پێمان ده‌ڵێن:

- به‌ چ حه‌قێك ئێوە خۆتان ناو ناوه‌ (به‌ره‌ی خه‌ڵك)؟

ئێمه‌ش پێیان ده‌ڵێین:

- ئه‌ی كێ ئه‌و حه‌قه‌ی پێداون، دزیی و خیانه‌ت له‌م نیشتیمانه‌ بكه‌ن و کەسیش دەنگ نەکات؟

ئێوە دەڵێن:
- ئێمە مێژوومان هەیە و خه‌باتی شاخمان کردووە؟

ئێمەش دەڵێین:
- ئەوە ئێمە بووین لەوێ بووین و مێژوومان دروست کرد و ئێوەش دزیتان، وامان زانی کە ئێوە شایستەی ئەوەن،  رابەرمان بن.
ئەوەی ئێوە ئیستا لە شار دەیکەن، لە شاخیش هەر ئەوەتان دەکرد، بەڵام کردارەکانتان سنوردار بوو.

- ئه‌وه‌ ئێمه‌ بووین شه‌ڕمان ده‌كرد، ئێوەش پاڵتان لێدابووەوە، سەروەریی ئێمەتان بۆ خۆتان تۆمار دەکرد.

- ئێمە لە سەنگەرەکاندا شەڕمان دەکرد، قوربانیمان دەدا، ئێوه‌ش كلكتان له‌ تاران و سه‌رتان له‌ ئه‌نقه‌ره‌  و ده‌ستتان له‌ناو ده‌ستی به‌عسدا بوو... بڕۆن سەیری فایلەکانتان بکەن، فایلەکانی  لای بەعستانجوانه‌.. هەی (....)

- ئێوە خه‌باتی شاخمان پێ ده‌فرۆشنه‌وه‌.. کام خەبات!؟ ئێوە کە کڵاشەکانتان بە تێهەڵدانی بەردێک دەدڕا، خۆتان دەکرد بە مزگەوتەکاندا پێڵاوە دڕاوەکانتان لەگەڵ پێڵاوی خەڵکی گوندییەکاندا دەگۆڕییەوە!

- ئه‌وه‌ ئێوه‌ بوون واتان دەکرد.
----------------------------------

کەوا زەردەکانی بەر لەشکری میتی تورکیش، مێژوویان دیارە چییان تێدا تۆمار کردووە بۆ کورد!

رێك خه‌ریكی جاشایه‌تی بوون له‌ (كه‌ره‌ج).

- ئێوە باس له‌ خوێنی شه‌هیدان ده‌كه‌ن..!؟

- کوا کەی ئێوە شەهیدتان هەیە!؟ ئەوە ئەو خەڵکەیە، کە شەهیدی هەیە، نەک ئێوە!
- ئێوە منداڵەکانتان لە دەرەوە دانابوو، ئیستا هێناوتانەتەوە و کردووناتە بە حاکمی ئەو خەڵکە!
- برۆن سه‌یری لیستی ناوی جاش و ئه‌نفالچیه‌كان بكه‌ن بەراوردی بکەن لەگەڵ لیستی شه‌هیداندا؟ بزانن کامیان زۆرن؟ زۆری ناوی جاشەکان لە ناو لیستی شەهیدان و خانەنشینەکاندا پێمان دەڵێت، کە ئێوە نوێنەری جاش بوون لە شاخ! بۆیە کە هاتنەوە کەوتنە دڵدارییکردن و رازکردنی جاش و ئەنفالچیی!

داوای بەڵگەمان لێدەکەن!؟

بكوژی براكه‌م دوو ئه‌وه‌نده‌ مووچەی پێشمەرگەیەک وەردەگرێت!

ئێوە زۆر بێ چاو و روون،  زۆر بێ شه‌رمن، کە ئه‌م رۆژە  و ئەزمونە سه‌قه‌ته‌ ده‌كه‌نه‌ به‌رهه‌می خوێنی شه‌هیدان.

به‌رپرسێكی باڵای شاخ و گه‌وره‌ دزێكی ئێستا ووتی:

چه‌ندین كه‌سمان تیرۆر كرد و دواتر به‌ مۆسیقای كاروانی شه‌هیدان به‌ڕێمان دەکردن.. ئای کە شەرمە باسی تاوانێکی وا بکەیت و شانازیشی پێوەبکەیت، ئێوە خەڵکی دڵسۆز و بێ وەیتان لەپاڵ کەسانی دیکەدا تیرۆر دەکرد، ناوتان لێدەدان خائین، خائینەکانیشتان دەگرتە خۆتان و دەتانپاراست! چەندین پێشمەرگەتان بە کوشت دەدا و  بەرەو رووی مەرگتان دەکردەوە، چاوتان دەبڕیه‌ خوشكی شه‌هید و كچی شه‌هید و هاوسه‌ری شه‌هیده‌كان!

ساڵی پار كه‌سوكاری شه‌هیدانی ئه‌نفال ته‌نیا (٦) مووچه‌یان وه‌رگرت.

بۆیە دەڵێم، ته‌نیا نه‌فره‌تی كه‌سو كاره‌كه‌ی ئێمه‌ به‌سه‌ بۆ نەهێشتن و ته‌فر و تونا كردنتان.