لە ڕێگەی ئەو نوسراوەیەوە ڕایدەگەیەنم کە لەم ڕێکەوتەوە هیچ چەشنە پێوەندییەکی تەشکیلاتی و ئەندامیەتیم بە حیزبی دێموکراتی کوردستانی ئێرانەوە نەماوە.

باوەڕم بە سەربەخۆیی نەتەوەکەم و هەنگاو نان بۆ دروست بوونی کیانێکی سەربەخۆ لە کوردستانی داگیر کراو لە لایەن ئێرانەوە هەیە.

فیدرالیزم و مۆدێلەکانی لەم چەشنە ناتوانن وەڵامدەری ویست و داخوازیی نەتەوەکەم بۆ ڕزگاری لە ژێر دەستەیی بن .

سەری ڕێز و کڕنۆش لە بەرانبەر خەبات و تێکۆشانی حیزبی دێموکراتی کوردستانی ئێران دادەنەوێنم و تا دوایین دڵۆپی خوێن بە ڕێبازی دێموکرات و شەهیدان پێشەوا قازی ، قاسملوو و شەڕەفکەندی وەفادارم.

پاش دەربڕینی هەڵوێستەکانم لە پێوەندی بە سەربەخۆیی کوردستانی ڕۆژهەڵات، کۆمەڵێک حیزبی پان ئێرانی و بەشێک لەو لایەنانەی خواستی فیدڕالیان بۆ ئێران هەیە، فشاریان خستۆتە سەر حیزبی دێموکراتی کوردستانی ئێران، هەر بۆیە لە بەر ئەوەی نامهەوێ کێشە و لەمپەر بم لە بەردەم سیاسەتەکانی حیزبی دێموکراتی کوردستانی ئێران، واز لە ئەندامیەتی لەو حیزبە دێنم و وەک کەسێکی سەربەخۆ درێژە بە کار و چالاکییەکانم دەدەم.

فەڕانسە/ 

٣٠ی دیسامبری ٢٠١٨ی زایینی، بەرانبەر لە گەڵ ٩ی بەفرانباری ٢٧٠١٨ی کوردی و٩ی دەی مانگی ١٣٩٧ی هەتاوی