لە هەرێمی قەندیل هەنگاوێکی گرنگ نرا

Wednesday, 06/04/2011, 12:00

لە هەرێمی قەندیل ناوەندێکی نوێی شارەداری کرایەوە و شارەداریش هەڵبژێردرا.
بۆ کردنەوەی ناوەندەکەی شارەداری، مەڕاسمێک وەڕێخرا.
دوای مەراسمەکە، دوهەمین کۆنفڕانسی شارەداری بەبەشداری ئەنجومەنەکانی 40 گوند و دانیشتوانی هەرێمەکە پێکهات.
شارەداری قەندیل، مامۆستا 'نەبی وریا مەحەمەد' کۆنفڕانسەکەی کردەوە و بەبیریهێنایەوە، ئەوان بە ئیمکانێکی کەم دەستیان بە کار و خەباتی شارەدارییەکە کرد و بەهەموو شێوەیەک هەوڵیاندا پێداویستییەکانی گەل لە هەرێمی قەندیل دابین بکەن.

سەرۆکی پەچەدەکە، دیار غەریب کە بەشداری کۆنفڕانسەکە بوو، کردنەوەی ناوەندەکەی شارەداری لە 4ی نیساندا واتادار بینی و لەوبڕوایەدایە کە شارەداری دەتوانێ داواکارییەکانی گەل لە هەرێمەکە جێبەجێ بکات. شێخ عەبدولڕەحمان نەقشبەندیش، سیستمی شارەداری قەندیلی گرینگ وەسف کرد.

دواتر هەڵبژاردن کرا و شێخ عومەر، وەک شارەداری نوێ قەندیل هەڵبژێردرا.

دواتر بەشداربوان، بەبۆنەی لەدایکبوونی ئۆجەلان نەمامیان چاند.