ئه‌رێ دێ پارتی خوه روی ره‌ش کتڤه?!.
Monday, 27/07/2009, 12:00
پارتی دیموکراتی کوردستان نوکه ده‌ست هه‌لاته‌کا موکوم لده‌ڤه‌را به‌هدینا دکه‌ت وحکومرانیه‌کا ب ئاگری وئاسنی ل خه‌لکی دکه‌ت ب ره‌نگه‌کێ نه‌په‌نی ، لسه‌ر ده‌مێ رژێما سه‌دامێ گور به‌گور هه‌ر ده که‌سان لده‌ڤه‌را دهوکێ سیخورک ونوکه‌ره‌ک لسه‌ر سه‌رێ وان بی هه‌می بزاڤ وجالاکی بو ده‌زگه‌هێت هه‌والگیریا سه‌دامی ڤه‌دگوهێزان ، به‌لێ نوکه پارتی یا ژ سه‌دامی بوراندی هه‌ر پێنج که‌سان نوکه‌ره‌کێ پارتی کونترولێ لسه‌ر دکه‌ت ب تایبه‌تی ئه‌ندام ولاینگرێت یه‌کگرتوی ئیسلامی کوردستان ، بڤێ شێوازێ دکتاتورانه خه‌لک کریه دبن ده‌ست هه‌لاتا خوه دا ، هه‌ر تشته‌کێ پارتی دکه‌ت بو خوه ژ سیسته‌مێن دکتاتوری وخوین مێژێن جیهانی وه‌رگرتینه بو نموونه ئاسائیش وپاراستن رێکێن ئه‌شکنجه‌دانێ بکار دهینن یێن پولیسێ هێتله‌ری یێ نهێنی گوستابوی لگه‌ل خه‌لکی بکار دهینا ، هه‌ر که‌سێ گوتنه‌کێ یان کاره‌کێ بکه‌ت دژی به‌رژه‌وه‌ندیا بنه‌مالا بارزانی گرتیخانا ئاکرێ ئاماده‌یه وه‌کی زیندانا ئه‌بو غرێب یا لێ هاتی. پارتی راسته گه‌له‌ک خه‌بات کریه وشه‌هید داینه ، به‌لێ گه‌له‌ک کاره‌سات وخیانه‌ت ژی لگه‌لێ کورد کریه بدرێژیا مێژوویا خوه وه‌کی شه‌رکرن لگه‌ل پارتا دیموکراتا ئیرانێ وپارتا کرێکارێن کوردستانێ وئێکه‌تی نیشتیمانی کوردستان وجاشاتیا سالا31/ ئاب / 1996 ده‌مێ پوسته‌لێن بوعسیان ئیناین هه‌ولێرا پایته‌خت وبسه‌دان هاولاتی هاتن شه‌هیدکرن ، وهه‌تا ڤێ دوماهیکێ شه‌ر لگه‌ل قه‌ره‌جان کر لدوهوکێ وژ فرقێ ده‌رێخستن . یا من دڤێت به حس که‌م ئه‌و کاره‌ساتا لده‌ڤه‌را به‌هدینا کر ل رێکه‌فتی 6 /12 /2005 هاتیه رویدان ودوو شه‌هید لدهوکێ (موشیر ئه‌حمه‌د ئه‌ندامێ سه‌رکردایه‌تیا یه‌کگرتوو، وقوتابی عێمت به‌ندی) وهه‌ر وه‌سا ل زاخو دوو شه‌هید (مه‌لا شه‌فیق کێسته‌ی وعبدالرحمن هروری) زێده‌باری سوتنا مه‌لبه‌ند وله‌قان لگه‌ل تالانکرنا ده‌زگه‌هێن راگه‌هاندنا یه‌کگرتوو لده‌ڤه‌را به‌هدینا(رادیو ، ته‌له‌فزیون ، روژناما ره‌سه‌ن ، گوڤارا زه‌نگ وبه‌نگ یا زاروکان) به‌ری پارتی ڤێ شه‌رمزاریێ بکه‌ن به‌رپرسێن وان یێن وه‌کی قادر قاجاخی باوه‌رناما سه‌ره‌تای نینه ، هه‌ر روژ سمیناره‌ک ل کولیژه‌کا زانکویا دهوک ددا وتێدا هێرش دکرن سه‌ر یه‌کگرتوو ، ئه‌ز وێ روژێ ل کولیژێ بیم هه‌ڤاله‌کێ ته‌له‌فونا من کر وگوت وه‌ره پارتیا بسه‌ر مه‌لبه‌ندی دا گرت ، ده‌مێ ئه‌ز گه‌هشتیم نێزیک مه‌لبه‌ندی ئاسائیشێ نه‌دهێلا که‌س ژ ئه‌ندامێت یه‌کگرتوو بجیت دباره‌گایڤه ، وان کرێگرتیێت پارتی گه‌له‌ک هه‌ولدان بجن دناڤ مه‌لبه‌ندی دا به‌س ژ به‌ر شه‌رێ به‌ران نه‌شیا جونکه که‌س ژ وان نه ئه‌و بی سه‌رێ خوه بشکێنت ، نێزیکی جه‌ند ده‌مژمێران کاودان بڤی ره‌نگی برێڤه جوون ، ژ ده‌رڤه که‌سێ نه دزانی کا کی پارتی یه یان یه‌کگرتوویه ، ئه‌ز لده‌ڤ لیوا وعدالله رێڤه‌به‌رێ پولیسان بیم ده‌می پولیسا دگوتێ ئه‌ز به‌نی جی بکه‌ین هێرشێ بکه‌ین نوکه ؟ ئه‌وی هه‌ر دگوت راوه‌ستن هه‌تا فه‌رمان بێت ، وه‌خته‌کێ من دیت ته‌له‌فون دا به‌ر گوهێ خوه وپاشی ئێکسه‌ر گوت پولیسان هێرشێ بکه‌ن سه‌ر مه‌لبه‌ندی ، مه‌لبه‌ند سوت وخه‌لکێ سڤیل شه‌هیدکرن وئالایێ کوردستانێ بێ قیمه‌ت کر وجه‌ندین قورئان و په‌رتوک وئوتومبێل سوتن ، هه‌مان سیناریوی ل ئاکرێ و ئامێدیێ وشه‌قلاوا وزاخو بکارهینا . به‌س ئه‌ڤه وه‌کی دیرووک بهێته تومارکرن ونه‌فره‌ت ل تیرورستان بهێن کرن ، پرسیارا گرنگ ئه‌ڤه یه ئه‌رێ پارتی دێ ڤێ شه‌رمزاریێ دووباره کته ڤه ئان نه ؟ ئه‌ندامێت پارتی لشه‌فا 26 /7 /2009 بشێوه‌کێ به‌ربه‌رانه وهه‌مه‌جیانه هه‌ولدا هێرشێ بکه‌ن سه‌ر باره‌گایێ مه‌کته‌با سیاسیا یه‌کگرتووی ئیسلامی کوردستان ل هه‌ڤلێرا پایته‌خت وکه‌نالێ سپێده ومالا ئه‌میرێ کومه‌لا ئیسلامی عه‌لی باپیری وجه‌ند باره‌گایێت لیستا گوران سوتن وشه‌لاندن ، ئه‌رێ ئه‌ڤه ئه‌و سه‌رده‌مه گه‌لی سه‌رکردێن پارتی ؟ ئه‌رێ ما ج جاران پارتی ب ئاقل ناکه‌فیت وسه‌ربوران وه‌رناگریت ژ مێژووێ ؟ بشه‌ف جه‌تێن مه‌سروری ونێجیری بسه‌ر باره‌گا دا دگرن ، به‌لێ ب روژ دکتور نێجیرڤان دجیت داخازا لێبورینێ دکه‌ت وسوزێ دده‌ت که‌سێن سه‌رپێجی کری سزا بده‌ت ، هندی بمینین براستی دێ هه‌ر تشتێن سه‌یرو عنتیکه ژ بنه‌مالا بارزانی بینین ، ئێک ژوان خه‌لکی دکوژیت وئێکێ دی دجیت به‌هیا وی ، یا خویا وئاشکرایه بو هه‌ر که‌سێ بجه‌ک ژیرێ خوه بکاربینت هیج تشته‌ک روی ناده‌ت ل کوردستانێ ، ئه‌گه‌ر ده‌ستێن پارتی تێدا نه‌بیت ، ئه‌ڤجا بلا به‌س بیت یاری پێکرنا ڤان گه‌نده‌لان بژیرێ خه‌لکێ مه ، لدوماهیکێ دێ بێژم سه‌رشوری وشه‌رمزاری بو دکتاتور وجه‌تێن وان بن هه‌ر بژیت کورد وکوردستان .
_ نه‌رویج
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
