بو کوبانێ بو زیلانێ

Sunday, 08/02/2015, 12:00

ئه‌ڤ چه‌ند رۆژه‌
چه‌ند هه‌لبه‌ستێن وه‌ز دنڤێسم
هه‌میا پێگڤه‌ یێ ددڕینم
بو کۆبانێ
دکه‌م ناکه‌م
ئێکا ژهه‌ژی
وه‌ز نابینم
دێ کیژ په‌یڤێ
گۆگڕینم
سه‌ر و بنکه‌م
بخه‌ملینم
کا کیژ ستێرا
زیڤ و زێڕا
یا ئه‌ڵماسی
بوته‌ بینم
هێشتا کێمه‌
کۆبانا من
سنگێ نه‌حه‌ز و نه‌یارا
یێ گه‌نده‌ل و سته‌مکارا
دێ کون کونکه‌م
ل به‌ر پێن ته‌ په‌رچقینم
هه‌لبه‌سته‌کێ
ژ ستێر و هه‌یڤا
دێ که‌م ستڤانک
ب روناهییا برویسیا
دێ ڤه‌هینم
ئه‌ڤێ جارێ نه‌ بو یارێ
دگه‌رده‌نا
مشته‌ نورێ دێ ئالینم
بو کولیلکێن
ژ خوینێ سووربووین
جانه‌ مه‌رگێن ژ ئاخێ تێربووین
بو زیلانێ
ستێرا گه‌شا
ل کوردستانێ
دێ وان خوینم
سه‌رێ مه‌ ب ته‌ بلنده‌
کۆبانا من
ب وان شێرێن گه‌ل پاراستین
ب (یه‌ په‌ ژ) ا روومه‌ت بلند
ب پێشمه‌رگا
ل ناڤ جیهانێ
ئه‌ڤجا دشێم
ب سه‌ر به‌ستی
رابم روینم
سه‌ر هه‌لینم ۰