خۆمان ده‌ستپیده‌كه‌ین تا وه‌ڵاممان ده‌ده‌نه‌وه، ئه‌گه‌ر وه‌ڵامه‌كان نه‌رێنى بوون، ئه‌وا رێگه‌چاره‌ى تر ده‌گرینه به‌ر.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
