پارتى ، بارەگایێن یەكگرتوو شەوتاندن

Friday, 09/12/2011, 12:00

ل ئەیینا بوورى چەندین گەنج ل سنوورێ پارێزگەها دهوكێ ب تایبەت ل (زاخو ، سێمیًل ،دهوك ، زاویتە ، دێرەلوك و قەسروك) دژى هەبوونا بارەگایێن مەساج و مەى فەخوارنێ رابووین و دەسەلات و ئاسایش وهەموو سازیێن دى نەشیاین كونترولا هاولاتیان بكەن .
پارتى دیموكراتى كوردستان ، نەچاربوو ئەڤێ لاوازیا ئەمنى بكەتە لاوازیەكا سیاسى ، ئەوبوو چەندین گەنجێن وەكو مافیا ل سنورێ پارێزگەها دهوكێ بۆ (پارتى دیموكراتى كوردستان) كاردكەن وەكو گەلەك جاران ئەڤ سیناریو ژى بۆ (پ.د.ك) بكارئینان .
ئەو بوو ئێكەم جار ب راسپاردەیێن (ئاشتى كوچەر) ل زاخو بارەگایێ، یەكگرتوو ژ ئالیێ چەند گەنجین لایەنگرێن پارتى ڤە هاتن سوتاندن و هێزێن ئەمنى و پولیس و پێشمەرگەى ژى بتنێ رولێ تەماشاكەر بوون و تا دوماهیێ ل پێش فلمى بوون .
پاشان ئەڤ یەك ب شەڤ گەها قەزا سێمێلێ ژى و پشتى كو نەشیاین كونترولى ل سەر رەوشێ بكەن ، ب راسپاردەیێن بەرپرسێ لژنا سێمێلێ یا پارتى (یونس هاجانى) بارەگایى یەكگرتوو ل دەمژمێر 12 شەڤ شەوتاندن .
پاشان گەها دهوك و بارەگایى ئەوان ژى هاتە شەوتاندن .
ل ڤێرێ پشتى كو چەندین ژێدەران دیاركرى و سەلماندین كو ئەڤ یەك پارتى دیموكراتى كوردستان ل پشت بویەرانە هندەك ژ ئەوان كەسان هاتینە دیاركرن كو ئەڤە ئەو گەنجن یێن فیرى مافیاتیێ دبن ژ ئالیێ پارتى دیموكراتى كوردستان ڤە

دهوك :
1. سەربەست خالد بانى : بەرپرسێ لقێ دهوك یێ (ى.ق.ك) یە و كومەلەكا فاشستان دگەلە و ب كارێ سوتنا بارەگایێ یەكگرتوو رابوون ، ئەڤە پشتى خو ئامادەكرین، و بەر ب بارەگایێ یەكگرتوو چووین ، (رزگار و سەركار) ئەڤ دوو كەسە ژ كەسێن نزیكى (سەربەست خالد) ینە ، و دگەل دا بوون دەمێ ب كارێ سوتنا بارەگایێ یەكگرتوو رابووین ، ل دیف هندەك زانیاریان كو (رزگار) برینداربوو دەمێ چوینە ژور و دەستێ وى ل هەمان دەم ل نەخوشخانەیا تەنگاڤیان ل دهوكێ ل دەمژمێر (2:30) هاتە چارەسەركرن .

سێمێل :
بویەرێن سێمێلێ دەمژمێر (8) ى شەڤ دەست پێكرن ، پشتى كو چەندین جه هاتینە سوتن و ئەو ئاژاوە ب داوى هاتى ، ل دەمژمێر 12 شەڤ كومەكا لایەنگرێن پارتى دیموكراتى كوردستان ب بریارەكا (یونس هاجانى) بەرپرسێ لژنا ناوچا سێمێلێ و كەڤنە جاش و خو فروش كو دگەل (قادر حامد هاجانى) مستەشار بوو ل دەمێ بەعسیان و ئەڤ كەسە ئێك ژ بالێن وى یێن سەرەكى بون ، رابوو ب هنارتنا هندەك گەنجان بو شەوتاندنا بارەگایى یەكگرتوو ل سێمێلێ .
ئەو گەنجێن ب شەوتاندنا بترەگایىچ یەكگرتوو رابین ئەڤە بوون (لقمان مجید بدل ، میڤان مجید بدل ، نوزاد عزت محمد ، محمد عزت محمد ، سردار مجید ، خالد محمد ، هاوار بشیر ، سمیر ، و چەندین كارمەندێن مكافحا سێمێلێ ژى هاریكاربین ) ل ڤێ دەڤەرێ ژى هێزێن پولیس و ئاسایشێ بتنێ بینەر بین .


دەرئەنجام :
پارتى دیموكراتى كوردستان پشتى نەشیاى رەوشا ئەمنى ل بادینان ب پارێزت رابو ب سیاسى كرنا بابەتى و وەكى هەر جار یەكگرتوو بو نێچیرا خو حەلالكرنێ .