HRK لێدوانێکی به سه‌ر دێری" له کوردستان خه‌یانه‌ت بێ وڵام نامێنێ" بڵاو کرده‌وه.
Saturday, 17/10/2009, 12:00
فه‌رمانداری گشتی هێزی رۆژههڵاتی کوردستان HRK به ده‌ر کردنی لێدوانیک به سه‌ردێڕی "له کوردستان خه‌یانه‌ت بێ وڵام نامێنێ"ڕایگه‌یاندووه،که ماوه‌ێکی درێژه که له ئه‌یاله‌تی کێله‌ڕه‌شی باکووری رۆژههڵاتی کوردستان ،گرووپێک به‌کرێگیراو و کونته‌رگه‌ریلا به سه‌رکێشی که‌سێک به ناوی "شۆرش حه‌کیم خالدی"ناسراو به "حه‌کۆ" له دژی هێزه‌کانی HRK شه‌رده‌کات و ده‌ستی له شه‌هید کردنی هه‌ڤاڵان، گرتن و بریندار بوونی وڵاتپارپارێزان دا بووه و سه‌ره‌ڕای وشیاری دانی ده‌ستی له خیانه‌ت هه‌ڵنه‌گرتووه له پێکدادانێکدا له گه‌ل 2 به‌کرێگیراویتر کۆژراوه. به پێی لێدوانه‌که‌ی هێزی روژهه‌ڵاتی کوردستان هه‌ره‌که، ئه‌م گرووپه خیانه‌تکاره ساڵی 2008 وه‌ک سیخوڕ که‌وتۆته ناو هێزکانی هه‌ره‌که و ده‌ستیان هه‌بووه له شه‌هیدکردنی هه‌ڤال باگه‌ر هه‌کاری، وڵات وان و 3 هه‌ڤالی دیکه و ووڵاتپارێزێکیش به ناوی مهلا ره‌سول, خه‌ڵکی گوندی سیناوێ. ئه‌و گرووپه هه‌روه‌ها له هه‌رێمه‌که‌دا سه‌رگه‌رمی سیخورین بۆ ده‌سگیر کردنی وڵاتپارێزان و ئه‌شکه‌نجه کردنیان. هه‌ره‌که هاوکات ڕایگه‌یاند له‌م رۆژانه‌ی دوایدا هێزه‌کانی رژێم، به هاوکاری ئه‌م گروپه کۆنتراگه‌ریلایه، ئاماده‌کاری ئۆپراسیونیان له دژی یه‌کینه‌یه‌کی هێزه‌کانی هه‌ره‌که کردووه، که پێکدادانی لێ که‌وتۆته‌وه و به‌کرێگیراو حه‌کیم خالیدی، ناسراو به حه‌کۆ و دوو به‌کرێگیراوی تر کوژراون.
له کوتایی لێدوانه‌که‌دا هاتووه: وه‌ک فه‌رمانداری HRK ئه‌و که‌سانه‌ی که له کرده‌وه‌ی هاوشێوه‌ی ئه‌م به‌کرێگیراوانه‌دا به‌شداری ده‌که‌ن وشیار ده‌که‌ینه‌وه که، ده‌ست له‌م کرده‌وانه به‌رده‌ن. بێ گومان ئێمه ئاگاداری هه‌موو کرده‌وه‌کانی به‌کرێگیراوانین و به به‌رده‌وام بوونیان له سه‌ر ئه‌م کرده‌وانه به پێچه‌وانه‌ی ئه‌م وشیارییانه‌ی که ده‌درێن، دره‌نگ یا زوو چاره‌نووسیان وه‌ک ئه‌وانی تر ده‌بێت. وه‌ک فه‌رمانداری HRK راده‌گه‌یه‌نین، هه‌ر که‌س و لایه‌نێک که هه‌وڵی ده‌ستدرێژی بۆ سه‌ر گیان و ماڵی گه‌ل له رۆژهه‌لاتی کوردستان و هێزه‌کانی پاراستنی بدات، بێ وه‌ڵام ناهێڵینه‌وه و گه‌ل و هێزه‌کانمان ده‌پارێزین و جارێکی تر ده‌لێین، که خیانه‌ت و گه‌له‌کۆمه بێ سزا نه‌ماوه و نامێنێته‌وه.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
