" سەرۆك و خەونەكانمان"

Thursday, 13/05/2010, 12:00

" سەرۆك و خەونەكانمان"



مێژوونسێك لە تۆمارنامەكەیدا نوسیبوى .

پێشمەرگەیەك لە یادەوەرییەكانى خۆیدا واى دەگێڕایەوە .

پیرەژنێك لە دوعاكانیا بۆ گەڕانەوەى كوڕەكەى واى دەووت .

شاعیرێك لە پیاهەڵدانى كاریزمایى سەرۆكەكانماندا واى خەیاڵ كردبوو.

ئـــا واى خەیاڵ كردبوو............................

كە سى ساڵ بەر لە ئێستا سەرۆك لەسەر بەردێكى ڕەش بە پێنوسێكى ڕەش نوسیبووى ئـــــــــــــازادى .

ئەرێ سى ساڵ بەر لە ئێستا سەرۆك واى نوسیبوو ...........

پەنجا ساڵ خەباتكردن لە پێناو پارەو دەسەڵاتدا واى لە سەرۆكەكانى ئێمە كرد ,

ووشەكانیان , بەڵێنەكانیان لە بیربكەن , ڕۆڵەو مناڵەكانیان لە یادبكەن .

بۆیە ئەمڕۆ بە خوێنى سورمان دەنوسن دژى ئازادى .

مناڵیكى ئەوێ ڕۆژێ بە خەتێكى نادیار ئەمڕۆ دەنوسێ !

سەرۆك و خەونەكانى , سەرۆك ویادەوەرییەكانى لەگەڵ ئێمەدا ڕاستگۆ نەبوون .

تاوەكو باڵەخانەو پارك و جاددەو كۆمپانیاى خۆى نەبوو .

تاوەكو ماڵەكانى پڕ نەبوو لە ڕاوێژكارى بیانى ئاوا نەبوو .

تاوەكو داهاتى ڕۆژانەى بەقەد مووچەى هەموو پێشمەرگەكان نەبوو .

تاوەكو هەژارانە وەك هەژارانى ئێستاى ئَمە ماڵى لەسەر پشتى كەر بوو ........ئاوا نەبوو .

بیست ساڵ پێشتر ئازادى تەنها ماڵى ئەو بوو .

لە ڕاپۆرتى ڕۆژنامەنوسێكى بیانیدا سەرۆك باسى لە ئازادى گەل و خاك و نیشتمانى كوردان كردبوو .

خۆى خاوەنى مێگەل و خاك و زێدى كوردانە بوو ؟ ؟؟؟؟؟؟!!!!!!

دەبوایە هەر ئەو كاتە بڵێین سەرۆك نابێ .............سەرۆك نابێ داواى هەموو شت و هەوو ڕەنگ و دەنگى ئێمە بكەى .

چەندە هاوارمان كردو دەنگمان بە هیچ كوێ نەگەیشت , سەرۆك گوێى لە دەنگدانەوەى ئێمە نەبوو *

سەرۆك گیان هەر لە ڕاپەڕیندا كە هاتیە شارەكەمان زانیم پانتایى ئازادییەكانى تۆ بچووكن .

زانیم سنورى ماف و حەقى ئێمە لە خەیاڵى تۆدا زۆر وەهمین .

زانیم كە ئەتەوێ هەر خۆت سنورى خانە خانەى مێشك و جەستەمان بكێشى .

سەرۆك گیان خەونەكانمان ئاوا نەبوون , ئاوا یەك ڕەنگ و یەك چەشن و یەك ئاڕاستە نەبوون .

سەرۆك گیان بەڵێن و دوعاكانمان لە نوێژى شەوە درێژەكاندا ئاوا نەبوون .

سەرۆك گیان بەڵێن نەبوو بمانكوژى , بەڵێن نەبوو قسە نەكەین .

بمانبوورە سەرۆك بۆتناخرێینەوە بێشكە شكاوەكانى مناڵى خۆتەوە , بۆتناخرێینە ناو دێڕى هەڕەشەكانى خۆتەوە.

سەرۆك گیان تا دوێنێ ئابڕووى ڕژاوى ژنانى ئێمە لە باوەشى كۆنە جاش و كۆنە بەعسى و جەللادەكانى شەڕى ناوخۆدا دەتكا بۆ قسەت نەكرد . .....

گەر سەرۆكێك ماڵى من و ماڵى ئێوە, حەقى من و حەقى ئێوە كچى من و كچى ئێوە هى ئەو نەبێ.

بۆچیمانە بۆچى باشە ................................؟؟؟

سەرۆك گیان بۆچى باشە ؟





نەسیم حمد





*ئەم دێڕە لە شیعرى " زمنى عەشق و زەمەنى ئەنفال " ى ڕێبوار سیوەیلی وەرگیراوە