هه‌ولێر

Sunday, 22/09/2013, 12:00

که‌ی بێ هه‌ولێره‌که‌م قه‌ڵای باستیل بڕوخێنێ
ته‌خت و تاجی (لویس)ه‌کان له‌بێخه‌وه‌ هه‌ڵته‌کێنێ
دیموکراسی و داد په‌روه‌ری به‌ده‌ست بێنێ
به‌رگی سته‌م و کۆیله‌ بوون له‌به‌ر خۆیا دابماڵێ
ده‌سه‌ڵاتی گه‌ل به‌سه‌ر خۆیا بسه‌پێنێ
***
که‌ی بێ هه‌ولێره‌که‌م قه‌ڵای باستیل بڕوخێنێ
له‌بری،مه‌ینه‌تی،ئاسوده‌یی و،خۆش نودی وه‌دی بێنێ
له‌بری زیلله‌ت و زه‌بوونی و،ژێر ده‌سته‌یی،کۆت و پێوه‌ن بپسێنێ
گڵه‌ سووری ده‌شتی (قه‌راج) یش،سه‌ر له‌نوێ ڕووسووری بهێنێ
نه‌عره‌ته‌ی *نه‌یسه‌ به‌سه‌،عه‌رشی (لویس)ه‌کان بهه‌ژێنێ
تۆووی عیشق و خۆشه‌ویستیش،له‌گه‌رووی کپ کراوا بچێنێ
***
*نه‌یسه‌:ئیتر