روژنامەڤانى وروژنامەڤان دچ حال دایە ل بادینان؟

Wednesday, 09/09/2009, 12:00

كارێ روژنامەڤانیێ ل دهوكێ ئانكو روژنامەڤان یێ لژێر چاڤدێریەكا توند ژلایێ پاراستن و ئاسایشێ ڤە و ئەو روژنامە و گوڤارێن دەردچن ژى هەمى و زوربەیا وان بناڤ دسەربخونە لێ راستیا وێ پتریا وان سەر ب پارتى ڤەنە و هندەك ژى سەر ب ئێكەتى ڤەنە ، وهەر گوڤارەك یان روژنامەك وەكو روژناما ئەڤرو و گوڤارا مەتین بو نموونە ئیمبراتورەك یێ لێ دامەزراندى و میزانیەكا داناى بو ژ پارێ دەولەتێ و ئەڤ پارەژى ژدەف سەروكێ حوكمەتێ دهێت و میزانیا گوڤارا مەتین 15 پازدە ملیون دینارن و چەند كەسەك لێ كارد كەن وبتنێ ئەوێن بابەتا ژى لێ بەلاڤ دكەن هەر ئەو بخونە و دگەل چەندەكێن دى یێن دەستنیشانكرى و ژبلى ناڤێن خو ب ناڤێن وەهمى بابەتێن خو بەلاڤ دكەن و مەرەم ژى ژێ ئەوە كو ئەڤ پارە ژناڤ وان نەدەركەڤیت وهەر چەندە گوڤارەكا مریە وهەمى مانگێ ژمارا خواندەڤانێن وێ ناگەهیتە 20 كەسان و بابەتێن ئازاد بەلاڤ ناكەن و بتنێ بو رازیكرنا وێ دەستەكا لێ كاردكەت و ئەوژى داردەستن بو رژێمێ ، وهەروەها حالێ روژناما ئەڤروژى هەر ئەوە ل پێشیێ خەلكى حەز ژێ دكر و دخواند ژبەر كو ب دیالوكا بادینى دەردكەڤیت لىّ روژ بو روژێ خواندەڤانێ وێژى یێ كیم دبیت وئێدى روشەنبیرێن خودان شیان و حەز ژ ئازادیێ دكەن بابەتان ناهنێرنە ڤێ روژنامێ و چونكو بەلاڤ ناكەن و بتنێ وى تشتى بەلاڤ دكەن یێ پارتى ژێ رازى و یا بویە روژنامەكا زمان حالێ پارتى و پارێزگەها دهوكێ و لقێن پارتى ، خەلكەك ژى یێ ژڤان سوحبەتا تێر یوى ، و هەر دەستەكا وان بخو ئێدى بابەتێن خو پتر لێ بەلاڤ دكەن و لێك دزڤرینن ، و هەر روژنامەڤانەكێ بابەتێن خو بهنێریتە گوڤار و روژنامێن دى یێن ئازاد وەك هاولاتى و جەماوەرى و رودا و .... ئەوێن ل هەولێرو سلێمانى دەردكەڤن هەر زوى دێ كەفتە بەر هێرشێن ئاسایش و پاراستنا دهوكێ و روژنامەڤانێن داردەست .
روژنامەڤان لدهوكێ یێ قەید كریە نەشێت هەست ودەربرین و بابەتێن خو بگەهینتە جەماوەرێ دهوكێ و روژنامەڤانى یا بویە ئیمبراتوریەتەكا توندرەو و هەركەسەك بڤێت بابەتەكى ئازاد بەلاڤ كەت دێ دزالگەهێن ڤێ ئیمبراتوریەتێ دا مینیتە ئاسێ و ژێ نادەركەڤیت .
ژبەر هندێ داخازێ ژ هەمى روژنامەڤان و خودان شیانێن نڤیسینێ دكەم كو ئێدى بابەتێن خو ب ئازادانە بنڤیسن و بهنێرنە ساییتێن ئازاد وەكو سایتێ كوردستان پوست و دەنگێ وە دێ گەهیتە هەمو جیهانێ وهەركوردەكى ل دونیایێ ودا بشێین پێكڤە رژێما نوكەو داردەسێن وان ژ روژنامەڤانان ریسوا بكەین و روژنامەڤانیێ ژ قەید و زنجیرێن وان رزگار كەین.