نیشتمان ئامانج یان ئامراز

Friday, 25/04/2014, 12:00

کاتێک کەسێک نیشتمان دەخاتە خزمەتی حزب، حزبیش دەخاتە خزمەتی بەرژوەندیە تایبەتیە کانی خۆی، نەک هەر خیانەت لەنیشتمان پەروەری دەکات، بەلکو پایییەی نیشتمان پەروەری دینیتە خوارەوە دەیکات بەشتێکی سواووبازاڕی بیەوێ ونەێەوێ لەجیاتی نیشتمان ئامانجی خۆی بیت، دەیکات بە ئامرازێکی پڕسوود بۆ هەدەف و ئامرازێک کەبە زۆری قازانجی تیبەتی خۆی تێدابێت، کەڵکەڵەی پلەوپایە، ووتاربێژی، قسەکردن و چەنەبازی، مایکرۆفۆنبازی، نیشتمان پەروەری مانا راستەقینە کەی خۆی لەدەست دەدات ، لەم فەزایەدا حزب دەبێتە پلاتفۆرمێک بۆئۆپۆرتینستو نەفس لاوازەکان.
ئایە دەبێ نیشتمانپەروەری لەهەرجۆرەئایدیالیکی ئەخلاقی بێبەری بێ؟ نا بەهیچ جۆرێک نیشیمانپەروەری لەئەخلاق بیبەرینیە، هەرگیز نیشتمانپەروەری ناتوانێ بەدەربێ لە قا ڵبی ئەخلاقی، دلسۆزی ونادلسۆزی هەرکەسێک پەیوەستە بە پاشخانی کۆمەڵایەتی وسیاسی ئەو کەسە، بەرزکردنەوەی ئاستی سیاسی وئیرادەی (معریفی) گەرەنتی چوونە سەرەوەو هەلکشانی هزری نیشتمانپەروەری راستەقینەیە، نیشتمانپەروەری وابەستە یەبە ئاستی هۆشیاری سیاسی، سیاسەتیش هەستیارترین چالاکی مرۆڤە لەکۆمەلگە کە کەوتۆتە ژێر کاریگەری کەلتوور، فکر، بەرژەوەندی وڕامانەکانی تاک وکۆمەل،و فاکتەرە کۆمەڵایتی وئابووریەکان، کەواتە نیستمانپەروەری بەشێکە لەهۆشیاری کۆمەڵایەتی، ئەرکی هۆشیاری کۆمەڵایەتی دەکەوەێتە سەرشانی نوخبەی ڕۆسنبیرووحزبی سیاسی، بەو مانەیەی بەرزی و نزمی هزری نیشتمانیپەروەری تاک جگە لە پەروەردەی خودی خۆی پەیوەستە بە(سترکتوری) ئەوحیزبە، سترکتور بنەمای ماددی سیستەمە، حیزبیش سیستەمە، کەواتە سیستەم وفەلسەفەی حیزبێک سترکتورەکەی دیاری دەکات، پرسیارەکە ئەوەیە ئایە ئەو حیزبە پلاتفۆرمیکی وای ئافراندوە، بۆئەوەی ستروکتورێکی نیشتمانپەروەری هەبێت؟ یان فەزایەکی لەهەڵپەرستی وتەکەتول بازی وخێلەکی خولقاندوە؟ ئینتیما بۆحیزبێکی دیاریکراو یانی گوێ ڕایەلی بۆ سیستەمی ئەو حیزبەو پابەند بوون بە ئایدیالۆژیای ئەو حیزبە، کەسێک کە هزرو بیری خۆی وابەستە کرد بە حیزب، شوناسی خۆی لەناو ئەو حیزبە دەتوێنێتەوە، چونکە سیستەمی حیزب ئەندامەکانی لە چوارچێوەی سیاسەتی خۆی تەلقین دەدات، کەواتە سیاسەتی حیزب ڕاستەوخۆ دەبێتە ئاوێنەی ئەندامەکانی، ئەگەر حیزب سیاسەتێکی نیشتمانپەروەرانەو ڕاست ودروستی هەبێت دیارە ئەندامەکانیشی کاسانی سەرڕاست وسیاسیەکی بەخلاق دەبن، سەرکەوتوترین وکارەساتترین گەمە ، گەمەی سیاسیە، ئەگەر سیاسەت لەکایەکی ئخلاقی ولەژیرکاریگەری پرینسیپەکانی رەچاوکردنی کەرامەتی مرۆڤایەتیدا پڕاکتیزە کرا، ئەوا کۆمەڵگەیەکی تەندروست ونیشتمانپەروەری ڕاستەقینە و دوور لە هەڵپەرستی ودیماگۆجی دەهێنێتە ئافراندن،
بەپێچەوانەوا گەر سیاسەتی حیزب خرایە خزمەت دەستەیەکی ئۆلیگارشی وخێڵەکی بنەماڵەیی، و تەکەتولبازی، ئەوە ئەو کارەساتەی لێدەکەوێتەوە کە ئەمڕۆئەو فەزاییەی خولقاندووە بۆ ئینتیهازی وخۆپەرستەکان بەناوی سەنگەر گواستنەوە، بۆ وەرگرتنی ئیمتیازی زیاتر لە لایەکەی تر،ئەوە حیزبە ئەمجۆرە کەسانەی واتەلقین داوە، مامەلە بە نیشتمان وسیاسەت لەلایەن حیزب و کەسانی بێ مۆڕاڵ، رۆشنبیری بەئەخلاق دەخاتە خانەی مەسئولیەتەکانی نیشتمانی ، بۆ فەزحکردن و لەهەڵادان لەم جۆرە حیزب وکەسانەی پرینسیپەکانی سیاسەت ونیشتمانپەروەریان هەرزانفرۆشکردووە. پەروەردە کردنی تاک بە پەروەردە کردنێکی ئۆپۆرتیستانە تاک دەکات بە دڕندە و سەرەڕۆ، کوێ لەوەڕی خۆش بێت ئەو شوێنە دەکات بە مەنزلگای خۆی، ویستی ئەم جۆرە کەسانە لەناو جۆشوخرۆشی هەستی هەوەسبازەکانی سیاسەتمەدارە بی مۆڕالەکاندا دەبێت، ئەمانە ویستیان جیایە لەویستی گشت، مرۆڤی ئەپۆرتیست ناجیگیرو ڕاڕایە. بەڵام ئەو کەسانەی سیاسەت لەچوارچێوەی مۆڕاڵدا دەکەن، کەسانی بە پرەنسیپن و حورمەتی هزری سیاسی خۆیاندەگرن، نابنە بوکوڵەی دەستی هەوەسبازان نابن بە کۆیلەیەکی مۆدێرن لەناو حیزب، ئەوەی لەڕووی ئەخلاقیەوە ناڕاستە ناکرێ لەڕووی سیاسیەوە ڕاست بێت. لەڕۆژگاری ئەمڕۆدا لەئەنجامی پەرەسەندنی هزری دیموکراسی وئازادی تاک، خەڵک هۆشیار بۆتەوەو چیتر ئاستی تێگەیستویی خەڵک ئامادە نیە بە چاوی ڕێزەوە تەماشای ئەم جۆرە کاسانە بکات، جگە لەخاوەن لەوەڕگاکان. خەڵک لەمە گەیشتوە ئەمجۆرە بەناو سیاسیانە هیچ جیاوازیەکیان نیە لگەڵ جاشەکانی دوێنێ، چونکە ئەمانیش غەریزەی پلەو پایەو پارەو سێکسی بێسنور کردبونی بەو جانەوەرە، کردبونی بە حیوانیکی دڕندە لەچوارچیوەی مرۆڤایەتی دەرچووبوون،جیاوازی ئینسان وحەیوان ئەوەیە، ئینسان کۆنترۆلی غەریزەکانی خۆی دەکات دەسەڵاتی بەسەریاندا دەشکێت، بەڵام ئەمە لای حیوان مومکین نیە. زانستە کۆمەلایەتیەکان ئەوەیان سەلماندوە ، کەهیچ بیرو باوەرونەریتێکی کۆمەڵایەتی، لەبۆشایی کەلتوری ورۆشەنبیری چەکەرەناکات، فەزای کەلتوری ئەم هەڵپەرستانە، فەزای ئافراندنی کەسایەتیەکی خۆویست ولەرزۆکە، ئەگەر کەسێک لەم فەزایە بەردەوامی بەژیانی سیاسی خۆیدا دیارە ئەم کەلتورە پانتایەکی زۆر لەهزری ئەو کەسە داگیردەکات،(ئەبوبەکری ئەلڕازی) ،دەڵێ درێژە کێسان وبەردەوام بوونی عادەتو ئالودەبوونی باوەڕ، مرۆڤەکان بەرەو ئەوە دەبات، ئەوباوەڕەی لەلای پەیدابووە دەگۆڕی بۆ سروشتی ئینسانەکە ولەلای دەبێتە غەریزە، لەو خاڵەوە عادەت دەگۆڕێ بۆسروشتی ئینسانەکە بە درێژە کێشانی کات.
سروشتی ئەم جۆرە کەسانە ئاوایە، تازە ناتوانن بێ پەتپەتێن درێژە بەژیانی سیاسی خۆیان بدەن، ژیانیکی سیاسیانەی شەرەف مەندانەو خۆڕاگری بەرانبەر پارەودەسکەوت وئەمانە کوجا مەرحەبا، پەندی کوردی(کەری ناوجۆگا) بە باڵایانبڕاوە، دەک پیرۆزتان بێت لەوەڕگەی تازەودەسکەوتی تازە.