پارتى و یەكێتى نیازى جەولەیەكى ترى شەڕى ناوخۆیان هەیە
Thursday, 25/02/2010, 12:00
تەنها لەبەر ئەوەى وشەى ملیشیا پەڕیبووە ناو گوتە بەنرخەكانى بەڕێز كاك عەدنان عوسمان ئەندام پەرلەمان لە فراكسیۆنى گۆڕان ئیتر پارتى و یەكێتى هەڵایان لێ هەڵسا بەجۆرێك كە رۆژ تا بەیانى پێشمەرگەى زەلیل و كەساس دەهێننە سەر جادە و شەقامەكانى شار و شارۆچكەكان، كەچی هەر وەزیر و وەكیل وەزیرە بێ دەسەڵات و ساختەبازەكەى پێشمەرگە لە KNN TV خۆیان دانیان بەوەنا كە پێشمەرگە ملیشیایە، بەڵام با ئەوەتان بیر بخەمەوە كە پارتى و یەكێتى نیازى جەولەیەكیترى شەڕی ناوەخۆن خۆ ئەگەر وانەبێ ئەى بۆچی جەعفەر مستەفا قەرەداغیەك كە دەستى سورە بە كورد كوشتن و پێشمەرگە كوشتن و ئەنوەرى حاجى عوسمان قەویلەیی كە تا سەرمۆخى ئێسقانى سورە بە خوێنى براكوژى و كە دەستێكیشی هەر لە پێشمەرگە كوشتن لەدەستداوە بوونەتە مۆتەكەى خەوى پێشمەرگە و كراونەتە وەزیر و وەكیل وەزیری پێشمەرگە، توخوا خەڵكینە جەعەى قارەمانى شەڕی كوردكوژی و ئەنۆی شێری مەیدانى براكوژى هى ئەوە بوون ئەم پۆستەیان پێ بدرىَ،جگە لەمەش موهەریجێكیشیان وەك گوتە بێژی هێزى بەناو پێشمەرگە داناوە كە تەنها لەسەرخۆشبووندا خۆی بە كورد دەزانێت و تا بەیانى خەریكى نۆشكردنى عەرەقی توركیە كە جەنەڕاڵە توركەكان هەمیشە بەدیارى بۆی دەهێنن؟ ئێمە گۆڕانخوازان هەست دەكەین جەعفەر و ئەنوەر و جەبار سێ ئەكتەرى ئەم دوو زلحزبەن و پێویستە هەرچی زووە لە پۆستەكانیان دوور بخرێنەوە و بنێردرێنە بەردەم دادگا، با مەسعود و جەلال بەم چەشنە نیازپاكى خۆیان پیشانى كۆمەڵانى خەڵكى كوردستان پیشان بدەن، ئەگەر ئەم شێوازە پۆست دابەشكردنە نیازى شەڕێكیترى ناوەخۆی لەپشت نەبێ ئەى مەبەست چییە ، دەبوایە كەسانێك وەزیر و وەكیل وەزیر بوونایە كە بە كردەیی پێشمەرگە بوونایە و خاوەن رابردوێكى پاكى شۆڕشگێڕ و كوردپەروەربوونایە نەك دوو قارەمانى شەڕی ناوەخۆ، نەك دوو كوردكوژى ئاگرخۆشكەرى شەڕی براكوژى.... داوا لە هەموو پێشمەرگە شۆڕشگێڕ و كوردپەروەرانەى كوردستان دەكەین كە هەڵمەتى رێپێوان و پیشاندانى ناڕەزایی دەست پێ بكەن لە پێناو ئەم خاڵانەى خوارەوە:
1-جەلال و مەسعود بەبەرچاوى هەموو كۆمەڵانى خەڵكى كوردستان بەڵێن بدەن كە نیازیان شەڕێكیترى ناوەخۆ نییە.
2-جەعفەر و ئەنوەر لە پۆستەكانیان دوور بخرێنەوە و دادگایی بكرێن.
واژوو
ئەمانە دەستیان سورە بە پێشمەرگە كوشتن دوور نییە ئێمە بناسن رەشەكوژمان بكەن هەر بۆیەش ناوەكانى خۆمان نەنووسیووە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
