جما ده‌ست هه‌لاتا کوردی ژ روژنامه‌ڤانا دترسیت ؟
Thursday, 17/05/2012, 12:00
ب گشتی وه‌کی دهێت زانین روژنامه‌گه‌ری ده‌ست هه‌لاتا جارێ یه لڤی سه‌رده‌مێ نوکه ئه‌م تێدا دژین وکارتێکرنه‌کا ئێکجار مه‌زن هه‌یه دجێکرنا رویدان وبریار وهه‌لویستاندا ئه‌ڤجا ج نێگه‌تیڤ بن وه‌کی لشه‌رێ جیهانیێ دووێ یان پوزێتیڤ بن وه‌کی رامالکرنا شوره‌شێن بوهارا عه‌ره‌بی .روژنامه‌ڤانێ زیره‌ک ونه ترسنوک هه‌رده‌م هه‌ولدده‌ت راستی وتشتێن نهێنی به‌رجاڤ وخویا دکه‌ت بو رایا گشتی وهشیارکرنا خه‌لکی لسه‌ر دوزێن مه‌ترسیدار وگرنگ دناڤ جڤاکی دا .به‌لێ ئه‌ڤ کارێ پیروز نه یێ رائێخستیه ب گول به‌یبینا سالانه ب سه‌ده‌هان روژنامه‌ڤان دبنه قوربان سه‌خمه‌راتی دیڤجوونا کێشێن مه‌ترسیدار وه‌کی گه‌نده‌لی وبه‌رتیل وکوشتن ومایتێکرنا حزبێ دناڤ دام وده‌زگه‌هێن میریدا وووو. له‌وما ویلیه‌م شکسپیری دگوت پێنوسێ نڤیسکاری وخوین شه‌هیدان وه‌کی ئێک پیروزه . ل کوردستانێ جه‌ندین روژنامه‌ڤانێت جه‌له‌نگ هاتینه تیرورکرن مینا کاک سوران مامه حه‌مه سه‌رنڤیسه‌رێ گوڤارا لڤین ل که‌رکوکێ پشتی به‌لاڤه‌کرنا راپورته‌کێ لدور گروپێن له‌شفروشیێ وپه‌یوه‌ندیێن هنده‌ک به‌رپرسێن مری پێڤه ودکتور عبدالستار وکه‌مال ئاکره‌یی وسه‌رده‌شت عوسمان ، زێده‌باری جه‌ندین جاران هێرش کریه سه‌ر ئه‌حمه‌د میره سه‌رنڤیسه‌رێ گوڤارا لڤین ونه‌به‌ز گوران سه‌رنڤیسه‌رێ گوڤارا جیهان هه‌ولا تیرورکرنا وی دایه وئاسوس هه‌ردی خودانێ کومپانیا ئاوێنه وئه‌حمه‌د هه‌ردی ، گرتن وزیندانکرنا کاک ئیسلام که‌شانی ل زاخو وشێروان شێروانی سه‌رنڤیسه‌رێ گوڤارا باشور دسالڤه‌گه‌را روژنامه‌ڤانیا کوردی دا هاته گرتن .براستی ده‌ست هه‌لاتا کوردی هنده‌ک لاپه‌رێن ره‌ش وناپاک لسه‌ر خوه تومارکرینه هه‌مبه‌ری ده‌نگێن ئازاد ، به‌لێ ئه‌و روژنامه‌ڤانێت ده‌هولێ بو ده‌ست هه‌لاتێ دقوتن و ب به‌ژن وبالا وێ دبێژن هه‌می خودان ئیمتیازات وموجه‌نه ویێن ره‌خنا ئاڤاکه‌ر دگرن ده‌رگه‌هێن گرتیخانا بو وان ڤه‌کرینه . سه‌رکردێ فره‌نسی ناپلیونی دگوت سێ روژنامه دشێن له‌شکه‌ره‌کی بشکێنن ، ده‌ست هه‌لاتا مه باش ئه‌ڤ گوتنه یا شروڤه کری ژبه‌ر هندێ دروژا جه‌ژنا رونامه‌گه‌ریا کوردی دا وبورینا 114 سالان لسه‌ر ده‌رکه‌تنا روژناما کوردستان ل قاهیره کاک شێروان شێروانی هاته گرتن ، پارتی وئێکه‌تی بسه‌ده‌هان ده‌زگه‌هێن راگه‌هاندنێ هه‌نه مینا که‌نالێن ئه‌سمانی وئه‌ردی ، رادیو ، روژنامه ، گوڤارا وو . هه‌می به‌س شول وکارێ وان مه‌دح وستائیشا هه‌ردووک حزبانه به‌لێ نه کارینه خه‌لکێ کوردستانێ رازی بکه‌ن جونکه گه‌له‌ک ژ وان نه جهێ باوه‌ریا خه‌لکینه وکارێ سه‌ره‌کی یێ وان بویاغ کرن ومیکیاجکرنا ده‌ست هه‌لاتێ یه ، ئه‌و رێکخراوێن نیڤ ده‌وله‌تی یێن جاڤدێریا ره‌وشا رونامه‌ڤانا دکه‌ن لسه‌رانسه‌ری جیهانێ وه‌سا خویا دکه‌ن نه‌باشترین وه‌لات بو روژنامه‌ڤانا سوماله وپاشی عێراق پلا دووێ دهێت وتشتێ سه‌یر ئه‌ڤه‌یه به‌س روژنامه‌ڤانێت هێزێن به‌رهنگاری ده‌ست هه‌لاتێ ویێنسه‌ربه‌خو دبن قوربان وپێشلکاری هه‌می به‌هرا وانن ویێندفه‌له‌کا پارتی وئێکه‌تی دا دزفرن بلا که‌باب وتکان بخون ! ردوان گولی / سوید
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
