قــه‌ڵـه‌مـێکی دۆڕاو
Wednesday, 08/07/2009, 12:00
لـه‌وڕۆژه‌وه قـه‌ڵـه‌می ده‌ستـی نـوسه‌ره‌که بووه مامانی بیرێکی بێژی ناو سك و ژوورو گیرفانی گه‌رم بووه که‌وڵی ڕێوی له به‌رکردو خۆی له ئامێزی ئه‌هریمان هاویشت ، له ئاست ئاسمانی ڕوون و ڕاستی بوه په‌ڵه هه‌ورێکی ڕه‌ش و چڵکن هه‌رجاره‌ی به‌ڕه‌نگێك ده‌هاته‌گۆ ڕه‌ش به سپی و سپی به ڕه‌ش ده‌نواند قه‌ڵه‌ڕه‌ش شوومی له خه‌ڵکی ده‌کرده که‌ناری و بولبولی خۆشخوان به هاوڕێی کونده په‌بوو .. له سه‌ره تاوه وه‌ك که‌ری ناو جۆگا له‌وه‌ڕی ده‌کرد .. له کوێوه شنه‌ی با هاتبا شه‌نی خه‌رمانی دڕك و داڵی ده‌کرد ... کار گه‌یشته ئه‌و ڕۆژه‌ی بانگی خیانه‌تی به بلوێری شوان لێك دایه‌وه ته‌پڵی دڕاو ناوی زڕا ،که‌وته به‌رده‌ریایی تف و له‌عنه‌تی خه‌ڵکی ناچار له‌گه‌ڵ به سه‌رچوونی وه‌رزی کوللە ئه‌میش ئاواره بوو ..
[email protected]
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
