پارتی پێویستی به‌چه‌ك هه‌ڵگره‌و ژماره‌یه‌ك به‌ئاسایش داده‌مه‌زرێنێت

Wednesday, 06/04/2011, 12:00

  به‌مه‌به‌ستی رێگریكردن‌و توندوتۆڵكردنی زیاتری هێزه‌ ئه‌منییه‌كان، پارتی ژماره‌یه‌ك هاولاتی به‌ئاسایش داده‌مه‌زرێنێت.
رۆژنامه‌ی هاوڵاتی له‌ژماره‌ی ئه‌مرۆیدا ئه‌وه‌ی بلاوكرده‌وه‌ كه‌ پارتی دیموكراتی كوردستان له‌هه‌ولێر ژماره‌یه‌كی زۆر هاوڵاتی به‌ئاسایش دامه‌زراندووه‌و پاش مه‌شق‌و راهێنانی كه‌م، ره‌وانه‌ی شه‌قام‌و شوێنه‌ گشتییه‌كانی كردووه‌ بۆ پاراستنی هه‌ولێرو رێگریكردن له‌روودانی خۆپیشاندان.
به‌پێی سه‌رچاوه‌كه‌، پارتی پێویستی به‌چه‌كداری زیاتره‌و له‌ئێستادا زیاتر له‌ 200 كه‌سی دامه‌زراندووه‌و له‌و رێژه‌یه‌ش زۆربه‌یانی ره‌وانه‌ی شه‌قامه‌كان كردووه‌.