بۆ دەزگاكانی راگەیاندن و رای گشتی

Monday, 19/07/2010, 12:00

گروپی ئاشتی قەندیل هێژایان ئەندامانی دامو دەزگاكانی راگەیاندن
وەك گروپی ئاشتی روونكردنەوەی هۆكارەكانی گیرسانەوەمان لەم پێگە و هەلومەرجەی ئێستادا بۆ گەلەكەمان و لە رێگای ئێوەی هێژاشەوە بۆ رای گشتی وەك پێویستیەكی بەرپرسیارێتی و ئەركی خۆمانی دەبینین. بە ناوی گروپی ئاشتیەوە سڵاو و رێزی خۆمانتان پێشكەش دەكەین و بەخێرهاتنتان دەكەین.

هەڤاڵانی هێژا
زۆر ئاشكرایە تا رێگاو كاروانێكی زۆر سەخت نەگیرێتە بەر ئاشتی بەدینایەت. خوازیاری گرتنەبەری ئەم رێگا درێژ و پڕ لە هەوراز و نشێوییە بووین. ئێمەی بەشداربوانی گروپ بە ئیرادەی خۆمان ئەم ئەركەمان لە ئەستۆ گرت، كە ئەركێكی واتادار و هێژایە و لە هەمانكاتیشدا قورس و زەحمەتە.بە درێژایی ئەو 9 مانگەی دوای چوونمان بۆ توركیا لەمیانەی جدیەتی ئەو بەرپرسیارێتییەی سەر شانمان و بە ناوی ئایندەیەكی ئاشتیخوازانە بۆ گەلەكەمان بەشداری قۆناخ بووین. ئەمڕۆش لێرەدا كۆتایی بەو كاروانەی ئاشتیمان دەهێنرێت كە لە چوارچێوەكانی سنووری توركیادایە.
لێرەدا خوازیارین بە كورتی هۆكارەكانی بەربەستكردنی ئەم كاروانەمان روون بكەینەوە.
جارێكی دیكە بە پوختی باسكردنی ماوەی نێوان 19ی ئۆكتۆبەری 2009 14ی تەمموزی 2010 گرنگ و بایەخدار دەبینین. بەر لە هەموو شتێك پێویستە ئاماژە بەم خاڵە بكرێت كە رێبەری گەلی كورد بەو ئامانجەی وەڵامی چاوەڕوانیەكانی كۆمەڵگا بداتەوە و كۆتایی بە رژاندنی خوێن بێت، لە ماوەی نێوان 19931998 بە شێوەیەكی یەكلایەنە پێنج جار ئاگربەستی راگەیاند. بەهۆی سوربوونی دەوڵەتی تورك و حكومەتەكانی ئەو سەردەمەی توركیا لەسەر توندوتیژی و بێچارەیی تەواوی ئەم هەوڵانە بێ ئەنجام مانەوە، لە رێگای هێرشی هەمەلایەنەوە مایەپووچ كران. بۆ جاری شەشەمین بزووتنەوەكەمان لە 13ی نیسانی 2009 ئاگربەستی راگەیاند. قۆناخی ئاگربەستی یەكلایەنە سەرلەنوێ هیواكانی ئاشتی لەناو كۆمەڵگادا زیندوو كردەوە و كەشو هەوایەكی ئەرێنی ئافراند. بەڵام لە 14ی نیساندا ئاكەپە ئۆپەراسیۆنێكی بەرفراوانی دژی بزووتنەوەی سیاسی یاسایی كورد دەست پێكرد كە لە چارەسەركردنی كێشەكەدا دەبوو بە ئەڵقەی سەرەكی، بە هەمان شێوە هێرشەكانی بەرامبەر گەل و ژنان دەست پێكرد، هەروەها دەستگیركردن و زیندانیكردنی منداڵان و ئۆپەراسیۆنە سەربازیەكانی دژی گەریلا چڕكرایەوە. لە كاتێكدا ئاكەپە گفتوگۆی لە بارەی ئەو پڕۆژەوە دەخستە رۆژەڤەوە كە لەژێر ناوی كرانەوەی دیموكراتییانە باسی لێوە دەكرد، لە لایەكی دیكەشەوە ئەم رەفتارو كردەوانەی فشارو توندوتیژی پەرە پێدەدا، لە لایەن كوردان و ئەو هێزانەی خوازیاری كۆمەككردنی قۆناخەكە بوون، وەك پارادۆكس و هەڵوێستێكی دوو فاقی رەخنەكرا. ئەو شەپۆڵە میللیگەراییەی لە بەرزبوونەوەدابوو قۆناخەكەی بە خاڵی بنبەستبوون گەیاند. بە ئامانجی بەلاوەنانی بنبەستبوون، تێپەڕاندنی سیاسەتی كلاسیكی نكوڵی قڕكردنی سەبارەت بە كێشەی كورد و وەرچەرخانی چەكەرەكردنی هیوای ئاشتی بۆ چارەسەری دیموكراتی و ئافراندنی هەڵومەرجێكی لەبار و گونجاو رێبەری گەلی كورد بانگەوازی بۆ گەڕانەوی گروپەكانی ئاشتی كرد. لەم چوارچێوەیەدا لە 9ی ئۆكتۆبەر سێ گروپی ئاشتی لە قەندیل، مەخمور و ئەوروپا ئامادەكران.
بە ئامانجی وەڵامدانەوەی بانگەوازی رێبەرمان ئێمە گولبەهار چیچەكچی، حەمید دینچەر، ڤیلایەت یاقوت، محەمەد شەریف گەنجدال، مستەفا ئەیهان، لوتفی تاش، حوسێن ئیپەك و ئەلیف ئولوداغ بە نوێنەرایەتی هێزەكانی قەندیل وەك گروپێكی هەشت كەسی لەگەڵ گروپێكی 26 كەسی مەخمور كە ژن و منداڵیشیان لە ناودابوو، بە گشتی 34 كەس لە رێكەوتی 19ی ئۆكتۆبەری 2009 بەرەو دەروازەی سنووری خابوور چووین. بە شاهێدی جۆشوخرۆشی ملیۆنان كەس و چاودێری كاربەدەستانی توركیاوە چووینە ناو خاكی توركیاوە. دوای ئەوەی لەلایەن سەدان هەزاران كەس لە باشوری كوردستانەوە بەڕێ كراین، لە دیوەكەی تریش لەلایەن جۆشوخرۆشێكی ملیۆن كەسیەوە پێشوازیمان لێكراو ئەم خرۆشاندنە جەماوەریەش لە شاری ئامەد بە لوتكە گەیشت. لەو رۆژەدا تەواوی كوردستانیان لە هەر شوێنێكی لێی بوون بە ئامانجی سڵاوكردن و پێشوازیكردن لە ئاشتی و لە ئامێزگرتنی هیواكانیان رژابوونە سەر شەقامەكان. ئەم لافاوەی شادومانی و خۆشەویستی كە دەوڵەتی تورك و رای گشتی جیهانی سەرسام كرد، هەم بەیانكردنی ئیرادەی نەتەوەی كورد بوو، هەم شادومانی گەل بوو كە بۆ یەكەمین جاربوو لە جیاتی تەرم بە زیندوویی گەریلاكان لە باوەش بگرێت. لە كاتێكدا یەكەمین كاردانەوەی سەرۆك وەزیران ئەردۆغان بەرامبەر بەم تابلۆیە بە شێوەی"كێ دڵخۆش نابێت" بوو، بەڵام ئەم هەڵوێستەی دواتر سەراوژێر بوویەوە. ئەم تابلۆیەی تەنانەت دڵڕەش و بێ ویژدانەكانیشی دەهەژاند و دەیتواندنەوە، بە داخەوە بەر دیواری ئەو فیكر و دڵ و ویژدانە بەستەڵەكانە كەوت كە لەگەڵ لاشەی سارد و سڕ راهاتوون. كەچی لە راستیدا ئەم حەسرەت و هیوایەی ئاشتی چاوەڕوانی و هیوای توركیاش بوو، بەڵام هەرس نەكرا.
ئەو هەوڵ و تەقەڵایانەی خوازیاربوو گەڕانەوەمان وەك "تەسلیمیەت" چەواشە بكات بەرامبەر بە دروشم و خەیاڵی ئازادی ملیۆنان كەسی خەڵكی كوردستان مایە پووچ بوو. سەرۆك وەزیران ئەردۆغان شادومانی و دڵخۆشی گەلەكەمانی پێ هەرس نەكرا، بەمجۆرە لە هەڵوێستی سەرەتای خۆی پاشگەز بوویەوە و بە گووتەی "هەموو شتێك دێنینەوە خاڵی سفر" هەڕەشەی لە گەلی كوردستان كرد. هەرچی MHP و CHPبوون بە گووتەی "نەهاتوونە تەسلیم ببنەوە، هاتوونە تەسلیمیان ببین" هەموو هێز و توانای خۆیان خستە گەڕ تاوەكو سەرلەنوێ میللیگەرایی و شۆفینیزم بوروژێنن. بە سوربونەوە ئەم هەنگاوە واتادارەمان بەربەستكرا كە ئامانجەكەی كۆمەككردن بوو بە ئاشتی. هەڵبەتە نە بۆ رادەستبوون و نە بۆ رادەستگرتنی هیچ كەسێك نەچوبووین. بەڵكو بەو ئامانجەوە چووین كە كۆمەكێكی خاكیانە پێشكەش بە پڕۆژەی ئاشتی رێبەرایەتیمان بكەین، هەروەها هەڵوێستی ستراتیژیانەی بزووتنەوەكەمان سەبارەت بە قۆناخ روون بكەینەوە و كۆتایی بە ئێش و ئازارەكانی گەلەكەمان بێنین و تروسكایی هیوا بەهێزتر بكەین.
لە دەروازەی سنووردا چوار نامەی جیاوازمان رادەستی كاربەدەستە پەیوەندیدارەكانی دەوڵەتی توركیا كرد كە بۆ سەرۆك كۆمار، سەرۆكی پەرلەمان، سەرۆك وەزیران و سوپاسالاری توركیا نوسرابوو كە ئامانجی چوونمان بۆ توركیا، نیازپاكی، پۆچوون و پێشنیازەكانی چارەسەری لەخۆوە دەگرت. وەك چۆن وەڵامی نامەكانمان نەدرایەوە لە میانەی رەخساندنی كەش و هەوای ترس و تۆقاندنەوە چوونمان بەرەو ئەنقەرە بەربەستكرا. تەنانەت هەلومەرج بۆ هێرشی توێژە شۆفینستەكان ئامادەكرا. بەمجۆرە بە دەستی ئەنقەست بە یەكگەیشتنمان لەگەڵ كۆمەڵگای توركیا رێگیری لێكرا. لەمیانەی هاوكاری هەندێك رێكخراوی جیاوازی كۆمەڵگای مەدەنی بە شێوەیەكی سنورداریش بێت دەرفەت و زەمینەی بە یەكگەیشتن لەگەڵ گەلی تورك رەخسا. بەڵام بە قورسایی كار و خەباتەكانمان لە كوردستان بەڕێوە برد. لەم چوارچێوەیەدا لەگەڵ گەلەكەمان بە یەكتری گەیشتین، دیدارمان لەگەڵ هەر چین و توێژێك ئەنجامدا كە كۆمەك پێشكەش بە چارەسەری بكات، هەروەها چەندین كۆبوونەوەمان ئەنجامدا و بەشداریمان لە چالاكییە دیموكراتی ئاشتیخوازیەكاندا كرد. لە هەر شوێنێكی روومان تێكردبێت، لە گووتەكانماندا داكۆكیمان لەسەر رێگە چارەی دیموكراتیانە كردووە، خوازیاربووین سەرلەنوێ كلتووری ئاشتی لە خاكی میزۆبۆتامیا و ئەنادۆڵ جێگیر بێتەوە. لە پێناو پەرەپێدانی پرۆسەیەكی دیموكراتی ئاشتیخوازانە هەوڵ و كۆششێكی نەپساوەماندا. هەڵبەتە سەرباری ئەوەی لە ژێر بەرپرسیارێتی دەسەڵاتی ئاكەپە رووبەڕووی دەستگیركردن، دادگا، زیندانیكردن و فشاری سیاسی بووینەوە و بە دەستی ئەنقەست وەك ئامانج نیشاندراین و لە میانەی ئاراستەكردن و چەواشەكردنی رای گشتی هەلومەرجێكی نائاسایی رەخسێنرا، بەڵام هەوڵ و كۆششەكانی خۆشمان تەواو هەڵناسەنگێنین. لە كاتێكدا یەكەمین ئیفادەكانمان لە سنوور بە هۆكاری دەستگیركردن دانەنرا، بەڵام دواتر كرا بە بیانووی دەستگیركردن، بە داخەوە ئەمە بوو ئەو وەڵامەی درایەوە سەرجەم هەوڵ و تەقەڵاكانمان. بەڵام لەو بڕوایەداین كە ئەو پەیامەی لە میانەی چوونمان خوازیاری گەیاندنی بووین لەلایەن رای گشتی دیموكراسیخواز و گەلەكەمان بە ئامانجی خۆی گەیشتووە.

هێژایان ئەندامانی راگەیاندن
هەرچەندە هۆكارەكانی گەڕانەوەمان وەك پەرەسەندنێكی جێگای نیگەرانی پیشانی هەموو لایەك درابێت، بەڵام جارێكی دیكە بە ناوی گروپی ئاشتیەوە دەڵێین؛ دوور لە شێواز و سیاسەتی "رادەستبوون، رادەستگرتن" كە قووڵكردنەوەی بێچارەیی و شەڕ لەگەڵ خۆیدا دێنێت و میللیگەرایی دەوروژێنێت، دەتوانرێت كێشەی كورد لە رێگای دیالۆگی دوولایەنە و زهنیەتی چارەسەری دیموكراتیانە چارەسەر بكرێت. لەم ماوەیەی رابردوو ئاشكرابوو كە بە پێچەوانەی بانگەشەكان ئاكەپە رۆڵی حكومەتی شەڕ دەبینێت و لەم چوارچێوەیەدا مامەڵە لەگەڵ رووداوەكان دەكات. چونكە ئەوەی لەناخەوە نزیكی چارەسەری نابێتەوە، داكۆكی لەسەر شەڕی قڕێژ دەكات و درێژە بە نەخشە و پیلانەكانی لەناوبردن دەدات خودی حكومەتەكەی ئاكەپەیە.
حكومەتی ئاكەپە لەجیاتی وەڵامدانەوە و جێبەجێكردنی چاوەڕوانیەكانی گەل، لە میانەی ئەو پرۆسەیەی لەژێر ناوی كرانەوەی دیموكراتییانە بەڕێوەی دەبات ئامانجی لەناوبردنی بزاڤی ئازادی و تێكشكاندنی ئیرادەی دیموكراتیانەی گەلەكەمان بوو. لە رێگای شێواز و زمانێكی جیاوازتر لە جاران سیاسەتی فشاری سیاسی و ئاسیمیلاسیۆنی كۆمەڵایەتی هەشتاو حەوت ساڵە بە بنەما دەگرێت.
لە میانەی پەیوەندیەكانی دەرەوە، بە ئامانجی لەناوبردنی PKK هەوڵی كاراكرنی میكانیزمی سێ قۆڵی دا، لەسەر بنەمای رێككەوتنی دژە كورد لەگەڵ ئێران و سوریا، بەرژەوەندی، خۆشگوزەرانی و ئاییندەی ئاشتیخوازی دیموكراتییانەی گەلی توركیای بەلاوەنا، شانبەشانی سازشكارییەكی بێ حیساب سیاسەتێكی وەهای بەڕێوەبرد كە توركیا بەرەو گێژاوێكی بێ كۆتایی دەبات.حكومەتی ئاكەپە كە سیاسەتی ناوخۆ و دەرەوەی كورتی هێنا، لە نیشاندانی رووی راستەقینەی خۆی درەنگ نەكەوت و بڕیاری شەڕی سەرتاسەری داوە. بەڵێ لە چوارچێوەی ئەم گۆڕانكارییە مەترسیدارانەدا دۆز بەرامبەر بە ئێمەی ئەندامانی گروپی ئاشتی كرایەوە.. هەڤاڵانمان مستەفا ئەیهان، حوسێن ئیپەك، ئەلیف ئولوداغ و لوتفی تاش كە لە رێكەوتی 18 ی حوزەیران لە دادگا دۆزەكەیان پەڕێوەچوو دەستگیركران و ئاخێنرانە زیندانەوە. لەو دادگاییەی لە 24 ی حوزەیران بەڕێوەچوو بڕیاری دەستگیركردنی ئێمە گولبەهار چیچەكچی، حەمید دینچەر و ویلایەت یاقوت درا كە ئێستا لە بەرامبەرتاندا ئامادەین. تەواوی ئەو گووتانەی لەپێناو ئاشتیدا ئاماژەمان پێكردبوون وەك دۆسێی تاوان بەرامبەرمان بەكاردەهێنرێت. گروپەكانی ئاشتی مەخمور و قەندیل كە رۆڵی قاسیدی ئاشتی دەبینن سەرباری ئەوەی ئاشنای هەڵوێستی سیاسی دەوڵەت و ناعەدالەتیەكەین كە بەگوێرەی رێبازی نكوڵی قڕكردن شێوەی گرتووە، بەڵام دیسان لە دادگاكان ئامادەبووین و بەرگریمان لە ئاشتی و رێگە چارەی دیموكراتییانە كردووە. ئیفادەكانی --- پەشیمان نین، لەسەر بنەمای بانگەوازی رێبەری گەلی كورد، لێدوانەكانی KCK و گووتە ئەرێنیەكانی ئەوكاتەی حكومەتی توركیا بڕیاری هاتنمان داوە --- كە ئەو كاتە لە خابوور لەلایەن دادگا و دۆزگەران بە هۆكاری دەستگیركردن دانەنرا، ئەوجارە بە تاوان دادەنرێت. ئاشكرایە كە ئەم بڕیارە بە گوێرەی نەخشەی شەڕی سەرتاسەری سەرۆك وەزیران ئەردۆغانە كە لەمیانەی گووتەی "دەگەڕێینەوە خاڵی سفر " دەستی پێكرد.
هەروەها ئێستا شەش هەڤاڵمان لەو 26 كەسەی كامپی مەخمور لە زیندان دەستگیركراون، ئەوەش لە حاڵەتێكدایە بە درێژایی ئەو 9 مانگەی لەتوركیا بوون هیچ تاوانێكیان نەبووە، تەنیا ئەوە نەبێت كە وەك لێقەوماوانی شەڕی چەپەڵ و قڕێژ لایەنگری ئاشتی بوون. هەروەها شانبەشانی دوو دایكی كە تەمەنیان نزیكەی 60 ساڵییە دوو لاویش كە تەمەنیان لەنێوان 17 25 ساڵیدایە لەژێر بیانووی ئەندامێتی "ئەندامێتی رێكخستن" دادگایی دەكرێن، ئەمەش لە كاتێكدایە كە ئەم لاوانە لە تەمەنی 2 3 ساڵانەوە لەگەڵ بنەماڵەكانیان تووشی ناسۆری و ئاوارەیی هاتوون و لە ساڵی 1993 بەدواوە لە چەندین كامپدا درێژەیان بە ژیانی ئاوارەیی داوە، لەژێر ئەم هەلومەرجە سەختەدا خویّندنی خۆیان تەواو كردووە، گشت ئێش و ئازارەكانیان بەلاوەناوە، لە پێناو هیواكانی چارەسەری دیموكراتی ئاشتیانە فیداكاری گەورەیان نیشانداوە، لەجیاتی ئەوەی پاداشتیان بدرێتەوە، ئەم هەوڵەیان جێگای رێز و پێزانین بێت، دەكرێن بە بەڵگەكانی ئەرێكردنی تاوان! بەمجۆرەش ئەو دەستەمان لە هەوادا ماوەتەوە كەبۆ ئاشتی درێژمان كردووە.
ئەم ناعەدالەتییەی دەوڵەتی تورك لەلایەن گەلەكەمان و رای گشتی دیموكراسیخواز و ویژدانی كۆمەڵگاوە شەرمەزار كراوە و لەمیانەی رێپێوان و چالاكی جەماوەریەوە مەحكومكراوە و هەڵوێستی لە بەرامبەردا نیشاندراوە. بە ئامانجی شەرمەزاركردنی دادگاییكردنی ئاشتی و هەڵوێستی سیاسی و نایاسایی دادگاكانی تورك، هەروەها لەبەرئەوەی لەم هەلومەرجانەدا دەرفەتی ئەنجامدانی كار و خەباتی دیموكراتییانە لە ئارادا نەماوە و جگە لە زیندانەكان هیچ بژارێكی دیكە بۆ ئێمە نەهێشتراوەتەوە ناچاربووین لە توركیا دەربكەوین.
وەك دەزانرێت ئەگەر كۆمەكێك بە پرۆسەی دیموكراتی بكات، ئێمەش ئامادەین وەك هەڤاڵانی دیكەمان بكەوینە زیندانەوە و لە پێناو ئاشتیدا باج بدەین و لەم لایەنەوە هیچ دوودڵیەكمان نییە. بەڵام وەك دەستگیركردنی هەڤاڵانی دیكەمان، دەستگیركردنی تەواوی گروپ و زیندانیكردنمان هیچ سوود و كۆمەكێكی بۆ تێكۆشانی ئاشتی و دیموكراسی نابێت، هەربۆیە بە ئیرادە و بڕیاری خودی گروپەكەمان گەڕاوینەتەوە. ئێمەی ئاشتیخواز و پشتیوانانی عەدالەت وەك هەر جەنگاوەرێكی ئازادی و ملیتانێكی دیموكراسی شوێنمان زیندانەكان نییە.
ئێمە وەك ئەو گروپە گەریلاییەی لە قەندیلەوە هاتبووین، لەبەرئەوەی درێژە بە هەڵوێستی قاسیدی ئاشتی دەدەین و گرێدراوی بانگەوازی رێبەرایەتیمان دەمێنینەوە، لەجیاتی رووكردن لە مەیدانەكانی شەڕ، هاتنمان بۆ كامپی پەنابەرانی مەخمور گونجاوتر بینی كە كامپێكی مەدەنییە. پێویستە هاتنەوەمان وەك گەڕانەوە بۆ بەرەكانی شەڕ هەڵنەسەنگێنرێت. بژاری ئێمە ئەنجامدانی خەباتی یاسایی، رەواو و ئاشتیخوازانەیە. لە م پێناوەشدا رادەگەیەنین كە دوای كۆبوونەوەی رۆژنامەوانی بە ئامانجی پەنابەرێتی سەردانی نوێنەرایەتی نەتەوە یەكگرتووەكان لە مەخمور دەكەین. هەروەها لە دۆخێكدا ئاراستەی گۆڕانكاریەكان بەلایەنی ئەرێنیدا بشكێتەوە ئامادەین بگەڕێینەوە توركیا و لەو شوێنەی ناچاری دەستبەردان كراین سەرلەنوێ درێژە بە كار و خەباتەكانمان بدەینەوە.
ئاشكرایە كە حكومەتی ئاكەپە، دەوڵەتی تورك و پارتە پاشكۆكانی دەوڵەت بەرامبەر بەو خوێن رشتن و كوشتارە بەرپرسیارن كە لە ئارادایە. جارێكی دیكە روون بۆتەوە كە رژێمی نادیموكراتی و داپلۆسێنەری تورك كە داكۆكی لەسەر " یەك وڵات، یەك ئاڵا، یەك زمان، یەك نەتەوە" دەكات و هەرگیز بۆ جیاوازیەكان، بەڕێوەبەرایەتی دیموكراتی و دیموكراسی بەشداریكردن كراوە نییە و هەوڵدەدات دەوڵەمەندێتی كۆمەڵگا لەناو یەكڕەنگیدا بخنكێنێت، بوون، زمان و كلتووری گەلی كورد پەسەند ناكات.

هێژایان ئەندامانی راگەیاندن
لە پێناو پەرەپێدانی چارەسەری كێشەی نەتەوەیی كورد لە چوارچێوەی تێكۆشانی بەرخودانی گەلەكەمان و لە چوارچێوەی مافە گەردوونی و رەواكانی نەتەوەكان لەمە بەدواوەش خەباتی ئاشتی و تێكۆشانی دیموكراسیمان بەردەوان دەبێت. وەك قاسیدانی ئاشتی ئەو رێبازەی پەیڕەوی دەكەین رێبازی دیموكراتی و ئاشتیخوازانەی رێبەر ئاپۆیە. لەپێناو جێبەجێكردنی رۆڵی ئاشتی كە رێبەر ئاپۆ بۆی دەستنیشان كردووین، هەروەها لەپێناو شایستەبوون و وەڵامدانەوەی هیواكانی كۆمەڵگا بۆ ئاشتی و داواكاریەكانی گەلی كورد و تورك بەردەوام بە بڕیارەوە درێژە بە كار و خەباتی خۆمان دەدەین.
بەو ئامانجەی وەك چوونەكەمان دیسان گەڕانەوەشمان چەواشە نەكرێت و سەرلەنوێ پرۆسەكە بە لایەنی ئاشتی و دیموكراسیدا بشكێتەوە هیوادارین بە تایبەتی دامودەزگاكانی تورك و رۆژنامەوانان بەرپرسیارێتی و هەستیاری پێویست نیشان بدەن.
سوپاسگوزاری گەلە خۆشەویستەكەمان دەكەین، گەلی فیداكار و تینووی ئازادیی، كە هەرگیز بە تەنیا جێیان نەهێشتین، ئێمەیان خستە ناو جۆش و خرۆشانێكەوە كە مرۆڤ و شۆڕشگێڕێك تەنیا یەكجار لە ژیانی خۆیدا دەیبینێت. شایستەبوون بەو بەهاو خۆشەویستییەی بە درێژایی ژیانمان لەبیری ناكەین و بە قەرزێكی سەر شانمانی دەزانین.
هەوڵ و كۆششی هەژدە ساڵەی رێبەرایەتیمان و ئاگربەستەكان و تێكۆشانی ئاشتیخوازانەی گەلەكەمان بە پێی پێویست روونی كردۆتەوە كە تەنیا لەمیانەی هەوڵی یەكلایەنە ئاشتی بەدینایەت. وەك دەزانرێت وەك لایەنێكی كێشەی كورد بەردەوام لەناخەوە هەست بە ئێش و ئازاری دایكانی تورك دەكەین: بەڵام بە بایەخەوە پێویستە ئاماژەی پێبكەین تاوەكو سیاسەتی نكوڵیكردن تێپەڕ نەكرێت و حیساب لە بازرگانانی شەڕ نەخوازرێت، ئەم ئێش و ئازارانە بەردەوام دەبێت. ئیتر پێویستە هێزە دیموكراسیخوازەكانی توركیا ئیرادەی چارەسەری بخەنەروو. هەروەها بانگەوازی لە گەلی تورك دەكەین لەپێناو ئاواكردنی برایەتیەكی یەكسان ئازاد شەرەفمەندانەی نێوان گەلی كورد و تورك دەنگی خۆیان بەرزبكەنەوە.
هەروەها بانگەوازی لە تەواوی هێزە دیموكراسیخوازەكان و نیشتیمانپەروەرە راستەقینەكانی توركیا و ئاشتیخوازان دەكەین بەبێ ئەوەی چیتر درەنگ بكەوێت لە پێناو وەستاندنی شەڕ و دەستەبەركردنی ئاگربەستێكی دوولایەنە لە چوارچێوەی پێشنیازەكانی رێبەری گەلی كورد لەپێناو چارەسەری تێكۆشانێكی بەهێزتری دیموكراسی بەڕێوە ببەن.
وەك قاسیدانی ئاشتی جارێكی دیكە بەڵێن و پەیمانی خۆمان دووبارە دەكەینەوە كە بە رۆحی 14 ی تەمموزەوە درێژە پێدەری رێگای شەهیدان دەبین و لەسەر بنەمای وابەستەبوون بە گەلەكەمان و لەسەر رێبازی رێبەر ئاپۆ لەمە بەدواوەش درێژە بە تێكۆشانی ئاشتیخوازانەمان دەدەین، هەروەها بە دژواری ئەو كردەوە و رەفتارە هۆڤێتییە شەرمەزار دەكەین كە بەرامبەر بە تەرمی گەریلاكان ئەنجامدراوە.
ئاشتی و ئازادی سەردەكەوێت
سوپاسی هەموو لایەكتان دەكەین
لەگەڵ سڵاو و رێزمان

2010-7-19