بە پەلە: ئەمریكیەكان لە ماڵى محەمەدخۆرشید تۆفیق كارگێرى لقى 3 پارتى لە كەركوك دەستیان بەسەر 4 كیلۆ لە مادەى هۆشبەرى(تلیاك) دا گرتووە!

Monday, 11/01/2010, 12:00

ئێوارەیى ئەمڕۆ هێزەكانى ئەمریكا بە 5 سەیارەى هەمەر لە گەڕەكى دۆمیزى لە شارى كەركوك لە ماڵە نهێنیەكەى محەمەد خۆرشید تۆفیق كارگێڕى لقى 3 پارتى، كە بۆ كارى ڕابۆاردن و حەوانەوەو شەوانەكانى بەكارى دەهێنێت، بە پێى ئەو زانیاریانەى دەست هێزەكانى مارێنز كەوتووە، كە چەند ئیرهابیەكى عەرەب، لەلایەن محەمەد خۆرشید كارگێڕی پارتیەوە داڵدەدراون و، بۆ كارى ئەمنى و نهێنى بەكاریان دەهێنێت، ئەمریكیەكان بۆ گەڕان بەدوایى ئەو زانیاریانەدا، لە ماڵەكەى محەمەد دەستیان بەسەر 4 كیلۆ تلیاكدا گرتووە، لەگەڵ 120 كۆندۆم كە بۆ كاری سێكس بە كاردەهێنرێت و، 4 دەمانچەى 14 خۆرو 3 كڵاشینكۆڤدا گرتووە!
بە پێى ئەو سەرچاوەیە ى ئەم هەواڵەى دزە پێكردووە، ئەوەى ئاشكراكردووە، مارێنزەكان ماوەیان نەداوە یەك پۆلیس و پاسەوان و ئاسایشى كەركوك لەو سنورەدا بوونیان هەبێ، بە چەشنێك تورەكەیان كردۆتە سەر محەمەد و 3 لە پاسەوانەكانى ماوەى زیاتر لە 5 سەعات لە گرتووخانەى ئەمریكیەكان لە فرۆكەخانەى كەركوك سوكایەتیان پێكراوە، تا نووسینى ئەم خەبەرە محەمەد خۆرشید تۆفیق و پاسەوانەكانى توركەكان لەسەریان لانەبراوەو، مارێنزەكان زانیاریان هەبووە كە كارگێرەكەى لقى 3 پارتى 4 خانووى دیكەى لە كەركوك بۆ كارى بەدرەوشتى هەیە و بە پێى زەروریەت بەكاریان دەهێنێت!
لە دوایى پڕۆسەى ئازادى بەرپرسانى پارتى و یەكێتى لە جیاتى بایەخدان بەكارى سیاسى و ڕێكخستنەكانیان، هەموو تواناكانیان بۆ كارى بە درەوشتى و كۆكردنەوەى سۆزانى و مامەڵەكردن بە فرۆشتنەوەى ئیرهابیەكان كە پارتى و یەكێتى بە شەوان دەستگیران دەكەن و بەرشۆژ بە كەسوكاریان دەفرۆشنەوەو، زیاتر لە 6 جار ئەمریكیەكان لەماڵە بەرپرسەكانى كەركوك مەوادى هۆشبەریان دەست بەسەراگرتووە، كە دواهەمینجار ئەوەى محەمەى خۆرشید تۆفیقە بەرپرسى كارگێڕى لقەكەى نەجات حەسەنه‌..