جنابێ سه‌روک بارزانی خوزی من ژنــــــا ته دیتـــــبا
Friday, 04/06/2010, 12:00
ب راستی من گه‌له‌ک حه‌ز دکر کو من دایکا مه‌سرور دیتبا کا ژنا سه‌روکێ مه ژی وه‌کی ژنا سه‌روکێ سوریـــه (نورا) یێ یا جانه یان نه.
ئه‌ڤروکه ڵ هه‌ر وه‌لاته‌کێ ڤێ دنیایێ تو پسیار ژ زاروکه‌کی بکه‌ی کا ناڤێ مه‌لیکێ یان ژنا سه‌روکێ وه‌لاتێ ته چی یه بێ گومان دێ زانیت لێ مخابن کو ئه‌ز پیربوم ل کوردستانێ هه‌تا ئه‌ڤروکه ژێ ئه‌ز ناڤێ ژنا سه‌روکێ خو نزانم !!
لبه‌ر وێ ئێکێ ده‌مێ من زانی مسعود دێ چیت تورکیا.وه به‌ری وی ژی بـــشار ئه‌سه‌د سه‌ره‌دانا تورکیا کربو و ژنا وی نورا یا دگه‌ل بو گه‌له‌ک که‌یڤا من هات و من هه‌ر دو ده‌ستێت خو بلند کرن و دوعا کرن کو به‌لکی پشتی ٤٥ سالان ئه‌ڤێ جارێ ژنا سه‌روکی ببینم ، هه‌ما بابو چ نه بیت ناڤێ وێ بزانم، ئه‌گه‌ر جاره‌کێ ئێکێ پسیار ژ من کر دابزانم به‌لێ پا مخابن ئه‌ڤێ جارێ ژی مه ژنا مسعود نه‌دیت.
سه‌رادانا مسعودێ حه‌مایلێ بو تورکیا دڤی ده‌میدا ب هزرا من مه‌ترسیه‌کا مه‌زنه ل سه‌ر ئێک رێزیا گه‌لێ کوردستانێ و دوباره‌کرنا شه‌رێ برا کوژیێ.بێ گومان کو هه‌لویسیێ تورکا به‌رامبه‌ر گه‌لێ کورد که‌س نینه کو نه‌زانیت دروشمێ وان یێ ئه‌گه‌ر وه‌لاته‌کێ کوردان ل ئه‌فریقا یێ ژی چێ بیت ئه‌م قه‌بول ناکه‌ین ،هه‌می دزانن ئه‌ز باوه‌رم کو نه‌ڤێت حه‌مایلێ ژی دزانن کو ب درێژاهیا دیروکێ ڵ روژهه‌لاتا ناڤێن روژه‌کێ ژ روژان تورک نه‌بویه هه‌ڤالێ کوردان و هه‌رده‌مێ ده‌رڤه ت بو هاتبیت پێش بو نه‌هێـــلانا نڤشێ کوردا چ کێماسی وکێم خه‌می نه‌کرینه ژبه‌ر وێ ئێکێ ده‌مێ مسعود دبێژیت ئه‌م د ئاماده‌ینه بو هه‌می هاریکاری یا دگه‌ل تورکیا خو ب خو جهێ گومانێ یه ،ژ به‌ر کو داخازاکرنا تورکان دڤی ده‌می دا ژکورێ حه‌مایلێ بو تورکیا پشتی وێ ئێکێ دهێت کو پارتا کارکه‌رێن کوردستانێ ڵ چه‌ند جهێن گرنگ ده‌ست ب چالاکیان له‌شکری کریه وخو ئاماده دکه‌ت بو به‌ره‌ڤانیه‌کا سه‌رتاسه‌ری ڵ کوردستانێ کو ئه‌ڤه بویه جهێ مه‌ترسیێ بو تورکان.
هاریکارێت مسعود ێ حه‌مایلێ بو تورکان هه رچه‌نده دیروکه‌کا درێژ یــــا هه‌ی لێ د ڤان چه‌ند سالان دا پاراستنا پارتی هه‌ول دایه کو ب رێکا سیخورێن خو ته‌ڤلی ناڤ رێزێت گریلا ببه‌ن و ب رێکـــــــــێن پارا هنده‌ک که‌سان بکه‌ن هه‌ڤال وب رێکا وان ئاژانــــیا تورکان بکه‌ن.
چونا مه‌سرور ێ نه‌ڤیێ حه‌مایلێ بو تورکیا ژی بارا پتر بو ب هێز کرنــــــــــــا وان په‌یوه‌ندیایه یێت کو دناڤ به‌را میــــــتا تورکان وپاراستــنا بارزانی دا هه‌ی ب تایبه‌ت بووێ هاریکاری یا ته‌کنولوژیا سه‌رده‌میانه یا ئاژانیێ کو به‌رامبه‌ر سیخوریا مه‌سرور بو میتێ،حکومه‌تا تورکیا پێشنــــیارێ مه‌سرور کری.
خالا دی یا زور گرنگ کو دڤێت ژ لایێ کوردێــــن وه‌لات پارێز ل باکورێ کوردستانێ یان ژی ره‌ڤه‌ندا کورد ل فرانسایێ بهێت پێک ئینان رێپیڤان دژێ ترور کرنا سه‌رده‌شت عوسمان به‌رامبه‌ر جهێ مانا کورو و نه‌ڤیێ حه‌مایلێ و شه‌رمه‌زار کرنا وان.دڤێت ره‌ڤه‌ندا کورد ل ده‌رڤه ى هه‌مان گه‌رماتیا روژێن کو روژنامه نڤێس سه‌رده‌شت هاتی شه‌هید کرن دیسان ده‌نگێ خو بلند که‌ن ژبه‌ر کو مسعود ێ خایئن ئه‌ڤ ده‌مه بو خو ئیسقلال کر زانی کو ده‌نگێ نه‌رازی بونا خه‌لکێ کوردستانێ به‌رامبه‌ر کریارێت وی هنده‌ک کێم بون ژ نیکا قه‌ستا ده‌رڤه‌ی وه‌لاتی کر لێ بارزانی بلا باش بزانیت کو ئێدی گه‌لێ کوردستانێ بێ ده‌نگ نامینیت،ئێدی ئه‌م ژ ته قه‌بول ناکه‌ین توب که‌یفا خو یاریاب چاره‌نڤێسێ مه بکه‌ی چ ئه‌ڤرو چ سوبهی دڤێت تو و بنه‌مالا خو فروشــــا حه‌مایلێ سزایێ تاوانێت خوبده‌ن. ب کوژه چه‌ند ته بڤێـــــــــــن بکوژه گه‌لێ کورد تونه نابیت ،ئه‌م خلاس نابین به‌لێ پا بزانه هندی تومه بکوژی ملله‌تێ مه دێ هـــشیار تر لێ هێت.
بارزان/کوله‌کا
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
