زۆر لە نووسەر و رووناکبیرانی باشوور بیرۆکەی نووسینەکانی کوردستانپۆست دەکەنە بەرهەمی خۆیان

Tuesday, 10/06/2014, 12:00

دوێنی 09.06.2014 کوردستانپۆست وتارێکی د.جەزا چنگیانی بەناوی (پیتڕۆڵی بەنرخ و سەرکردەی کوردیی بێنرخ) بڵاوکردەوە یەک لەخالە گرنگەکانی ئەو ووتارە هیرشەکانی داعش وبوونیان لە ناوچە کوردیەکانی دەروەی هەریم. لەو ووتارەدا هاتووە ئەمە شانسێکی گەورەیە کورد دەتوانی بۆ ئیستراتیجی نەتەوەی و کۆنتڕۆڵی ناوچەکوردیەکان هیزی چەکداری کوردی بنیریتە بەرەنگاربوونەوەی هێرشەکانی داعش.
ئیمڕۆ 10.06.2014هەمان بیرۆکە لە لایەن عدنان عوسمانەوە بە دارشتنێکێ نۆی لە لیڤیندا بڵاو کردۆتەوە . ئەمە یەکەم جار نییە کە میدیاکانی باشور . بەرهەمی نووسەرانی کورستانپۆست کۆپی و چەکوشکاری دەکەن بەناوی خویانەوە بڵاوی دەکەنەوە. ماوەیەک لەمەوبەریش ئاوێنە هەمان رەفتاری کرد . ووتاریكی د. جەزا چنگیانییان. بەناونیشانی (تاقە ڕێگەچارەی گرفتی ڕۆژهەڵاتی نێوەڕاست) بەناوی کەسێکی ترەوە بڵاوکردەوە بۆ ڕاستی بڕوانە هەردوو بڵاوکراوە . پرسیاتیك کە پێویستە بکرێ ئایا بۆ ئەو نووسینەی عەدنان عوسمان لیڤین بێئاگایە لەم کارە؟

د.جەزا چنگیانی دەنووسێ: 09.06.2014
داعش و مادەی 140
ئەم ناوچەیە هەر ڤایرۆسیکی تێبخەیت زوو گەشەدەکات مرۆڤ دبێ کەمێک هوشیاربێت . چون و کێ داعشی دروستکرد کییە ئەو هەموو چەک وتەقەمەنی ئۆتۆمۆبێل ئەرکی ئەو هەموو چەکدارە دەدا ؟ئەوەی مالکی دروستکردوە وکردۆێتی بەدیکتاتۆر . ئەوەی بن لادن و سەدام وقەزافی. کوشت داعشی دروستدەکردوە. لێ ئەگەر کورد وەک روسەکان هوشیاربن دەتوان کەڵک لەبوونی داعش وەرگرن.کۆنترۆلی هەموو ناوچەکوردیەکانی دەروەی هەریم بەئەرک وبیانوی پارستنی هاووڵاتانی کورد لە داعش بکەن تیدا بچەقن بەجێنەهێڵن . بەم تاکتیکە هێزی چەکداری کورد لە ناوچەی140بمێنتەوە. لەهەمان کاتدا لەو 9ملیاردەی هەریم لە پیترۆل دەستی کەوتووە،گەشە بەناوچەکە بدا و پێویست ناکات چاوەڕی پەرلەمانی بەغداد بکرێت بۆ ئەو مادیە. کە هیچ کاتێک ئەو بریارە نادرێ. چۆن پۆتین چاوەڕی هێج برایارێکی نیودەوڵەتی بۆ گەرانەوەی (قەرەم) نەکردو گەرانیەوە ئامێزی روسیا. کوردیش دەبێ هەمان شێوە پشت بەستن بە میژوو بە ئەنفال . بە پیترۆڵ بە توانای هێزی چەکداری وگەلی باشور هەنگاۆێکی جەربەزانە بنێ.
عدنان عوسمان دەنووسێ : 10.06.2014
ئێستا ئەو دەرفەتەیە کە لەوانەیە سەدەیەک جارێ بۆ میللەتێک بڕەخسێت. زۆربەمان باس لەوەدەکەین کورد لە ١٩٩١ و ٢٠٠٣ چەند دەرفەتێکی مێژویی کەم وێنەی لەدەست دا لە پێناو ئازادکردنی بەشێک لە خاکەکەی. ئێستا دەرفەتێکی زێڕین هاتۆتە بەردەرگای کورد لە پێناو یەکخستنی خاکەکەی لەم بەشەی کوردستاندا.
ئیتر کاتی هەنگاوی ئازایانەی سەرکردایەتی کوردە. ناکرێ لەم روداوانەدا تەماشاکەر بین. لە لایەکەوە داعش بەم هەنگاوەی ناوەستێت و مەترسیەکانی نزیکی بەردەرگامان بۆتەوە،دڵنیام ماوەیەکی تر داوای ناوچەکانی خانەقین و مەخمور و شەنگار و ئەوانی تر دەکات لە هەرێم. لە لایەکی ترەوە دەوڵەتی عێراق ئیتر بەرەو مایەپوچی و داروخان و دەستەپاچەیی دەڕوات. ئێستا پێویستە:
1. سەرۆکی هەرێم باری نا ئاسایی لە هەرێمدا رابگەیەنێت.
2. دەستەی باڵای سەرکردە سیاسیەکان لە بەرپرسانی حیزبەکانی ناو پەرلەمان پێک بهێنرێت.
3. پەرلەمانی کوردستان بە گوێرەی دەسەلاتەکانی خۆی، بڕیار لەسەر باری نائاسایی و ناردنی هێزی پێشمەرگە بۆ دەرەوەی سنورەکان بدات، وە رایبگەیەنێت کە وەک ئەرکێکی ئینسانی ناچارە، لە حاڵەتی داروخانی سوپای عێراقدا، بڕیار لەسەر پاراستنی هاولاتیانی کوردی ناوچە دابڕاوەکان بدات.
4. پەرلەمانی کوردستان داوا لە هێزی پێشمەرگە بکات کە هەمو هەنگاوێک بگرێتە بەر لە پێناو پاراستنی سەرو ماڵی هاولاتیانی ئەو ناوچانە.
5. حکومەتی هەرێم داوا لەسەرجەم فەوج و لیواکانی کورد لە سوپای عێراق، سەرجەم میلاکاتی کوردلە وەزارەتی بەرگری عێراق بکات دەستبەجێ پەیوەست بن بە هێزی پێشمەرگەوە بەسەرجەم کەرەستە سەربازیەکانیانەوە.
6. داوای بودجەیەکی تایبەت لە حکومەتی عێراق بکرێت بۆ هەنگاوە سەربازیەکانی هەرێم و پڕ چەک کردنی پێشمەرگە لەهەمو رویەکەوە.
7. حکومەتی هەرێم پرۆسەیەکی سەربازی نیشتمانی رابگەیەنێت لە پێناو بەرگری کردن لە هاوڵاتیانی کورد لە ناوچە دابڕێندراوەکاندا. ئۆپەراسیۆنەکە دەکرێت بە هەماهەنگی یا ئاگاداری نەتەوە یەکگرتوەکان، ئەمریکا، هاوپەیمانەکان و دەولەتی عێراق بێت لە ژێر دروشمی پاراستنی هاوڵاتیانی مەدەنی لەو ناوچانەدا.
8. هێزی پێشمەرگە بە تەواوەتی سەرجەم ناوچە کوردیەکان بخاتە ژێر کۆنترۆڵی سەربازی خۆیەوە.

9. حکومەتی هەرێم بەرەسمی وەسایەتی خۆی بەسەر ئەوناوچانە رابگەیەنێت.
دیارە لەم ساتەوەختەی شکستی دەوڵەتی عێراق و سەرکەوتنی تیرۆریستان و ئاوارەیی و سەرگەردانی هاولاتیانی مەدەنی ئەو ناوچانە، پێویست بە هیچ دودڵیەک ناکات بۆ ئەنجام دانی ئەم هەنگاوانە.
ئەم هەنگاوانە چەندە گرنگن، لەوە گرنگ تر ئەوەیە هەنگاوی کاتی نەبن وەک هەمو جارێک، بەڵکو لە ژێر چەتری پرۆسەیەکی ئینسانی نیشتمانی گەورەدا بۆ یەکجارەکی هەرێم دەست بگرێتەوە بەسەر ناوچەکانی خۆیدا.