پەپولەیەك هەواڵم بۆدێنێ
هەواڵێكى خۆش
ناسك
بەشێوەى باڵەكانى
نەرم هێواش
ئەچرپێنێ
ناسك ناسك
هەرئێستا
هەواڵى تازەو گەرم
بەگوێما ئەدركێنێ
هەواڵى خونچە
هەواڵى باخچە
لەگەڵ باڵەكانى ئەمبا
هێواش هێواش
بەرەو دنیا
بەرەو ژیان
سوارى پەڕى باڵى ئەبم
بۆ ڕابردوو
بۆ یادگارى
بۆ نزارەكان
گەڕانەوە لە سەر باڵى
بۆ مناڵى بۆ شیرینی و تاڵى
هێواش هێواش
بۆدنیایەكى بەچرپە دواو
بە ناسكى ژیاو
دڵێكى پڕ لە ئاوات و داخورپاو
ئەمبا ئەمبا
بە هێمنى
بەهیمنى
پەنجەم ئەكا بە هەنگوینا
دەست ئەبا بۆلاى تاڵى
قسەى وشكى ڕابردوى بێتامى
هەواڵیك سڕمەكا
تەزوى خۆشەویستى
تامى گەرمى و هەست و نەستى
بەگیانم ئە بەخشێ
پەپولەیەو
فریشتەیەو
ئارامیەو
هیوایەو
ئامانجە
پێشكەشەكا
ئەمبا
ئەمبا
لەفسانەى بونیش
لەنیشانەى ڕابردووى
حاڵیمەكا
حەكیمەو دڵم خۆشەكا