لەنزیكتریت دەرفەت هەولێر جێدەهێڵم

Tuesday, 11/05/2010, 12:00

لەنزیكتریت دەرفەت هەولێر جێدەهێڵم
(سەفین هەولێرى)
لەم هەرێمەپڕترسەدا شتێك بوونى یە بەمانایی ئازادى نووسین وئازادى ڕادەربڕین،هەركەسێك بیەوێ بەگەندەڵیەكان بڵێت دزى واتا بەزاندنى هێڵەسورسورەكان،نووسین لەسەر سەرۆكى هەرێم وسەرۆكى حكومەت وسەرۆكى پەلەمان ورەئیس حزب ووەزیروپەلەمانتارومودیرى عام ومودیرى بچوك وئەندام مەكتەب سیاسیى وبەرپرسى لق ومەڵبەندوكۆمیتەوناوچەوئەندامى حزب ولایەنگرى حزب،واتائیهانەكردنى بەشەریەت،ناكرێت بەبردنى هەزاران ملیۆن دینارى دزى بەرپرسان بڵێین گەندەڵى!ناكرێت بەداگیركردنى هەمووزەویەكانى هەولێرلەلایەن نزارحەناكان بڵێین سڕینەوەى كەلتورى هەولێر!كاتێك لەبەرچاوى خەڵك قوتابیەكى ڕۆژنامەنووس لەناوزانكۆئیهانەدەكرێت ولەپاشان دەڕفێندرێت ودەكوژرێت بڵێین تیرۆر!واتا زمان درێژى وتێكدانى ڕەوشى ئەمنى!هەركاتێكیش زاتى ئەوەبكەى بەسپیەكان بڵێی سپى وبەڕەشەكان بڵێى ڕەش واتاخۆناونووسكردن بۆزووترین مردن.

ماوەیەكە چەندین تەلەفۆن وكورتەنامەوئیمێڵى هەڕەشەئامێزم بۆدێت سەبارەت بەوازهێنانم لەبابەت نووسین ودەربڕینەكانم لەسەرتاوانكاریەكان وگەندەڵییەكانى بەرپرسان وحزبەكان،ئەگەرچى بۆچەندین جاریش بەڕێزپارێزگارى هەولێروبەڕێوەبەرى پۆلیسى هەولێروئاسایشی هەولێروسەنتەرى میتڕۆم ئاگاداركردۆتەوەلەم هەڕەشانە،بەڵام بێ ئەنجامە كارەكە لەسەرووى دەسەڵاتى ئەوانە،من هەرگیزلەترسى كووشتنم پەنام بۆكەس نەبردووە،بەڵام مەبەستم بووبەرپرسانى ئەم هەرێمەدڵنیابن مەترسى بۆسەرژیانى كەسەئازادەكان بەردەوامە وهەمووكات ئامادەن بۆكوشتن وبردن وتێهەڵدان،چەندین جاریش كەس وكارم ئاگاداركراونەتەوە ئەگەرى ئەوەهەیە حزبەئیسلامیەكان من بكوژن بۆخاترى ناشیرین كردنى پارتى،دەبێت ئاگادارى خۆم بم،ئاخرنازانم بۆچى ئیسلامییەكان من دەكوژن ڕۆژێك لەڕۆژان دەسكارى قورئانم نەكردووە!مزگەوتێكم نەڕووخاندووە!مەلهاوباڕوقومارخانەشم نەكردۆتەوە!هەرگیزمانگى ڕەمەزانم نەكردۆتە27ڕۆژ!سەفەرى حەج وعومڕەم رانەگرتووە!بۆچى من دەكوژن!!من نەدژى ئیسلام ونەدژى مەسیح ونەدژى یەهوودم!

ماوەیەك دژایەتى دەزگاكەى تایبەت بەلاوانیان كردم ونزیكەى 6مانگێك بانگى خۆبەدەستەوەدانیان بەسەرداخوێندم بەبڕینى بەخشینى مانگانەكەى،بۆخۆبەدەستەوەدانى كۆیلەى حزب،بەڵام بەنامورادى وبێكەسى سەبرم گرت وخۆم نەفرۆشت!ئەوهەمووكێشەیەم لەسینگم هێشتەوە،كەلەبڕى ڕۆژانى كاركردنم لەناوحزب وپێشكەش كردنى گەنجێتیم بۆحزب بەخەڵات دەهاتن!ئێستاش نازانم چ هێزێكى ئیلاهى بوو ڕێگاى نەدا ببمەوەكۆیلەى حزب،هێزى پێم بەخشى خۆڕاگربم چۆك دانەدەم بۆهەمووكێشەزەبەلاحەكان،بۆئەمەیان سوپاسى والى هەولێرجەنابى كاك(نەوزادهادى)دەكەم،لەكاتەناخۆشەكانى ڕۆژانى كاركردنمان بەهانامان دەهات.

ئەوەى هەمیشەچاوەڕوانیم دەكرد لێدانم وكووشتنم بوولەهەولێر،چونكەمن لەخەت لامداوە،بەڵام چاوەڕوانى ئەوەم نەدەكرد سەردەمى سەدام حسێن دووبارەببێتەوە لەلایان پارتى،ئەویش بەهەڕەشەكردن لەخزم وكەسەكانم بەبڕینى مووچەودەركردنیان لەناوحزب وحكومەت ئەگەرمن وازلەنووسین نەهێنم!!!ئێوەنەتان توانى بەزەبەلاحى خۆتان ڕەخنەى ڕاستەقینەى من قبوڵ بكەن!نەتانوویست گوێ لەئازارەكانى گەنجانى ئەم وڵاتەبگرن!ناتانەوێ چاكەوخراپە لەیەكترجودابكەنەوە،دەتانەوێ بەهەڕەشەى نانبڕین وپەیامى مەترسیدارخامەكەى من بشكێنن!!ناتوانن بۆیەكچركەش من لەباسكردنى ڕاستیەكان بووەستێنن،بەڵام دەتوانن كێشەبخەنەناوبنەماڵەكەم،من لەئێستا نەخاوەنى یەك دینارم ونەخاوەنى جنسیەى هیچ وڵاتێكم،بەڵام لەنزیكترین دەرفەت بەناچارى هەولێرى دێرین جێدەهێڵم ولەوڵاتێكى بێگانەدائەنیشم چركەكان وساتەكانى ژیانم بەپەنجەئەژمێرم بۆڕووخانى ئێوە،تاوەكوبەزووترین كات بگەڕێمەوە هەولێر و لەسەیرى ئێوارانى قەرات وهاتووچۆكانى شەوانى ئیسكان دانەبڕێم،لەئێستادا بەتەنهابۆخاترى كەس وكارەكەم دەڕۆم تاوەكو نەبنەقوربانى ڕادەربڕینەكانى من ولەسەرئازادى من ژیانیان نەشێوێت،تائەوكاتەى وڵاتێك مافى پەنابەرێتیم دەداتێ من لەهەولێرم،ئەوشارەى لەخۆم ودایك وباوك وهەمووشتێكم خۆشتردەوێ،ئومێدى گەورەم مردنەلەهەولێر،بەڵام بەناچارى لەبەرسەلامەتى خانەوادەكەم دەستى هەولێرى كوڕم وخێزانەكەم دەگرم بەرەوشوێنێكى نامۆوبەبێ ئامانج سەفەردەكەم،شیرینترین یادگاریشم،كە(كۆمەڵگەى لاوانى هەولێروڕادیۆوتەلەفزیۆنى پایتەخت وڕۆژنامەى قەرات)ە،بەیەكێك لەبنەماڵەكانى(ئەفەندى وموفتى وموكوریانى وئاڵتى بەرماغ وفەیزى)دەسپێرم تاوەكوبەڵێنى پاراستنیان لەدەستى قین لەدڵان وەربگرم،لەم كاتەش دەگەڕێمەوە هەولێرتاوەكولەجەژنى ئازادى كوردستان بەشداردەبم.

[email protected]