په‌یامی ده‌سته‌ی سه‌رپه‌رشتیکاری که‌مپینی (تۆم به‌سه‌رۆک قبوڵ نییه‌) بۆ کۆکردنه‌وه‌ی 50000 ئیمزا بۆ سه‌رۆکی هه‌رێم

Tuesday, 22/03/2011, 12:00

(تێبینیی: ئه‌م په‌یامه‌له‌و کۆنگره‌ڕۆژنامه‌یییه‌دا خوێندرایه‌وه‌که‌که‌مپینی (تۆم به‌سه‌رۆک قبوڵ نییه‌) رۆژی 19.03.2011 به‌ستی).

به‌ڕێز سه‌رۆکی هه‌رێم مه‌سعود بارزانیی!
پاش سڵاو و ڕێز ..
ئێمه‌به‌ناوی 50000 هاوڵاتیی ئه‌م هه‌رێمه‌وه‌پێت ڕاده‌گه‌یه‌نین که‌ئاواتێکی گه‌وره‌ی سیاسییمان ئه‌وه‌یه‌که‌به‌ریزتان واز له‌پایه‌ی سه‌رۆکایه‌تیی هه‌رێم بێنن و به‌ڕێزی جارانی خۆتانه‌وه‌وه‌ک شۆڕشگێڕێکی نه‌ته‌وه‌یی، به‌بێ ئه‌وه‌ی سه‌رۆک بیت، درێژه‌به‌ژیان وچالاکیی سیاسیی خۆت بده‌یت.
به‌ڕێزتان بۆ ده‌ستله‌کارکێشانه‌وه‌تان، مانگی پیشوو ئه‌و مه‌رجه‌تان دانا که‌50000 هاوڵاتیی هه‌رێم ناڕه‌زایی خۆیان له‌شێوازی حوکمکردن و وڵاتبه‌رێوه‌بردنی به‌رێزتان ڕابگه‌یه‌نن ئینجا ده‌ست ده‌کێشنه‌وه‌. بۆیه‌ئێمه‌وه‌ک چه‌ند گه‌نجێک و خوێندکارێکی زانکۆیی، له‌که‌مپنیێکی ته‌نها سێ هه‌فته‌ییدا ئیمزای 50000 هاوڵاتیی ئه‌م هه‌رێمه‌مان کۆکرده‌وه‌، که‌ژماره‌یه‌کی به‌رچاویان بۆ ئه‌وه‌ی پیشانی بده‌ن چه‌نده‌بێزارن له‌بێکه‌فائه‌تیی به‌ڕێزتان له‌به‌ڕێوه‌بردنی وڵاتدا، که‌ئاماده‌بووون ئه‌و ئازاره‌بخه‌نه‌جه‌سته‌ی خۆیان و چه‌قۆ له‌په‌نجه‌یان گیر بکه‌ن و به‌خوێن ئیمزای بکه‌ن. بۆ هه‌ر سه‌رۆکێک که‌نه‌یه‌وێت له‌خه‌باتکارێکی نه‌ته‌وه‌ییه‌وه‌ببێته‌خه‌باتکارێک بۆ ناو و پله‌ و پایه‌، ده‌بێت ئیمزاکردنی هاوڵاتییه‌ک به‌خوێن مانای گه‌وره‌ی هه‌بێت بۆی.
ئێمه‌ئێستاش پێمانوایه‌تۆ ئه‌وه‌نده‌غروری ئینسانییت تیایه‌و کبریا و ئیعتیبارێکی وا بۆ خۆت قایلیت که‌به‌ڵێنه‌که‌ت ببه‌یته‌سه‌ر و ده‌ست له‌کار بکێشیته‌وه‌.
ئێمه‌لێره‌وه‌وه‌ک کۆمه‌ڵێک گه‌نجی نه‌وه‌ی تازه‌له‌کوردستاندا، داوا ده‌که‌ین تۆ ئه‌و وێنه‌ی شۆڕشگێره‌نه‌ته‌وه‌ییه‌ی که‌ له‌سه‌ر تۆ له‌ڕیگه‌ی گێڕانه‌وه‌ی دایکوباوکه‌کانمانه‌وه‌له‌زیهنی ئێمه‌دا دروست بووه‌، ده‌ست پێوه‌بگریت و خۆت له‌ژه‌هراوییبوون و ته‌وه‌هومبوون به‌ڕیاکاریی ئه‌و ڕاوێژکارانه‌ت بپارێزیت که‌هه‌وڵه‌ده‌ن وات لێ تێبگه‌یه‌نن که‌ تۆ ئێستاش ئه‌وه‌نده‌شه‌عبییه‌تت زۆره‌که‌ته‌نانه‌ت مومکین نییه‌‌50000 هاوڵاتیی هه‌بێت تۆی پێ قبوڵ نه‌بێت.
ئێستا ئێمه‌دوای کۆکردنه‌وه‌ی ئیمزاکان ئیشێکمان به‌تۆپه‌که‌نه‌ما و هه‌ڵمانداوه‌ته‌نێو نیوه‌گۆڕه‌پانه‌که‌ی تۆوه‌و چاوه‌ڕوانین ببینین ئایا تۆ کام فیگوری سیاسیی بۆ خۆت‌هه‌ڵده‌بژێریت:)شۆڕشگێرێکی نه‌ته‌وه‌یی که‌خه‌مێتی به‌ناوبانگێکی سیاسیی خراپی سه‌رده‌می حاکمییه‌تییه‌وه‌نه‌چێته‌ناو کتێبه‌کانی مێژووه‌وه‌(، یان)ده‌سه‌ڵاتدارێک که‌بۆ پله‌وپایه‌ئاماده‌نییه‌ته‌نانه‌ت ڕێز بۆ قسه‌ی خۆیشی دانێت(.

ئیختیار لای ئێوه‌یه‌.