جەمال عەبدوڵڵاَ كەى فێری رێزگرتن دەبیت؟

Wednesday, 09/09/2009, 12:00

نازانم جەنابتان و نموونەكانی وەكوو تۆ كەی واز لەتۆمەت و قسەى نائەخلاقی و هێرشكردن دەهێنن، بەڵام قەیدی نییە چەم بێ چەقەڵ نابێ كۆمەڵگەیەكی وەكوو كورد پێویستی بە ئێوەش هەیە كە چیتر كاتێك ئێوە ببینن چەند نائەخلاق و جنێوفرۆشن لێتانەوە فێر ببن كە جنێوو دەمشڕی چەند بێ ئابرویی و خراپ و ناشرینە، دەی ئاساییە ئێمە باش دەزانین كە سەرۆك و حزب و حكومەتەكەشتان لەسایەى تۆو نموونەكانت دە هێندەى تر سووك و ناشرین دەبن و ئێوە دەبنە هۆی دۆڕاندنی بەردەوامنی حزبەكانتان.
ئەمە وەڵامدانەوە نییە، راستی وتنە.. دەرخستنی راستی ئەو نوسینەتە كە لەلاپەڕە یەكی گۆڤارەكەتدا بێ ئەوەى زەڕرەیەك رێزی تێدا بێت بڵاوت كردووەتەوە، لێ وەك بەندە دەڵێم هەرچەندە جەنابتان بڕواتان بە ئازادی نییەو هەمیشە ئەنتی ئازادین، بەڵام بەڵاى ئێمەى رۆژنامەنوسانەوە ئازادیت چی دەڵێت و چی دەنوسیت، بۆیە دەڵێم مەخابن قەڵەم هێندە گوناه و بێ دەسەڵاتەو تواناو زمانی نییە لێت بێتە وەڵام و بە ئارەزووى زوڕناكەت بەكارى دەهێنیت، خۆزگە بۆ یەك سەعات رۆحت دەكرد بە بەرى (قەڵەم)دا بزان چۆن یەكسەر هێرشی دەكردە سەرت و سەری پاندەكردیتەوە، چونكە تۆ جنێوو سوكایەتی پێ دەنوسیتەوەو بازرگانی پێوە دەكەیت،.. باش بزانە هەرچی قەڵەم و وەرەقە هەیە لەتۆ بێزارو وەرس و توڕەیە.
هەرچەندە وشەى (جەمال) واتا (جوان) و جەنابیشتان ناوتان جەمال-ە، بەڵام ئەسڵەن تۆ بەس جەمال نیت، بەڵكو ناجەمالی (ناشرین)، چونكە ئەوەى ناشرینی بێت تۆ دەینوسیتەوەو دەیڵێیت، ئەوەى نائەخلاقی بێت تۆ بە ئەخلاقیی دەزانیت و كاری لەسەر دەكەیت، ئەوەى لاى كەسانی بەویژدان و راستگۆ ناڕێك و پیس بێت لای تۆ جوانەو بە گەورەى دەزانیت.
كاكی بەناو جەمال، ئەوەى تۆ بە رۆژنامەنوس دەڵێی موراهیق و نەدی و بدی و هەرزەكارو پیاكەوتوو، هەموو ئەو وشانە هەر لەجەنابتان جوانەو لەجەنابیشتان دێت، چونكە ئەو دەمەی ئێوە موراهیق و نەدی و بدی بوون و لەپێناو گیرفان و پارەو مەسینە پەرستیدا لەهەڵپەدا بوون، ئێمە لەتاو ناعەدالەتی و دزی و ئاودیوكردنی سامانی میللەت و كوشتنی ژناندا لەسەر دەستی دەسەڵات و یەكێتی و پارتی، دەربەدەری وڵاتان بووین و بە سەر بەرزییەوە كرێكاریمان دەكرد، لەو نوسینەتدا راستت كردوو كە نوسیوتە (لەعیسایان دا موسا دەتلێتەوە)، بەڵێ ئێمەش لەدەسەڵاتمان داوەو ئێوە دەتلێنەوە، ئێمە دەڵێین دەسەڵات میللەت دەچەوسێنێتەوەو خوێنی میللەت دەمژێت، كەچی جەنابت قوڕ دەگریتەوەو بۆی دەگریت.
ئێمە باش دەزانین و خەڵكیش باشتر دەزانێت ئەو بەرگرییانەى تۆو نموونەكانی وەكوو تۆ بەرگرى نییە لەراستی، بەڵكو بەرگریكردنە لەئۆتۆمبیلە پرادۆكەى ژێرت و خانووەكەت، بەرگرییە لەپارە خواردن و زۆڕنا لێدانەكەت، بەڵێ جەناب هەرچەندە بە شایستەى نازانم و زمانم نایهێنێت بڵێم بەڕێزم، بەڵام هەر دەیڵێم، چونكە ئێمەی رۆژنامەنوسان هەر بەڕێزەوە شتمان نوسیوەو وتووەو زمانی رێزو راستی لەئێمەوە دەركەوتووە، بەڕێزم (جەمال عەبدولدەسەڵات) هیوادارم هەر بەردەوام بیت لەو زمانە تایبەتەى خۆت، چونكە ئەو جۆرە زمانە داهێنانی تۆیەو هەر لەئێوە دێت.
سەیر لەوەدایە لەو نوسینەیدا ناوی خۆی ناوە رۆژنامەنوس و بە خۆی دەڵێت (ئێمەى رۆژنامەنوس)، چش لەو رۆژنامەنوس و رۆژنامەوانییە، سوێندم بەهەموو شتێكی پیرۆز ئەگەر رۆژنامەنوس وەكوو تۆ بێت و تۆ رۆژمانوس بیت، ئەوا بەندە لەئێستاوە دەستی لێ هەڵدەگرم و پیرۆزی نموونەى وەكوو جەنابتانی دەكەم، چونكە كارى رۆژنامەنوسی و رۆژنامەوانی پێش هەموو شتێك بریتیە لەئەخلاق و راستگۆیی و بوێری و ئازادیخوازیی، بەڵام ئەوەى ئەو وشەو چەمكانە بێت لەتۆدا بوونی نییەو غیابەو لەعەدەمدایە، تۆ نە بە ئەخلاقی نە راستگۆو بوێرو ئازادیخواز.
ئەوەش بزانەو وای لێكنەدەیتەوە كە بەندە ئەو نوسینەى جەنابتی خوێندبێتەوەو ئینفیعالی كربێت، بەڵكو هەر كە ئەو نوسینەم خوێندەوە بە پێكەنینەوە وتم بیلزەبت وایەو كاك جەمال رەسەدی پێكاوە لەجۆرە زمانەكەى خۆی و بەڕاستی وایە ئەو جۆرە وتن و نوسینانە تایبەتن بە جەمال عەبیدولدەسەڵات.
هەرچەندە ئەوەندە گەورە نیت وەڵام بدرێیتەوە، بەڵام وەك لەپێشدا وتم ئەمە وەڵامدانەوە نییەو بەحەیفی دەزانم ناوی جەنابت بخرێتە سەر وەرەقەو نێو هەر بڵاوكراوەیەكەوە، بەڵكو راستكردنەوەى جنێوەكانی تۆیە، ئەوەش بزانە ناونیشانی نوسینەكەم (بۆ جەمال عەبدوڵڵا، جنێوو زوڕناو موراهیقی لەخۆت جوانە)، زمانی ئێمە نییە، بەڵكو زمان و داهێنانی جەنابتانەو تەنها بۆ جەنابیشتان بە كارم هێناوەو دەهێنم. جا ئیتر نازانم كۆمەڵگەى كوردی كەى رزگارى دەبێت لەنموونەكانی وەكوو جەنابتان؟.
ئەمە كورتەیەكە لەقسەكردن لەسەر جنێوتارەكەى جەمال عەبدوڵڵا لەگۆڤارەكەى خۆیدا.
[email protected]