قوتابخانەێن زاخۆ، وملمانەیا كادرێت پارتى بۆ كونگرەیێ 13 !!

Friday, 24/09/2010, 12:00

سربەست هروری ژ سیمایێن پیس وكرێتێن دكتارتییەتا پارتى ئەڤەیە : هەمى مولك وسامانێ مللەتى كوردستانێ ب یێ خۆیێ تایبەت دزانت ، هەر وەكى ئەوە خودانێ ئاڤ وباى وهەمى دار وبەرێن كوردستانێ نەك خودایێ مەزن ، و ئەو كەسێ ئەڤ ڕاستیە باش نە دیتى یانژى باوەریەكا موكوم پێ نە هەى بلا بەرێ خۆ بدەتن رەوشتێ پارتى یێ پیس وخراپ دئیستیغلالكرنا مولك وژێرخانەیا كوردستانێ بۆ مەرەمێت خۆیێت تایبەت وبەورژەوەندیێت حزبیێت بەرتەنك ل سەر حسێبا بەرژەوەندیێت گەل و وەڵاتى یێت گشتى ، باوەر بكن هەرەما بەرژەوەندیا یا بدەستى پارتى هاتیە لێك وەرگێڕان و ڤاژى كرن ب ڤى ڕەنكى بەرژەوەندیا مللەتێ كورد گۆرى پارتى دئێتە كرن ، وبەرژەوەندیا پارتى كێمترە ژ یا بنەماڵا بارزانى یا خۆ پەرێس ودكتاتۆر .
لەوا مرۆڤ دبینت دەزگەهێت گشتى ویێت حوكومى پارتى سەرەدەریێ ل گەل دكتن وەكى بارەگایێت خۆیێت حزبى هەر وەكى بارەگایێت ناوچە ورێكخراوێت وێ یێت پیس وتاڕى نە ئەوێت كرینە جهێ سیخۆریێ وڕاپۆرتچیێ دژى خەلكێ هەژار وبەلەنگاز ، بتایبەت ددەمێ هەلبژارتناندا دى بینى كادرێت ڤێ حزبا خوین مێژ بسەر دەزگەهێت میرى بەڵاڤ دبن ، وپرۆپاگندەیێ بۆ پارتى دكن وژبلێ وێ چەندێ ژى هەڕەش وكەف و تەهدیدا ددن دژى لایەنێن دیێت كوردستانێ بتایبەت (تەڤگەڕا گۆڕان ویەكگرتوویێ) .
ونە لسەر خێرێ گونگرەیێ وان یێ پیلان وتێكدانێ یێ نیزیك دبتن كونگرەیێ 13- لەوا ئەم دبینن ئەو ڕەوشت وعادەتێ پیس یێ ئیستیغلالكرنا جهێن گشتى ودەزگەهێن میرى دیسان یا دئێتە پێشچاڤ ، ل باژێرێ زاخۆ وپشتى ڤەبینا دەرگەهێن خواندنگەها بۆ قوتابى وخویندكاران ، ئەم دبینن جهێن پیرۆزێن زانستێ دئێتە ئیستیغلالكرن ژبۆ هندەك كادرێن پارتى ئەوێن مخابن پەیەوەندى هەین بكارێ پەروەردە وفێركرنێ هەر چەندە هیچ پەروەردە ل دەف وان نینە ، ئەڤ مرۆڤێت هەنێ بهەوا هەلبژارتنێن كونگرەیێ (13)یێ پارتى دیموكراتى كوردستان ڕادبن بۆ خۆ بۆ نموونە ئەڤ كارتا ل خوارێ دئێتە بەڵاڤكرن ل قوتابخانەیاندا ژبۆ داخوازكرنا قوتابى وماموستایان ژبۆ هەلبژارتنا ڤان چوار كادرێن پارتى :
1. محمد خالد محمد شرنەخى رێڤەبەرێ پەروەردەیا زاخۆ ، كادرێ رێكخراوا زاكرۆس
2. ێەبرى حەسەن محەمەد شرنەخى /رێڤەبەرێ قوتابخانەیەكا سەرەتایى ، كادرێ رێكخراوا زاكرۆس .
3. نزار عەبدو محو سندى /رێڤەبەرێ قوتابخانا گەلى یا ناڤنجى ، كادرێ رێكخراوا زاكرۆس.
4. حەجى حامد حەسەن هرورى /ماموستایێ زمانێ كوردى ، كادرێ رێكخراوا زاكرۆس .
ڤێجا نزانم ئەندام وكادرێت پارتى یێت نە گرێداى ب وەزارەتا پەروەردەیێ ڤە چاوان ڤى جوداكارایا دەرفەتا هەلبژارتنا قەبیل دكن ژڤان كەسێن ناڤ برین ، یان ئەوژى تەپەسەركرینە بەرامبەر یێت خۆڕت .!
/زاخۆ
22/9/2010