ده‌ست خوش بن به‌رێز نوشێروان
Wednesday, 08/07/2009, 12:00
گهورین وداهێنان زور یا گرنگه د هه‌می وارێت ژیانێ دا ، براستی ئه‌ڤه جه‌ند ساله هه‌ردووک پارتێت ده‌ست هه‌لاتدار یا خوه کری پاش وقرال لسه‌رسه‌رێ خه‌لکێ هه‌ژار وبه‌لنگاز ، هه‌ر وه‌کی دێبێژی کوردستان زێرکرا بابێ وانه وخه‌لک هه‌می به‌ند ودیلێت وانن . حکومه‌ته‌کا گه‌نده‌ل وبه‌رپرسێن دز بووینه مافیا بو خوه کوردستان وسامان وبه‌رهه‌مێ ڤی وه‌لاتی دناڤبه‌را خوه دا دابه‌شکریه ، هه‌ر ئێک ژ بنه‌مالا بارزانی وتاله‌بانی 30 ملیون دولارا رادکن به‌ری پاره بجیت گه‌نجینا حکومه‌تێ، ئه‌رێ کا وژدان . ئه‌م نوکه پێدڤی ژێک جوداکرنا حزبێ ژحکومه‌تێنه جونکه لده‌ڤه‌را به‌هدینا هه‌می تشت ب پشتگیریا حزبێنه هه‌ره زانکویێ ژ سه‌روکێ وێ هه‌تا به‌رده‌سکێ جایێ دئینت هه‌می لسه‌ر بنیاتێ پشته‌ڤانیا حزبی دامه‌زراندینه پولیس وئاسائیش وپاراستن گه‌له‌ک ژ زانکویێ خرابترن . هزار جارا سوپاس بو خودێ هه‌وا وتاڤ وباران وبه‌ر وتشتێن سروشتی نه دده‌ستێ واندانن ئه‌گه‌ر ئه‌وژی دا ب پشتگیریا حزبێ بن . گه‌نده‌لی ئێشه‌کا کوشنده وکوژه‌که دناڤ جڤاکیدا وه‌کی زبلخانێ وگیڤکانه به‌س کرم وجورد ومشک تێدا مه‌زن وقه‌له‌و دبن ئه‌گه‌ر سه‌حکی بنگوهێت به‌رپرسان وه‌کی جوردا یێت لێ هاتین . ب هزرا من ئه‌ڤه ژ شه‌رێ ناڤخوی کێمتر نینه جونکه دێ جڤاکی دابه‌شکه‌ت لسه‌ر شنگستێ تویژه‌ی( هه‌ژار زه‌نگین) . وه‌سا خویایه هه‌ردووک پارتێت حکومکه‌ر خوه ناگهورن ئه‌گه‌ر نه‌ترسن ژ بزاڤ وجالاکیێن راست ودروست دگه‌ل لڤینێت به‌رده‌وام ، هاولاتی بێ زاربینه ژڤان گه‌نده‌لان به‌لێ دڤێت هنده‌ک هه‌بن سه‌رکێشی وسه‌رپه‌رشتیا وان بکه‌ن وخودان سه‌ربور و هه‌لویستێن ئاشکرابن . یا هاتیه گوتن: ئاسن ئاسنی دجه‌مینت ، نوکه وه‌کی ئه‌ز دبینم لیستا گوران بوویه مه‌ترسیه‌کا مه‌زن بو گه‌نده‌لان ودزان ل هه‌رێما کوردستانێ ، به‌لکی ئه‌م ژ ڤی کاودانێ نه‌سروشتی بارزانستان وتاله‌بانستان قورتال وئازاد ببین . ئه‌ڤ گه‌نده‌له نوکه یێت که‌تن لاڤ لاڤێ ووسوزا دده‌ن خه‌لکی ، به‌رپرسێن وان نوکه یێ بوخوه دگه‌رهن وه‌کی قه‌ره‌جان ل هه‌می شار وباژێرێت کوردستانێ ، ئه‌گه‌ر ده‌ست هه‌لات نه یا خه‌مسار وگه‌نده‌ل بان پێدڤی ڤان پروپاکندا نه دکر جونکه خه‌لک هه‌می باش دنیاسیت خودان خزمه‌ت وخه‌بات وشوره‌شن ل جیایێت کوردستانێ . به‌لێ نوکه وان عه‌قلیه‌ت وژیرێ جیای یێ لسه‌ر هاولاتیان سه‌پاندی بو نموونه که‌سه‌کێ کری پارێزگه‌ر ل دهوکێ نه ده‌رجوویێ ئاماده‌ی یه ، ئه‌رێ ئه‌ڤه جی عه‌قلیه‌ته . یان هنده‌ک ژ په‌رله‌مانته‌رێت وان ئه‌ڤه جار ساله هه‌تا نوکه ئێک ئاخڤتن نه کری یه دپه‌رله‌مانیدا به‌س دزانن ده‌ستێ خوه بلند که‌ن ، ئومێده‌وارم لیستا گوران بشێت ڤان شاشیان ب گهوریت .
ئارارات گولی _ نه‌رویج
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
