لەسایەی كۆمەڵەی خوێندكاران دانەوی ئاڵای كوردستان
Wednesday, 02/05/2012, 12:00
پرسیارێك بەردەوام بیری لێ ئەكەمەوە كە بۆچی سەردەمێ خوێندكارە چاونەترسەكانی كورد لەسەر ئاڵای كوردستان سزای لەسێدارەدانیان قبوڵ ئەكرد، لە ئێستای سەردەمی ئازادی كە ئاڵای كوردستان نەك هەر باجدانی بەعسی لەگەڵ نییە بەڵكو كارێكی پیرۆزیشە بەڵام كۆمەڵەی خوێنكاران كە بە نوێنەری هەموو خوێندكارانی كوردستان دەزانێتن، فڕێی داوەتە زبڵدانەوە؟.
لە سەردانی ئەمڕۆی سكرتاریەتی كۆمەلەی خوێنكاران بۆلای جەلال تاڵەبانی نەك هەر ئاڵای كوردستان لەناو بارەگەی مام جەلال و ژوورە تایبەتیەكەی نەبو، بەڵكو بەشێ لەو ستافە فاشیلەی خوێندكاران جگە لە داوای ئیمتیازی شەخسی و قبوڵ خاس و زیادكردنی موچە، ئەوەی بیریان نەبوو ئاڵای كوردستان و كێشە و گرفتی قوتابیان و خوێندكاران بو.
گریمان جەلال تاڵەبانی وایزانی لە بەغدایە و لە ترسی مالیكی ناوێرێ ئاڵای كوردستان دابنێ، ئەی كۆمەڵە خوێندكاران بۆچی بڕوای پێنەماوە؟. كڕینی پارچەیەك قوماش كە ئاڵای پیرۆزی خۆمانی لەسەر بێ، بۆچی لای ئەم رێكخراوە فاشیلە ئەبێ تاوان بێ؟.
ئەوەی ئەمڕۆ ئاڵاكەمان بخاتە زبڵدانەوە سبەی وڵاتەكەشمان بەو دەردە ئەكوژێ، ئەگەر دڵداری شاعیر بمایە ئەیزانی كە ئەوە دانەری تۆپی زەمان نییە ئاڵاكەمان تێك ئەشكێنێ، بەڵكو لەسایەی كۆمەڵەی خوێنكاران دانەوی ئاڵاكەمان!
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
