ڕووخانی گۆڕان
Monday, 15/11/2010, 12:00
كوردی بەستەزمان لە گۆماوێكدا پەلەقاژەی مەرگیەتیی، بە ھیوای ژیان ومانەوە دەست بۆ پووشكەیەكیش درێژ دەكات، بۆئەوەی ڕزگاری ببێ لەم مەینەتیەو سەرلێشواویەی تێكەوتوە، سەرلێشواوی لەسەر ئاستی سەركردایەتی و بەڕێوە بردن و مەینەتیش لەماڵی تاكی كورددا.
ڕۆڵەی لاوی وشیاری كورد، بەھیوای تروسكەیەكی تر لە ئاسوی كوردایەتی و ئازادی بۆ كوردستان، كۆیرانە دەھۆڵیان بۆ گۆڕان دەكوتی ، تەنھا دوای چەند دروشمێكی سەرپێی و بریقەداری نەسەلمیندراو كەوتن، وایان زانی محمدی مھدی دابەزیوەو مژدەی یەكسانی دادپەروەری پێە، نەگبەتیمان لەوەش قوڵتر و بەسۆتر، كاتێك نوسەرە خەم خۆرو ڕۆشنبیر و ئازادی خوازەكان كەوتنە بانگیشە كردن، ئەوەندە بەپەلە بوون لە پێدا ھەڵگووتن، ئەوەندە ئاروزووی گۆڕان و دەرچوون لە كۆتی ئەم دەسەڵاتە و گەندەڵییەبوون، (چاویان تیژو دەستیان كورت) ، بەھیچ شێوەیەك ئامادە نەبوون گۆێ بۆ پێشنیارو رەخنەیەك لەسەر ئەم بزووتنەوە تازەیە بگرن، ھەركەسەو پەلەی شاباشی بوو . زۆربەی ڕەخنەكان دەكرا لە بەرژەوەندی خودی گوران دابن ، ئەگەر رەخنەگر خەڵكانێكی بێلایەنیش با ھەر ورتەیەك ئەوە زۆر بە زووی دەخرایە پاڵ یەكێك لە لایەنەكانی تر!
ئەوەندەیان بەشان و باڵی گۆڕان دا ھەڵدا تا زۆر بەرز بوونەوە، ئێستاش زۆر بەپەلە لە ھەوڵی ئەمە دا ن لەم بەرزایە بییان خەنە خوارەوە! بێ خۆندنەوەیك ، یان ھەڵسەنگاندنی بابەتی دوور و بێگۆێدانە كاریگەری لەسەر ھۆش و ھزری لاوەكانی ئێستامان و نەوەی دوای چەند ساڵێكی تر ، كە لە ھەردوو حاڵەتدا تەنھا دوو حزبی دەسەڵات سوودمەند دەبن، لە ناو خودی گۆڕاندا لێپرسراوەكان دەكرێ (حسانەیان ھەبێت) لەناو حزبەكانی تر، بەڵام خەڵكی دڵسۆزی گۆڕان كە تەنھا بە ھیوای گۆڕان و دواڕۆژیكی ڕوون دوای گۆڕان كەوتووە، چی چاوەڕوانیەتی؟ (لەقەل بوون و لە كۆتریش) ، من خۆم نە گۆڕانم نە ئەم نەئەو بە ڵام لەم كاتە دا پێویستە بزانین ئەگەر بانگێشە كردنەكانمان نەرێی بن بۆ خستنە خواری گۆڕان، ئەوە دەبینە ھۆی گوژانەوە و خنكانی ھەر تروسكەیەك لە ئاینەدەدا كە بەھیوای گۆڕان و چاك سازی بێت لە ناو جەماوەر و بە تایبەتی چینی خێر لە خۆنەدیتوی لاوانمان . بۆیە پێویستە زۆر بەوریایەوە ئاگامان لە پشت بە زەویدادانی گۆڕان بێت ئەگینا چۆن لەناو كوردی باشور فڵان بەر پرس و فیسار سەركردە بە تاونباری میژووی دادەنرێن ، ئەوە ڕۆژێك دێت ڕۆشنبیرانیش بەھەمان دەرد بچن. چوونكە ئێوەش پشكێكتان لەم سەر لێشواندنەی جەماوەری كورد بەردەكەوێت ، ھەر چەند گۆران لە كاتی دامەزرانیەوە تا ئیستاش پێویستی بە نووسەرە خەم خورە راستەقینەكانی گەل نیە بۆ لابردنی چوونكە بەناو نوسەری لایەنەكانی تر درێغیان نەكردوە لە لێدانی و خنكانی .كە ئەمە كارێكی زۆر ئاساییە و دەبێت بە بەشێك لە تیئوریەكانی چاك سازی و گۆڕانخوازی وەر بگیریت.
ھەر لە سەرەتاوە نەدەبوو ھیچ بیرۆكەی گۆڕانخوازی لە ھیچ لەو بەناو تێكۆشەرە كۆنانە وەربگیرێت،چونكە ئەمانە فرۆشیاری كونەن و ناكرێ تازەمان پێبفرۆشن ، ھەرچۆن لە جیاتی داھینانی نۆی و تازە بۆ میللەتەكەمان ماوەیەك جەماوەری یەكیەتی و گۆڕانیان بە نوسینەوەو بڵاوكردنەوەی یاداشتە تاڵەكانییانەوە خەریك كرد كە نەقازانج و بگرە زۆر لە زەرەری كوردوگۆڕاندابوو ،
دەكراپێشنیاری گۆران بكەن بەڵام وەك كاركردن ئەم تیێكۆشەرانە پێویست بوو بەكادیری پلە سێ لە ناو رێكخراو و بزوتنەوە چاك سازیەكان لە ژێر چاودێری خەڵكی لاوی لێھاتوو كارو پرسیان پێبكرابا ، چوونكە لە سەردەمی ڕاپەرینەوە تائێستا ھیچ كامێكان لە سەر پرۆژەیەكی چاك سازی دكتۆرا یاخود دەست نیشان نەكراوە بۆ خەڵاتە نیودەوڵەتیەكان و ناوخۆیەكانیش ، ئەوەی كەھەبوو لە پەیمان و بەڵێنەكان بە خەڵكی كورد تەنھا لە چاو پێكەوتن و كوڕو كۆبوونەوەكان دا بووە ، كەئەمەش زۆر ئاساییە خەڵكی تێدا ھەڵبخەڵەتێنن،كە دەكرێ بە فیڵی سیاسەتی ناو ببەن، ھەر چۆن ئەم بەڵێنانە لە زۆربەی وڵاتانی جیھاندا باوە.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
