سكرتێرى پارتى ديموكراتى كوردستان، ئەو سەردەمە ئەگەر لەكاتى خۆيدا وەڵامەكەى بگەيشتايەوە بە "عەبدولكەريم قاسم" ئەو كودەتا خوێناوييەى 8ى شوباتى 1963 ڕووى نەئەدا). 

خوێنەر و ڕۆشنبيرانى خۆشەويست مێژوو لەهەموو جيهاندا هەر لەكۆنەوە تا ئەم سەردەمەش نهێنى زۆرى تيايە كە كەسانێك ئەبنەهۆى دروسبوونى كارەسات بۆ سەر ئەو ميللەتە و هەندێ جاريش شەڕى ناوخۆ و جيهانى دروست ئەكات دوايى لەسەر ئەو گروپ و حيزبانە ئەكەوێت. 

زۆر كەسى وەك (ميرابۆ) خەتيبى شۆڕشى فەڕەنسى خۆى حەشاردا و لەناو زۆر حيزبدا كە پلەو پايە و شوێنى گرنگ ئەگرن بەناو ئەو حيزبانەدا وەك خائينى شيوعيەت لەجيهاندا (ميخائيل گۆرباتشۆف) (ميرابۆ) شۆڕشگێڕەكانى فەڕەنسا ئەيان پەرست پێش سەركەوتنى شۆڕشى فەڕەنسا بەسەر ڕژێمى خێزانى پاشايەتيدا كۆچى دوايى ئەكات ميللەتى فەڕەنسا زۆر بۆى بەداخ ئەبن لەگۆڕى شەهيدان ئەينێژن، دواى ماوەيەك شۆڕش سەر ئەكەوێت و تەخت و تاراجى پاشايەتى ئەخەنە ژێر پێ و شۆڕشگێڕەكان وەك ڕاپەڕينە مەزنەكەى بەهارى 1991 ى لاى ئێمە كە دام و دەزگا سەركوت كەرەكان ئەپشكنن وەك ئەوانەى لاى ئێمە كە سەير ئەكەن ناوى (ميرابۆ) لە فايلدايە و لەگەڵ خێزانى پاشايەتى پەيوەندى هەيە و دوو سەرەيە جەماوەرى ڕاپەڕيوى دڵ لەقين يەكسەر ئەچن لەگۆڕى شەهيدان دەرى ئەهێنن و فڕێى ئەدەنە گۆڕستانى خائينان، ئێستا باس لە نامەيەكى مێژوويى تا سەرەتاى مانگى تەممووزى 2014 ئەبێت بە 51 ساڵ و 6 مانگ، ئەويش لەمانگى كانوونى دووەمى ساڵى 1963 بەهۆى (عراك الژكم) ناسراو بوو لە سەركردايەتى (حيزبى وەتەنى ديموكراتى) كە خوالێخۆشبوو (كاميل جادرچى) سەرۆكى بوو لەو كاتەشدا (ڕەئيسى جەمعياتى فەلاحى هەموو عێراق) بوو نزيك بوو لە (عەبدولكەريم قاسم) عەبدولكەريم قاسم بەپەلە 2 نامە ئەنێرێت بۆ سەرۆك بارزانى و ئيبراهيم ئەحمەد وەك لەسەرەوە باسم كرد.. 

بەهۆى خوالێخۆشبوو شێخ لەتيفى شێخ مەحموودى نەمر پێيان بگات بەپەلە دێت بۆ سلێمانى ئەبێتە ميوانى شێخ لەتيف، شێخ لەتيف تێ ئەگەيەنێت كە (عەبدولكەريم قاسم) بەپەلە ناردوويەتى بۆلاى ئەو بەهۆى ئەوەوە ئەو 2 نامەيە بگەيەنێت كە ئەڵێت ئامادەم تەقە ڕاگرم و شەڕى هەردوولا بوەستێت دەستبەجێ بكەوێتە وتووێژ لەگەڵ نوێنەرى كورد. بۆئەوەى هەردوولا ڕێكەون و مافى ميللەتى كورد پارێزراو بێت و دان بنێن بەهەقى قەومى كورد بەشداربن لە حوكمدا لەبەرئەوەى بارودۆخەكە لە مەترسيدايە و پلان و پيلانيان بەدەستەوەيە لەلايەن قەوميە عەرەبەكان و بەعسيەكان بەپشتى دەزگاكانى (ئيستعمار بەتايبەتى ئەمريكا) بۆ لەناوبردنى شۆڕشى 14ى تەموز كە ئەبێتە هۆى خوێنڕشتن و لەدەستدانى دەستكەوتەكانى ميللەتى عێراق لەبەرئەوە داوا لە برا كوردەكانم ئەكەم شەڕ بوەستێنن تا ئێمەش سوپا بگەڕێنينەوە بۆ شوێنى خۆيان بۆئەوەى ئەو پيلانە لەناوبەرين بەپەلە وەڵاممان بدەنەوە تا لە (ئیستگەى ڕاديوى بەغا) بڵاوى بكەينەوە شێخ لەتيف دەست بەجێ ئەنێرێت بەدواى براى بەڕێزمان كاك بابا تايەرى شێخ جەلالى حەفيدى برازاى كە جێگاى متمانەى ئەبێت كە هەر لەساڵى 1948ەوە لەڕيزى پارتى ديموكراتى ئەو كات و كەسايەتيەكى شارەكەمانە و ئينسانێكى بەويژدان و ڕاستگۆ و دڵسۆزە و خاوەنى بڕوانامەى ياساييە بەوە ناسراوە كە شارى سلێمانى و خەڵكەكەى خۆشى ئەوێت بۆيە لەناو خەڵكى شارەكەدا ڕێزى تايبەتى هەيە، وەك خۆى وتى بۆ بەيانى بەپەلە ئەو 2 نامەيە ئەگەيەنێتە شوێنى ناوبراو لە ڕانيە وتى پێخۆشحاڵى خۆيان دەربڕى كە بەزووترين كات وەڵامى ئەو نامەيە بدەنەوە و ئاو بكرێ بە ئاگردا، دواى گەڕانەوەيان چاوەڕێى وەڵامن، بوو بەهەفتەيەك وەڵامى نەبوو بوو بە 15 ڕۆژ وەڵامى نەبوو ئەمان لێرە لەگەڵ شێخ لەتيفدا ئەكەونە گوومانەوە كە وەڵام نادەنەوە ئەمانيش پێيان ناخۆش ئەبێت كە وەڵامى نەبوو ئيتر ئومێد ئەبڕن بە وەڵامدانەوەى تا ڕۆژى كودەتاى 8ى شوباتى خوێناوييە ڕەشەكەى 1963 ئەمجا ئەو ڕۆژە ڕەشە كە كار لەكار ئەترازێت كاكى بەرپرسى ليژنەى هەموو شارى سلێمانى كە ناسراوبوو بە (عەلى حەمدى) لەهەمان كاتدا ئەندامى مەكتەبى سياسى پارتى باڵى مەركەز بوو بەڵام خەڵكى ئەم ناوە نەبوو خەڵكى بادينان بوو، ئەمجا دێت بۆ لايان ئەڵێت وەڵامى نامەكەم بۆ هاتۆتەوە كە ئەچن لێى ئەكۆڵنەوە پاش 5 ڕۆژ كە ئەو 2 نامەيان پێگەيشتبوو وەڵاميان دابۆوە ئەم لاى خۆى گليدابۆوە تومەس لاى بارزانى و مەكتەبى سياسى وا ئەزانن پێگەيشتووە و پەشيمان بۆتەوە لە (عبدالكريم قاسم)يش وا ئەزانێت نايانەوێت شەڕ بوەستێنن بۆيە وەڵامى نەبوو كە ڕاستيان بۆ دەرئەكەوێت چ بارزانى و چ مەكتەبى سياسى، هەروەها شێخ لەتيف و شێخ بابا تاهير زۆريان پێ ناخۆش ئەبێت تا لێى توڕەش ئەبن ئيتر پاش چى پاش ئەو كارەساتە مێژووييەى كە هەتا هەتايە لەبيرناچێتەوە تا ئێستاش باجى ئەوە ئەدەين. 

ئەمجا وەك دڵسۆزێك بۆ براى خۆشەويستم كاك شێخ بابا تاهير كە بڵاوى كردۆتەوە لەو ڕۆژنامانەدا كە باسى لێوە ئەكەن وەڵامى ئەو نامانە 6ى شوبات گەيشتووە و فرياى ئەوە نەكەوتوم ڕۆژى 8ى شوبات دەريخستووە، ديارە شێخ بابا تاهير لەبەر هەر هۆيەك بێت نايەوێت ئۆباڵەكەى هەموو بچێتە ئەستۆى (عەلى حەمدى) ئەو دوو ڕۆژەى خستوەتە سەر شانى خۆى كە بەينى سلێمانى و بەغدا ڕێگاى 4 كاتژمێرە بەتايبەتى بۆ كارێكى وا گرنگ و مێژوويى لەبەرئەوە پێم ناخۆشە ئەو 2 ڕۆژە بخاتە سەرشانى خۆى با وەك مێژوو لەسەرى حساب نەبێت لەبەر هەرچ هۆيەك بێت لەگەڵ ڕێزمدا بۆى، لێرەدا ئەمەوێت بيرتان بخەمەوە كە خوالێخۆشبوو مامۆستا ئيبراهيم ئەحمەد پێش كۆچكردنى بە 2 ساڵ لەسەر شاشەى تەلەفزيۆنى باسى خوالێخۆشبوو (عەبدولكەريم قاسم)ى كرد وتى كە پياوێكى نيشتمانپەروەر بووە ئێمە بەهەڵەدا چووين كە شەڕمان لەگەڵ كرد. 

لێرەدا بەهەلى ئەزانم باس لە هەندێ شتى گرنگ و مێژوويى بكەم كە لەپێش ئێستا دەرفەتمان نەبووە باسى لێوە بكرێت ئێستا بارودۆخێكى ترە و چەرخى 21ەو زەمانێكى زۆرى بەسەر هاتووە بۆ نەوەى ئێستا با بەهەڵە نەچن و چەواشە نەبن و ئينسانى نيشتمانپەروەر نەكەن بەخائين و خائينيش ببێت بەنيشتمانپەروەر وەك ئێستا لەگۆڕەپانى كوردستاندا بەدى ئەكەين. 

(عەبدولكەريم قاسم) لەخێزانێكى هەژار بوو لەژيانيدا دەردى زۆرى بينيبوو لە دايكەوە كورد و لەمێژەوە لەپشتى شاخى (پشكۆ)ى كوردستانى ئێرانەوە كە هاتوون لە (سويرە) جێگيربوون كە سەر بەپارێزگاى (كوت)ەو هەروەها (بەدرە وجەسان) ئەمانيش 2 شارۆچكەن كە زۆرينەى كوردن و لەسەر سنوورى كوردستانى ئێرانن لەسەر شارى (كوت)ن (عەبدولكەريم قاسم و مەهداوى) لەدايكەوە پورزان (محەمەد عەلى جواد) كوڕى پورى (عەبدولكەريم قاسم)، لە كودەتاكەى 1936 (قائيدى قوەى جەوى) ئەبێت لەبەرئەوە كوردبوو لەگەڵ (بەكرى سدقى) بەشدارى كرد بۆيە دوايى بەپيلانێك لەلايەن ڕژێمى پاشايەتى و ئينگليزەوە لەموسڵ شەهيديان كردن.

هەروەها (ماجيد محەمەد ئەمين) كە (مودەعى عام بوو لە مەحكەمەى شەعب) ئەويش دايك و باوكى كوردن و خەڵكى (سويرە)ن هەروەها (عەقيد عەبدول لەتيف دراجى) كوردى دەوروبەرى كەركووكە و (زەعيم ڕوكن محى الدين عەبدول حەميد)يش كوردە و بێجگە لە زۆر لە ئەفسەر و سەربازى تر و ئەو ئەفسەرە ئازاديخوازانەش كە خەڵكى سلێمانين و دەورى باڵايان هەبوو لەشۆڕشى 14ى تەمموزى 1958 ئەمانەبوون: 

1-ليوا روكن ساڵح زەكى تۆفيق كە تا ئێستا ناوى نەبراوە لەم ژمارەيەى رۆژنامەكەماندا (كۆڕى تێكۆشان) بەبۆنەى شۆڕشى 14ى تەموز بەش بەش بڵاومان كردەوە. 

2-زەعيم عەبدوڵڵا سەعيد حەسەن. 

3-عەقيد ڕوكن عەلى حاجى مەلا خاليد. 

4-عەقيد فەتاح سەعيد شاڵى. 

5-ڕەئيسى ئەوەل حەمە عەلى خاڵە. 

6-ڕەئيس شێخ نورى شێخ رەشيد عەبابەيلێى. 

7-ڕەئيس ئەوەل ڕەسوڵ مەجيد بەگ. 

8-ڕەئيس مستەفا حاجى عەبدوڵڵا. 

9-مستەفا زەڵمى لەكاتى شۆڕشەكەدا لە ليواكەى (عەبدولكەريم قاسم) ئيمامى تابوور بوو ئەو شەوە دەوورى باڵاى بوو لەگەڵ ئەو شۆڕشگێڕانەى سەرەوە بێجگە لە ئەو سەربازانەى ئەو شەوە بەشداريان كرد و (كۆشكى ڕەحاب)يان داگير كرد. 

هەندێ ناويان لەم ژمارەيەدا لەشوێنێكى تردا بەدى نەكەن ئەم ناوانەش بەوێنەوە لە (گۆڤارى سلێمانى) ژمارە (13) بڵاوبووەوە ئەم ئەفسەر و سەربازە كوردانە شان بەشانى ئەفسەرو سەربازە نيشتمانپەروەرە عەرەبەكان بوونە هۆى سەركەوتنى ئەو شۆڕشە مەزنە ئەگەر كوردەكان بەشداريان نەكردايە يان بەو شۆڕشە هەڵنەسانايە سەرى نەئەگرت ئەوەشى ئەو شەوە و ڕۆژانى يەكەمى سەركەوتنى شۆڕشەكە كە ڕۆڵى سەرەكييان بينى و شوێنە سەرەكى و گرنگەكانيان گرت لە بەغدا ئەو ئەفسەرە ئازاديخوازانەى خەڵكى سلێمانى و كۆمەڵێك سەربازى خەڵكى شارۆچكەكانى دەوروبەرى شارى سلێمانى بوون.. يەكێكى وەك (عەبدولسەلام عارف) كە هەموو شوێنێك لەبەغدا دەست بەسەراگيراو (كۆنترۆڵ) كرا ئەمجا چوو بۆ ئێستگەى بەغدا بۆ بڵاوكردنەوەى بەيانى يەكەمى شۆڕشى 14ى تەموزى پيرۆزى 1958 كە بەدەنگى (عەبدولكەريم قاسم) بڵاوكرايەوە كە لە بەيانەكەدا دەڵێت (كورد و عەرەب شەريكن لەم نيشتمانەدا) و شيعارەكەى كۆمارى عێراق كە خەنجەرو گوڵە گەنمەكەى پێوەبوو ئەويش هەر نيشانەى ئەو 2 قەومە سەرەكيەن لەعێراقدا.

ئەمجا دواى ئارامبوونەوەى بارودۆخەكە و ڕەگ داكوتانى شۆڕش و دووركەوتنەوە لەمەترسى دەست درێژى ئينگليز و ئەمريكا ئەوەبوو زۆرى شوێنە گرنگەكان لە سوپا و دەزگا و فەرمانگەكان لەعێراقدا كوردبوون دواى بەربوونى زیندانە سياسيەكانيش بارزانييەكانيش گەڕانەوە لە (سۆڤيەت) و هەمووشى دامەزراندن و 4 ئەفسەرە كوردەكەى خۆشمان كە بەشداريان كرد لە جوڵانەوەى بارزان ساڵى 1945 و بەشدار كردنيان لە كۆمارى مەهەباد دواى ساڵى 1947 لەسێدارەدران ئەوان و ئەوانيتريش كە مابوون فەرمانى بۆ دەركردن و بەشەهيد و نيشتمانپەروەرى دانان و موچەی بۆ بڕينەوە ئەوانيتريش گەڕانەوە بۆ سووپا دواى شۆڕشى تەموز كورد لە عەرەبەكان زياتر لە برەودا بوون و سەرەتا زۆر بە باشى و خۆشى و ئارامى بەڕێوەچوو تا 6 مانگى يەكەم دواى ئەوە سەرەتاى ساڵى 1959 عەرەبە قەوميە شۆڤێنيەكان و كۆنەپەرستان و دەرەبەگ و پاشماوە و جاسوسەكانى ڕژێمى پاشايەتى و تۆڕانيەكان بەهاندان و پاڵپشتى ئينگليزو ئەمريكاو (جەمال عەبدولناسر) كەوتنە پلان و پيلان دژى شۆڕشى تەموز و دەستكەوتەكانى كە مەسەلەى مافى كورد لە هەمووى گرنگتر بوو كەوتنە تيرۆركردنى كەسايەتى نيشتمانى بەتايبەتى شيوعيەكان كە بڕبڕەى پشتى شۆڕشى تەموز بوون كە سەرەتا لەبەغاوە دەستپێكرا دواى ئەوە هاوكات لە ناو شارى سلێمانيش لەوەو پێشيش بڵاومان كردوەتەوە، ئەمجا لەبەهارى 1959 جووڵانەوەى (شەواف) لە موسڵەوە دەستيپێكرد بەهاندان و پشتگيرى (جەمال عەبدول ناسر) ئەوەبوو جەماوەر سەركوتيكردو بەهاوكارى 2 هەزار بادينانى ڕژانە ناو موسڵەوە بۆ كوژانەوەى ئەو جووڵانەوەيە، ئەمجا هەر لە پايزى 1960 دا لە شەقامى رەشيد (رأس القريە) ئۆتۆمبيلەكەى (عەبدولكەريم قاسم)يان دايە بەر گوللە و برينداريان كرد، پێش ئەوە لەساڵى 1959 لەكەركووك بەبۆنەى يادى (1)يەك ساڵ بەسەر شۆڕشى تەموز ڕێپێوانێكى گەورە كرا دوژمنانى شۆڕش بەپيلانێك چەند تەقەيەكيان كردە ناو جەماوەر كە چەند كەسێك شەهيد و بريندار بوو هەر لەوێدا جەماوەر گەرماو گەرم تۆڵەى لێكردنەوە، ئەمجا تۆڵەى دامركاندنى جووڵانەوەى شەواف و كەركوكيان خستە ملى شيوعيەكانەوە گوايە شيوعيەكان خەڵكيان ڕاكێشاوە، ئەمجا (عەبدولكەريم قاسم) بەقسەى ئەوانەى دەوروپشتى نەئەكرد، كە دڵسۆزبوون بۆى چ مەدەنى چ عەسكەرى واتە حووكمى تاكە كەسى بەكارئەهێنا بۆيە چەواشەيان كرد و لەلايەكى ترەوە (دادگاى گەل)ى دانا بوو بەسەرۆكايەتى (عەقيد مەهداوى) بوو دادگاييكردنى پياوەكانى ڕژێمى پاشايەتى و كودەتاچيەكانى جوڵانەوەى (شەواف) لەلايەكى ترەوە (دادگاى 2ى دانابوو بەسەرۆكايەتى موجريم عقيد شمس الدين) بۆ شيوعيەكان و نيشتمانپەروەرەكان، ئەوەش هۆيەكى سەرەكي تر بوو بۆ لەناوبردنى 14ى تەموز و دەستكەوتەكانى، ئەمجا بەئيشارەتى ئينگليز و ئەمريكا كۆمەڵێك لە دەرەبەگ و ئاغاكانى دەوروبەرى سلێمانى ساڵى 1960 نوێنەريان نارد بۆلاى (وەزيرى زەراعە ئيبراهيم كوبە) گوايە ئەبێت لە كوردستاندا (ياساى چاك كردنى كشتوكاڵ) هەڵوەشێتەوە ئەوە بوو بە نائومێدى گەڕانەوە هەر خەريكى پلان دانان بوون و بۆ پيلان و لەناوبردنى شۆڕشى تەموز، دواى كودەتاى 8 ى شوباتى 1963 زۆر نهێنى ئاشكرا بوو يەكێك لەو نهێنيانە ساڵى 1960 لە لەندەنەوە نەخشە و پارە هاتبوو بۆ سلێمانى هەر خەريكى كۆبوونەوەى نهێنى و پلان دانان بوون. 

لەپايزى 1960 (عەبدولكەريم قاسم) هات بۆ كردنەوەى ئاوەكەى سەدەى دەربەنديخان لە سلێمانيەوە خەڵك زۆر چوو بوو بەتايبەتى قوتابيانى سەرەتايى لەمەراسيمێكى گەورەدا وتارى راستەوخۆى ئەوت كە لە هەموو بۆنەيەكدا ڕاستەوخۆ تواناى قسەكردنى باشى هەبوو لەسەر ڕووداوەكان و بارودۆخى سياسەتى ناوخۆى عێراق و دەرەوە و پيلانى ئيستعمارو كلكەكانى دژ بەشۆڕشى تەموز ئەوەبوو بەتەمابوو بێت بۆ سلێمانى بەڵام نەهات و گەڕايەوە بۆ بەغدا لەبەرئەوەى كۆمەڵێك گەنج كە سەر بەحيزبێكى بەناو نەتەوەيى بوون ويستيان كە هات ئاژاوە بنێنەوە. 

لەم چەند ساڵانەى پێشوو كتێبێكم خوێندەوە بەناوى (بيرەوەريەكانم) لەنووسينى (عەبدولڵا ئاغاى پشدەرى) ئەڵێت من يەكێك بووم لەسەركردايەتى پارتى هاوينى 1959 بوو لەبەغدا بەكۆمەڵێك بەيانەوە گيرام دژى (عەبدولكەريم قاسم و شۆڕشى تەموز) دوايى بە واسيتە (فوئاد عارف) بەرى دام ئەم عەبدوڵڵا ئاغايە لەساڵى 1974 كە شەڕ دەستيپێكردەوە لەگەڵ كۆمەڵێك كاديرى گەورەى ترى ڕاستڕەوى دوژمنى شۆڕش و گەلى كورد لەبەغدا مانەوە و چونە پاڵ ڕژێمەكەى (سەدام) ئەمجا بەئيشارەتى ئينگليز و ئەمريكا پايزى ساڵى 1961 هەر ئەو كۆمەڵە ئاغا و شێخ و دەرەبەگەى كە لەسەرەوە باسمان كردن كە لەو كاتەوە ناوەكانيان لايە بەخۆيان و پياوەكانيانەوە و چەند تفەنگێكى كۆن ڕێگاى هاتوچۆى دەربەندى بازيانيان گرت و هاتووچۆيان لەخەڵكى قەدەغە كرد و خاڵى پشكنينيان دانا ئيتر لەسەرانسەرى عێراق بەياننامەى حكومى و حيزبەكان و هەموو ميللەتى عێراق بە كورد و عەرەبەوە دژى ئەو پيلانە (سەنتۆ)ييە وەستان و ناڕەزايى خۆيان دەربڕى بە حيزبى شيوعى و پێشكەوتوو خوازەكانى جيهانيشەوە پاڵپشتى ئەو شۆڕشەى تەموز و ميللەتى عێراقيان نەكرد تا پارتى ديموكراتى كوردستان بەيانى لە دژ دەركردن و دوايى بەيانەكانيان كۆكردەوە. بەڵام بەهيچ شێوەيەك سوودى نەبوو ناچار (عەبدولكەريم قاسم) بەفەوجێكى عەسكەرو 4 فڕۆكە لە 11ى ئەيلوولى 1961 بڵاوەى پێكردن، لەپێش ئەم پەلامارەى بۆ سەر دەربەندى بازيان پارتى بەڕەسمى مۆڵەتى ئيشكردنى هەبوو ڕۆژنامەى خۆيان دەرئەكردو يەكێتى قوتابيان و لاوانيشيان هەبوو كەسێك لەتەرەف (عەبدولكەريم قاسم) وە يەكێكى پارتى دەستگير نەكرد بەمەرجێك بەنديخانەكان پڕ بوون لە شيوعيەكان لەسەر سەركوتكردنى پيلانى جوڵانەوەى (شەواف) و (ڕێپێوانەكەى ساڵى 1960ى كەركووك) لەوكاتەشدا مۆڵەتيان نەئەدا بەحيزبى شيوعى وەك پارتى و حيزبەكانى تر ئازادبن لەكاركردنى حيزبيدا كە ئەو حيزبە وەك وتمان بڕبڕەى پشتى (عەبدولكەريم قاسم) و شۆڕشى 14ى تەموز بوون، ئەوە بوو حيزبێكى ترى كارتۆنى شيوعي يان بۆ درووستكردن كە سكرتێرەكەى (داود السايغ) بوو كە لەوەوپێش ئەندامى ليژنەى مەركەزى حيزبى شيوعى عێراق بوو، ئەمجا بڕيار وابوو لەناو (وەزارەتى بەرگرى) لەبەغدا هێزێكى گەورە دابنێن كە زۆرينەى كورد بێت دژى پلان و هەوڵدانى كودەتاو سەركوتكردن و ڕەئيس ئەوەل (حەمە عەلى خاڵە) دابنێن لەوێ سەرپەرشتى بكات و مستەفا بارزانيش بێت بەسەرۆكى ئەو هێزە لە بەغدا و كوردستاندا بۆ سەركوتكردنيان لەپاڵ هێزى سووپا و هێزى جەماوەرى لەبن نەهاتوو، ئەم پلان دانانە بێ ئەوەى لەناو جەماوەردا نەبينرا لەئەفسەرە كوردە ئازاديخوازەكانى خەڵكى شارى سلێمانيان ئەبيست بەتايبەتى ڕەئيس مستەفا عەبدوڵڵا كە تا ئێستاش لەزۆر بۆنەدا باس لەوە دەكات چونكە ئەو كاتەى مەلا مستەفا بارزانی كە لەبەغدا بوو زۆر جار (عەبدولكەريم قاسم) بەكارى تايبەتى ڕەئيس مستەفاى ئەنارد بۆلاى بارزانى كە ئەم راستییە مەسعود بارزانيش ئاگادارە كە لەدواى پرۆسەى ئازادى ساڵى 2003 لەهاوينە هەوارى (سەڵاحەددين) ڕئيس مستەفا عەبدوڵڵا و مەسعود بارزانی لەدانيشتنێكى دوو قۆڵيدا چاويان بەيەك كەوت ماوەى سەعاتێك و پێنج دەقيقە مەسعود بارزانی پێى ئەڵێت كاتى خۆى باوكم باسى تۆى بۆ كردووم. 

هەروەها چەند جار ڕەئيس مستەفا باسى ئەوەى بۆ ئەكردين كە كاتێك پێش ئەوەى مستەفا بارزانى بەغدا بەجێ بهێڵێت و بەرەو كوردستان بێت و بڕيار وابوو ئەو هێزە لەناو (وەزارەتى بەرگرى) دابنێن بەرامبەر كودەتاچييەكان، سەرۆك عەشايەرەكانى دەڤەرى بادينان ئەوانەى كە لە شۆڕشى بارزانى ساڵى 1945 هەڵگەڕانەوە لە بارزانى و پاڵياندايە پاڵ ڕژێمى پاشايەتى، بۆئەوەى بارزانى (عەبدولكەريم قاسم) لەبەغدا بەجێ بهێڵێت و بێت بۆ كوردستان چونكە بێ ئەو هيچيان پێ نەئەكرا و سەركەوتوو نەئەبوون چونكە ميللەتى عێراق بە كورد و عەرەبەوە بەهەموو كەمووكوڕييەكەوە هەر هيوايان بە (عەبدولكەريم قاسم) بوو، بۆ ئەو مەبەستە كەوتنە سووتاندنى دێهاتەكانى ناوچەى بارزان بەداخەوە ئەو پيلانە سەرى گرت و بارزانى بەغداى بەجێهێشت بۆ داكۆكيكردن لە دێهاتەكانى ناوچەى بارزان و عەشيرەتى بارزانى كە ئەوە هەقێكى مەشروعى خۆى بوو بەڵام بەبێ ئاگادارى (عەبدولكەريم قاسم) وەك كاتى خۆى ئەمانەمان ئەبيست و چەند جار ئەفسەرە كوردەكانى خەڵكى سلێمانى كە بەشدارى شۆڕشى 14ى تەموزيان كرد زۆر جار ئەمانەيان ئەگێڕايەوە، لەزۆر بۆنەدا بەتايبەتى باسى كودەتا خوێناوييەكەى 8ى شوباتى 1963، كە بەمەى زانى زۆرى پێ ناخۆش بوو ناردى بەدوامداو بەپەلە لەگەڵ كەسايەتى نيشتمانپەروەر و پارێزەرى بەناوبانگ لە عێراق خوالێخۆشبوو مامۆستا (عەزيز شەريف) كە ئەندامى جووڵانەوەى ئاشتى بوو لەجيهاندا. نامەيەكى دانێ كە بەپەلە بيگەيەنن بە مەلا مستەفا وتى كە ڕۆيشتين و بەپرسيار بارەگاكەيمان دۆزيەوە بەدەورو پشتەكەيمان وت ئێمە لەبەغداوە هاتوين نامەى (عەبدولكەريم قاسم)مان پێيە بۆ مەلا مەستەفا وتى بەهۆى ئەوانەى دڵسۆزو نزيك بوون لەخۆى برديانين بۆ لاى و مەسەلەكەمان بۆ باسكرد و كە چەند رۆژيش لێرە ئێمەيان هێشتۆتەوە ئيتر مەلا مستەفا زۆرى پێ ناخۆش ئەبێت كە ڕێگەيان نەداون زوو چاويان پێبكەوێت (عەبدولكەريم قاسم) لەنامەيەكدا و بەدەميش پێيان ئەڵێت كە بەمەلا مستەفا بڵێن ئێمە چيمان بڕيار داو بەبێ ئاگادارى ئێمەت بەجێهێشت.

لەم بارودۆخە ناسكەدا كە مەترسى لە ئارادا هەيە ئەگەر مەسەلە دێهات سووتاندنە وداكۆكيكردنە لە بارزان و بارزانيەكان من چەك و تەقەمەنى ئەنێرم بۆتان با شێخ ئەحمەدى برات و بارزانييەكان داكۆكى بكەن لە دێهاتەكانيان با بەغدا چۆڵ نەبێت چونكە بارودۆخەكە لەمەترسيدايە و دوايى ئێمە و كورديش تيائەچێت.. مەلا مستەفا وەڵاميان ئەداتەوە پێيان ئەڵێت تازە لەدەستچوو هاتوون بۆلام پێيان وتووم ئەگەر لەگەڵمان نەبيت ئێمە دەستى پێ ئەكەين ئێمە يەكەمجار پێم وتوون (عەبدولكەريم قاسم) فەزڵى زۆرە بەسەر كوردەوە دوايى ئێمە و هەموو بارزانييەكانى هێناوەتەوە لە (سۆڤيەت) و لێبوردنى تايبەتى بۆ دەركردوون لە زۆر دائيرەكان و شوێنانى تر دامەزراون و ڕێزێكى تايبەتى لە من ئەگرێت ئيتر ئێوە غايەتێكى ترتان هەيە شۆڕشى چى؟ يا ئەم خەڵكە ماڵ وێران نەبێت و تيا نەچێت و ئێمە دەردمان زۆر چەشتووە، ڕەئيس مستەفا كە چەند جارێك ئەمەى بۆ گێڕاوينەتەوە وتى دواجار مەلا مستەفا وتى سەرۆك عەشايەرەكان جارى دووەم هاتونەتەوە لام وتوويانە تۆش لەگەڵمان نەبيت ئەوا خۆمان ئامادەكردووە دەستى پێبكەين منيش دواى لێكدانەوە لە دڵى خۆمدا وتوومە ئەگەر وازيان لێ بێنم خۆيان بەمە هەڵسن دوژمنى كورد ئەم جوڵانەوەيە بەرەو خيانەت ئەبەن و بۆ سومعەى كورد جوان نييە دوايى پێم وتوون لەگەڵتان ئەبم ئێمە لاى خۆمان هەڵوێستى بەرگرى وەرئەگرين و دەست پێشخەرى ناكەين ئێوە كەيفى خۆتانە بەڵام دوايى نەبن بەجاش وەك جووڵانەوەى بارزان ساڵى 1945، دواى ئەم چاوپێكەوتنە مامۆستا عەزيز شەريف و ڕەئيس مستەفا بەنائومێدى ئەگەڕێنەوە بۆ بەغدا و مەسەلەکە لە (عەبدولكەريم قاسم) ئەگەيەنن وەك لەكتێبەكەى مەسعود بارزانییدا نووسراوە ئەڵێت لەو كاتە ناسكەى بەينى سەرۆك عەشايرەكان و مەلا مستەفا بۆ ئەوەى قەناعەتيان پێ بكات پەلە نەكەن بۆ ئەوەى ڕەئى هەموو لايەكى لەسەر بێت بۆ ئەو كارەش جەلال تالەبانی دەست نيشان ئەكەن بۆ ئەو كارە گرنگە بەڵام دوايى ئەوەبوو وەك لەسەرەوە باسم كرد لە 11ى ئەيلوولى 1961 لەدەربەندى بازيان تەقيەوە هێشتا لەناوچەى بارزان و بادينان تەقە دەستى پێ نەكردبوو تا 16ى ئەيلول دواى دەربەندى بازيان بارەگاى بارزانى لە شاخى شيرين ئەبێت كە چەند دێيەكى لەدەورووبەر بۆردومان ئەكەن ئيتر لەوەوە لەوێشەوە دەست پێئەكات و لەو كاتەدا جەلال تالەبانی لەچەمى ڕێزان ئەبێت و عومەر دەبابەش لەناوچەى پشدەرو بتوێن و ئاكۆ ئەبێت ئيتر دواى ئەوە سەركردايەتى پارتى بەغدا بەجێ دێڵن و بەرەو كوردستان دێن و لەگەڵ مەلا مستەفادا يەك ئەگرن و لەزۆر قۆڵەوە شەڕ دەست پێئەكات و دوايى بەكودەتا خوێناوييە مێژووييەكەى 8ى شوباتى 1963 كۆتايى دێت، وەك مەلا مستەفا بارزانی بەسەرۆك عەشايەرەكانى وتبوو دوايى زۆرتان ئەبن بە (جاش) هەر واش دەرچوو، ئەمجا هۆكارى ئەم كارەساتە كە ميللەتى عێراق بە كورد و عەرەبەوە ڕۆژانە بەدواى هەواڵى ڕووداوەكاندا دەگەڕان، چونكە عێراق پێش كودەتاكە كەوتبووە مەترسييەكى گەورە و ئەوەى لەو كاتەدا ژيابێت هەموو هۆكارەكانمان لەبيرە پێش ئەو كارەساتە.. ئەو كاتە و ئێستاش ئەوانەى بەڕاستى نيشتمانپەروەر و دڵسۆز بوون بۆ ئەم ميللەت و نيشتمانە كە ڕۆژانە ئاگادارى ڕووداوەكان بووين هۆكارەكەى ئەمانزانى و كە دوا ڕۆژ ئەگات بەو ئەنجامە بۆچوونەكانمان هەروەك بۆچوونەكەى مەسعود بارزانی كە لەكتێبەكەيدا باسى لێوە ئەكات چونكە خۆشى لەگەڵ باوكيدا لەناو ڕووداوەكاندا ژياوە كە ئەڵێت بارزانى و حيزبى شيوعى و پارتى نەئەبوو پشتى (عەبدولكەريم قاسم) بەڕەڵا بكەن بەهەموو كەمووكوڕييەكەوە بۆئەوەى لەگۆڕەپانەكەدا زەمينە خۆش نەبێت بۆ شۆڤێنييە عەرەبە توندڕەوەكان ئەگينا كودەتاى 8ى شوباتى خوێناوى 1963 سەرى نەئەگرت و ئەو كارەساتانەى لە دواى ئەو ڕۆژە ڕەشەى دەستى پێكرد لەعێراق و ناوچەكەدا تا ئەمڕۆ بەردەوامە هيچى ڕووى نەئەدا و ميللەتى كورد هەر لەحوكمى (عەبدولكەريم قاسم) دا مافى خۆى هەر وەرئەگرت بەبێ خوێنڕشتن عێراق ئەبوو بە چرايەك لەڕۆژهەڵاتى ناوەڕاستدا ئەگەر بەرەى نيشتمانى عێراق هەر بمايە بەتايبەتى ڕۆڵى شيوعيەكان و بارزانى و پارتى ڕێگر نەبوون لە دوژمنانى دەستكەوتى 14ى تەموزى 1958، ئەگەر تەبا و يەك بوونايە كە ئەمانە لەپاڵ سوپاكەى (عەبدولكەريم قاسم) دا هيچ هێزێك نەبوو لەجيهاندا دەستكەوتى ئەو شۆڕشەمان لەدەست بدات ئەو ڕۆژە ڕەشە ببينين.

لێرەدا شتێك بێنمەوە يادتان ئەويش ئەوەيە كە جووڵانەوە و شەڕ لە 16ى ئەيلول لە بارزان دەستى پێكردو پارتيش چووە تەكيانەوە بەدوو قۆڵى زۆر كەس لە سەرباز و پۆليس و ئەفسەرو معاون و لەهەمە جۆرى خەڵك چوونە پاڵيانەوە بەتايبەتى وەك مەسعود بارزانی ئەڵێت ڕۆڵى سەرەكى حەوانەوەمان دێهاتەكان بوو كە زۆرجار بەهۆى ئەوەوە ئەو دێهاتانە بۆردوومان ئەكران ئێستا بەداخەوە عەشايرگەرى زيندوو بۆتەوە لە دژ مافى جوتياران بێجگە لە شارەوانييەكان كە دەستيان گرت بەسەر ئەرزەكانيان بەپێى ياساى خۆماڵى كە بەزەرەر ئەشكێتەوە بەسەر جووتياردا بەو پێيە ئەبێت واز لە فەلاحەت بێنن و ببن بەكرێكارو دەستكەن بەقاچاخچێتى و خەڵكى شارى سلێمانيش هەر لەزەمانى تورك و ئينگليزو حوكمەتى عەرەبى پاشايەتى و دواى 8ى شوباتى 1963 و كودەتاى 17 و 30 تەموزى 1968 تا ڕاپەڕينە مەزنەكەى بەهارى 1991 ڕووبەڕووى هەموويان بووينەوە ملمان بۆ هيچ ڕژێمێك كەچ نەكرد لەپاداشتى ئەوە ئەم شارە زەمانى مەليكى پێيان ئەوت كۆريا ئێستا پێى ئەڵێن تەكساس لە 1963 بەدواوە بە شارى هەڵمەت و قوربانى ناوى دەركردبوو ئێستا ئەڵێن شارى هەڵماقۆ و قۆچەقانى هەر كەسێك لەم لاو ئەولاوە دێن بۆ ئەم شارە كە لەجێى خۆى جێگاى نابێتەوە بەر قۆچەقانيمان ئەدەن و يان سەرمان ئەشكێنن يان چاومان كوێر ئەكەن (سەدام) بەو ديكتاتۆريەتەوە ئەيووت (سلێمانى مدينە سعبە) ئەمان لە مێژە ئەڵێن سلێمانى شارە حەياتەكە؟ تومەس بۆ داكۆكیكردن نييە بۆ خواردنە و بازرگانى و كۆمپانيەكانيان بيناى گەورە دروست ئەكەن لەسەر ئەرزى خەڵكى ئەم شارە بەبێ حساب لەسەدا دەى خەڵكى ئەم شارە نين هەر بەوەش نەوەستاون كۆمپانياى توركى و ئێرانى و بێگانەمان بۆ دێنن بۆ پرۆژەى گەورە بەشەريكى لەسەر ئەرزى خەڵكى بەشەرەفى (شارى سلێمانى) كورد ئەڵێت ئەرز و نامووس ئێمە و جوتيارەكانى دێهاتەكان قوربانى و خوێن برێژين ئەرزيشمان داگير بكەن هەر ناموسەكە ئەمێنێت ئەزانن كە لاوە خوێن گەرمەكانمان كە لە يەكەم ڕۆژى ڕاپەڕينەوە هەڵيان كوتايە سەر دام و دەزگا سەركووتكەرەكانى بەعس و پاشان لەبەر گرانى و شەڕى كورسى و پارە خاك و نيشتيمان بەجێ بێڵن و ڕوو بكەنە هەندەران واتە (لەجێى شێر ڕێوى ڕاو ئەكا) وەك وتمان دەست بەسەراگرتنى زەوى و زار بەبێ حساب بۆ بەرژەوەندى چەند بەرپرسێك بيناى گەورە بچێت بەئاسمانا بەشەريكى لەگەڵ نەيارانى ئەم كوردە ستەمديدەيە لەسەر حسابى ئەرز و خاكى پيرۆزى باو و باپيرانمان بەناوى شارستانيەوە كە ئەمە زۆر دوورە لە بچووكترين مافى مرۆڤ كە ئەوەش داگيركردنى ئەرزى خەڵكيە بە هەڕەشە و لەتەڕەف وەزارەتى شارەوانى و گەشت و گوزار و سەرۆك شارەوانى كە گوايە بەناو ئێمە هەڵمان بژاردوون و نوێنەرى ئێمەن.. وەك خوالێخۆشبوو عەلى عارف ئاغاى شاعير ئەفەرمووێت: 

ئێمە خەڵكى بەشەرەفى ئەم شارەين داوا لەسەركردايەتى ئيدارەى هەرێمى سلێمانى ئەكەين بۆ دواجار ئێمە با ئەوەش بڵێين بپرسين بزانين ئيدارەى هەرێمى هەولێر تا چ ڕادەيەك بەپێى ياسا مافى خاوەن زەوى پارێزراوە ئەگەر بەهۆى ڕۆژنامەوە بۆمان ڕوون بكەنەوە سووپاسيان ئەكەين. 

ئێستا كاتى ئەوە هاتووە هەرچى غەدرى لێكراوە و لێ ئەكرێت لە هەرچ شوێنێك بن لە كوردستانى باشووردا جياوازى نەكەن خۆيان يەك بخەن دەست لەناودەست بۆ ڕێگرتن لە دەستدرێژى هەندێ مەسئوولى نامەسئوولى چاوچنۆكى قەت تێر نەبوو، بەوەش نەوەستاون لەڕۆژنامەى (السباح)ى زمانى ڕاگەياندنى حكومەتى عێراق و (تەحالوف) ژمارە (313)ى ڕۆژى چوار شەممەى 21 تەموزى 2004 لەلاپەڕەى يەكەمدا لە دامێنى خوارەوە بەگەورەيى نووسراوە بەناوى ئيدارەى هەرێمى سلێمانى داوا لەكۆمپانيا بيانيەكان ئەكات كە بێن بۆ سلێمانى ئەرزيان ئەدەنێ بۆئەوەى پرۆژەى لەسەر بكەن لەسەر حسابى ئەرزى خەڵكى خۆڕاگرى بەشەرەفى شارى سلێمانى ئەمە شكى تيا نييە كە بەشەراكەتە و بەهيچ شتێك تێر نابن ئەوەشى دێت بۆ ئەم شارە وەك كۆمپانياكانى توركيا دێن بۆ تێكدانى كەلتوور و مێژوو جاسوسى بەسەر ئەم كوردە هەژارەى كە تاكە قەومە لەجيهاندا ماوەتەوە بێ كيان وڵاتانى پێشكەوتوو ناو مانگ و مەريخ و ئەستێرەكانى تر ئەچن، ئێمەى كورد تا ئێستا ناتوانين دەرزيەك دروست بكەين چونكە خاوەنى ئەو جۆرە مەسئولانە بين پاش ئەم هەموو قوربانيدانە. وەك پێشينان ئەفەرموون: 

لەم هەموو مەينەتيانە دواى 8ى شوباتى 1963 ڕوويدا هۆكارەكانيشمان باس كرد ئەشتوانرا ئەوە ڕووى نەدايە وەك لەسەرەوە باسمان كرد وەك بۆچوونەكەى مەسعود بارزانی ئێمەش لەپێش كودەتاكە هەستمان بەو مەترسييە كرد و لەپێناويدا هەزارەها لەشيوعى و سەدەها لەپارتى لەسەر (سلم في كردستان) خرانە بەنديخانەوە دوايى كەوتنە بەردەستى (حەرەس قەومى) نا قەوميەوە، لێرەدا ئەمەوێت بڵێم گەورەترين هێزى جەماوەر و سووپا بەدەست حيزبى شيوعى عێراق بوو لەبەرئەوەى باڵێكى بێ تواناى لادەر لە ماركسيەت دەستى گرتبوو بەسەر سەركردايەتى حيزبدا كە لە پێش ئەم ژمارەيە چەند جارێك باسمان لێوە كردووە كە حيزبيان قۆرغ كردبوو ببوون بە پاشكۆى (سۆڤيەت) و (عەبدولكەريم قاسم) ئەم ميللەتە هاوارى نەكرد كە عێراق لەمەترسيدايە گوێى خۆيان لێ كەڕ كرد ڕۆژى كودەتاكەى 8ى شوبات سەدەها هەزار كەس لە جەماوەرى ڕاپەڕيووى بەغدا كەوتنە (شەقامى ڕەشيد) كودەتاچيەكانيش بە 6 دەبابە و چەند سريە عەسكەرى سەر بەخۆيان تووانيان ئەوە بكەن بەڵام ئەو جەماوەرە لە (باب المعڤم) تا (باب الشرقى) بەجەماوەر تەنرابوو بێ ئەوەى ئەو حيزبە حسابێك بۆ ئەو ڕۆژە بكات و بڕێكى زۆر چەكيان هەبوو دابەشيان بكردايە بەسەر جەماوەر ئەوانە زاتى ئەوەيان نەئەكرد و سەركەوتنيان بەدەست نەئەهێنا داواشيان لە (عەبدولكەريم قاسم) كرد لەبەردەم وەزارەتى بەرگرى كە چەكيان بداتێ و سەركوتى ئەو كودەتاچيانە بكەن ئەويش نەيدانێ مەجبور جەماوەر بەبەرد و دار و هەندێ دەمانچە بەكاربێنن دژى دەبابە مەجبور زۆر كەس خۆى فڕێ دايە ژێر دەبابەكان بۆئەوەى دەبابە پەكى ڕۆيشتنى بخەن و لەولاشەوە تەيارە دەستيكرد بە بۆردومانى (وەزارەتى بەرگرى) هەر لەو 2دوو رۆژەدا لەشەقامى (ڕەشيد و كيفاح و فەزل و كازميە) زياتر لە 5 هەزار شەهيد كرا، هەر دواى ئەوە كە دەستكرا بەگرتن و ڕاوەدوونان و ئەشكەنجەدانى هەزارەها ئەندامى شيوعى لە بەغدا بەتايبەتى سەركردە شيوعيە ماركسيە شۆڕشگێڕەكان كە لەژێر ئەشكەنجەدا بەسەدەها شەهيد كران وەك سەلام عادل و جەمال حەيدەرى و محەمەد ساڵح عەبەلى و هاوڕێكانى بەڵام باڵى باشكۆ و لادەر بەسەلامەتى و بەبێ ئارەق وەك بەرزەكى بانان تا ئێستاش بۆى دەرچوون هەر سەركردەن و سەلامەتن و ئەوسا پاشكۆى (سۆڤيەت) و (عەبدولكەريم قاسم) بوون ئێستا پاشكۆى (ئيدارەى هەرێمى سلێمانى و هەولێرن) بۆ سوودى شەخسى و دەستكەوتى پارە و ئەرزى خەڵكى داگيركراو لەساڵى 1959 وە ئەمە پيشەيانە لەبەرئەوەى ئێستا بارودۆخێكى ترە لەجيهان و كوردستاندا ئيتر لە وزە و توانا و قبوڵكردنى لادان لە ماركسيەت نەما كە (جام پڕ بوو لێى ئەڕژێت) بۆيە (حيزبى شيوعى كوردستانى باشوور) لەدايك بوو وەفا بۆ گيانى پاكى شەهيدان و كەسوكاريان و چينى چەوساوەو زەحمەتكێش و ڕۆشنبيرى شۆڕشگێڕ كە لەمێژەوە چاوەڕوانى رۆژێكى وان و مژدەى ڕاگەياندنمان دانێ.

ئەمجا با بێينەوە باسى سەرەكيەكەمان ئەو نامەيەى كە دەست (عەلى حەمدى) كەوت و بەو دەردەى بردين ئەگەر زوو بكەوتايەوە دەست (عەبدولكەريم قاسم) ئاو ئەكرا بە ئاگردا ئەم كارەساتانەى دواى 8ى شوباتى 1963 تا ئێستا ئەم ڕووداوانە ڕووى نەئەدا و ئەو ميللەتەش ئەكەوتە خۆشى و كامەرانى و ئارامى و سەروەرى و سەربەرزى و ياساش سەروەر بوو مافى هەموو كەسێكيش پارێزراو بوو ميللەتى كورديش ئێستا خاوەنى ئاڵاى ڕاستى و كيانى خۆى بوو بە بۆچوونى ئێمەش چونكە بارودۆخەكە لەباربوو لەوانە بوو پارچەكانى تريش ڕزگاريان بوايە و ڕزگارمان بوايە لەژێر دەستەو كۆيلايەتى و ئەم نامەسئولانەش نەئەكەوتنە گيان و ماڵ و ئەرز داگيركردنى حەرام ئەويش بۆيە ئەتوانن ئەم كارە نامرۆڤانە جێبەجێ بكەن بۆ بەرژەوەندى تاكە كەسى و حيزبى چونكە تا ئێستا ئيدارەى هەردوولا نەبووە بەيەك چونكە گلۆڵەى ئەو جۆرە مەسئولانە سەرەولێژ ئەبنەوە بۆيە بەناوى شەهيدان و كەسوكاريان و كەسوكارى ئەنفال و كيمياباران و بەكۆمەڵ كوشتن و لەناوبردنى 8 هەزار بارزانى و هەزارەها بێسەر و شوێن هەر بەبۆنەى كۆتايى رژێمى ديكتاتۆرى (سەدام) داوا لە هەموو دەسەڵاتدارانی کورد ئەكەين با مێژوو لەسەريان تۆمار نەكات چى تازووە بۆ بەرژەوەندى ئەو كوردە ستەم ديدەيە لەم بارودۆخە نالەبارە كە عێراق بەگشتى و كوردستان بەتايبەت پێيدا ئەڕوات هەردوو ئيدارەكە ببن بەيەك تا لەدەست دەرنەچووە لەگەڵ ئەوپەڕى ڕێزو دڵسۆزيماندا هەر بەبۆنەى ئەو نامە مێژووييە ئەم كۆپلە شيعرە:- 

1-رۆژنامەى (كوردستان اليوم) ژمارە (1) تەموزى 2003 لە لەندەن دەردەچێت. 

2-ڕۆژنامەى (الاتحاد) ژمارە (616) لە 27/10/2003 كە لەسلێمانى يەكيەتى نيشتمانى كوردستان دەريدەكات. 

3-كتێبى (مسعود البارزانى) البارزان والحركە التحرريه مع ملحق وسائيقى/ ايلول 1961-1975 بێجگە لە خۆم و هەزارەها خەڵكى ماون كە ئەو كاتە لەناو ڕووداوەكاندا ژياون. 

1-كورد ئەڵێت (حساب كۆن ئەبێت بەڵام نافەوتێت) ئەوە بوو لەدواى مەلا مستەفا بارزانى ڕەحمەتى لەسەر ئەو نامەيە زۆر شتى ترى نابەجێ (عەلى حەمدى) لەناوبرد.. 

2-ئايا ئەو نامەيەى عەلى حەمدى گلى دابۆوە بێ ئەوەى پارتى باڵى (مەكتەبى سياسى) ئاگاى لەمە نەبووە يان ئەمرى پێكراوە؟ 

3-ئەم وتارە جارێكى تر لەڕۆژنامەى (كۆڕى تێكۆشان) ژمارە (6) ساڵى يەكەم ئابى 2004 بەرامبەر بەخەرمانانى 2704ى كوردى زمانحاڵى (حيزبى شيوعى باشوورى كوردستان) بڵاوكراوەتەوە كە ئێستا ئەو حيزبە پێى ئەڵێن (پارتى چەپى كوردستان) كە لەشيوعييە دێرينەكان پێكهاتووە. 

لەگەڵ ڕێزمدا بۆ هەموو كوردێكى بەشەرەف لەهەر چوارپارچەى كوردستان، ئێمەش هەوڵ ئەدەين بۆ (كوردستانێكى ئازادو ميللەتێكى بەختيار). 

ئەكرەمى ساڵحى ڕەشە 

8ى شوباتى 2015