بۆ :كوردستانپۆست

Monday, 12/10/2009, 12:00

وەزارەتى كارو كاروبارى كۆمەڵایەتى
بەڕێوەبەرایەتى راگەیاندن
بابەت / روونكردنەوە

لە كوردستانپۆستدا بابەتێك بەشێوەى ڕەخنە بەناونیشانى (وەزارەاتى كارو كاروبارى كۆمەڵایەتى خۆیان دەخڵەتێنن یاخود خەڵكى ؟) بڵاوكراوەتەوە .
بۆ ڕاستى ئاڕاستەكردنى ئەم ڕەخنەیە ڕوونى دەكەینەوە بەمەبەستى پڕكردنەوەى میلاكى سەنتەرى پاراستنى منداڵان لەقەزاى كفرى لەسنوورى بەڕێوەبەرایەتى چاودێرى و گەشەپێدانى كۆمەڵایەتى گەرمیان داواكارى دامەزراندنى ژمارەیەك هاووڵاتى بەنووسراوى ژمارە 2830 لەڕێككەوتى 3/9/2009 ئاراستەى وەزارەتى هەرێم بۆ كاروبارى دارایى و ئابوورى/بەڕێوەبەرایەتى گشتى دارایى كرد .
لەناو ئەوانەشدا بەڕێز عباس حسین رشید خاوەن بڕونامەى (دبلۆم) لە29/3/2009كارى كردووە و مووچەكەى وەرنەگرتووە . بۆ ئەوەش بەناوبراو ڕادەگەیەنین لە داهاتوودا مووچەكەى بۆ خەرج دەكرێت دواى گەڕانەوەى رەزامەندى پێویست لەگەڵ ڕێزدا .

ڕاگەیاندنى وەزارەتى كارو كاروبارى كۆمەڵایەتى
[email protected]