په‌یامێك بۆ پیاوه به هه‌ڵوێسته‌كانی نێو مه‌كته‌بی سیاسی و سه‌ركردایه‌تی یه‌كێتی نیشتمانی كوردستان ..
Sunday, 15/02/2009, 12:00
یاخی بوونتان له و سیاسه‌ته دیماگۆگی و دیكتاتۆریانه‌ی بنه‌ماڵه تاڵه‌بانی له‌م كاته ناسكه‌دا كه میلله‌ته‌كه‌مانی پێدا تێده‌په‌ڕێ، كاتی نزیكبونه‌وه‌ی هه‌ڵبژاردنه‌كانی په‌رله‌مانی كوردستان و خۆ سازدانی چه‌ندین حیزب و كه‌سایه‌تی سیاسی بۆ به‌شداریكردن له‌م پرۆسه دیموكراتییه‌دا، جگه له‌وه‌ی ئه‌ركێكی مێژوی سه‌رشانتان بوو ،له هه‌مان كاتدا هه‌ڵوێستێكی زۆر بوێرانه و شۆڕشگێڕانه بوو ، چونكه ئێوه تێكۆشه‌رانی دێرینی ڕۆژه سه‌خته‌كانی خه‌باتی ئه‌م گه‌له سته‌مدیده‌یه بوون ،كه‌سێكی وه‌كو كاك كۆسره‌ت كه به ئازایه‌تی و دڵسۆزی و به‌خشینی چه‌ندین شه‌هیدی بنه‌ماڵه‌كه‌ی ،به‌م پله‌و پایه حیزبی و حكومییه گه‌یشتوه ،ئه‌گه‌ر چی زۆر بێ ده‌نگ بوو ،به‌ڵام ڕاپه‌ڕینی ئه‌م جاره ،گوێی سه‌رانی گه‌نده‌ڵی له هه‌ردوو لا كه‌ڕكرد، به تایبه‌تی كه ده‌ستی یارمه‌تیت بۆ هاوڕێ و هاوسه‌نگه‌ی دێرینت كاك نه‌وشیراون درێژكرد و دژی بڕیاری ده‌ركردنی وه‌ستایته‌وه له گه‌ڵ پۆلێك له ئه‌ندامه‌كانی مه‌كته‌بی سیاسی و سه‌ركردایه‌تی یه‌كێتی دا ، هه‌موو چین و توێژه‌كانی گه‌ل له كوردستان و تاراوگه‌دا پشتگیری خۆیانتان بۆ نوێ ده‌كه‌نه‌وه ..
په‌یامی ئێمه وه‌كو ئه‌ندامه دڵسۆزه‌كانی یه‌كێتی هه‌روه‌ها وه‌كو هه‌موو جه‌ماوه‌ری كوردستان ئه‌وه‌یه :
١- ئێوه خۆتان خاوه‌نی یه‌كێتیین ،تاوانه له ئه‌نجامی ململانێكاندا له گه‌ڵ ته‌وه‌ری گه‌نده‌ڵی ده‌سه‌ڵاتداری ناو یه‌كێتییدا ،گۆڕه‌پانه‌كه چۆڵبكه‌ن وبه كۆمه‌ڵ ئیستیقاله بكه‌ن..
٢- ته‌وه‌ری ده‌سه‌ڵاتدار(مام جه‌لال مه‌لابه‌ختیار - ئه‌رسه‌لان ئازاد جندیانی هێرۆ - ..هتد ،به‌خۆشحاڵییه‌وه پێشوازی له ده‌ست له كاركێشانه‌وه‌تان ده‌كه‌ن ، چونكه لای ئه‌م تاوانبارانه دۆزی كورد دوای خۆ ده‌وڵه‌مه‌ندكردن و دزی و داوێن پیسی دێ .
٣- بۆیه داواتان لێ ده‌كه‌ین ده‌ست له كار مه‌كێشنه‌وه ، به‌ڵكو گه‌نده‌ڵه‌كان و ته‌وه‌ری ده‌سه‌ڵاتدار له ناو یه‌كێتی ده‌ركه‌ن و له دادگایه‌كی عادیلانه‌دا سزایان بده‌ن پێیان بڵیین ((من این لك هژا)).
٤- هه‌مووتان له ده‌وری ئاڵاكه‌ی لیستی جیاواز كۆببنه‌وه و خه‌ڵكی پاك و به هه‌ڵوێست بكه‌نه ده‌سه‌ڵاتدار له كوردستاندا ..
به‌ڕێزان ...هاوڕێ شه‌هیده‌كانتان ئه‌مڕۆ له گۆڕه‌كانیان هاتنه ده‌رێ و هه‌مو پێكه‌وه ئه‌م سرووده‌یان ئه‌وته‌وه..
له‌م گه‌رداوه‌ی ئه‌م شه‌وه‌دا
په‌یمانه‌و به پێشڕه‌وی ئه‌م پاپۆڕه‌مدا
ئه‌بێ خۆمان بخه‌ینه گه‌رداو
تا پاپۆڕه‌كه ڕزگار بێ.....
له تۆفی ئاو......
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
