چۆن ئەنجوومەنی كاتی سەرا پێكهات؟

Tuesday, 03/05/2011, 12:00

ئەنوەر فەتاح محەمەد ئەمین ئەنجوومەنی كاتی سەرا لە 20 21/2/2011 دامەزرینرا، ئەمەش بە مەبەستی ریكخستنی داخوازیەكانی خۆپیشاندەران. ئەو كاتە هیچ كام لەوانەی كە ئسستا بەناوی ئەنجوومەنەوە گووتاریان دەدا، وەك فاروق رفیق و خیزانەكەی، هەرگیز كاریكی لەو جۆرەیان بەبیردا نەدەهات. ئەوە پیشنیاری هاورێیەك بوو.
بەلام دواتر ئەو ئەنجوومەنە كرایە ئامرازیك بۆ كۆنترۆل كردنی خۆپیشاندەران و بەرتەسك كردنەوەی چالاكیەكانیان و بەند كردنیان لە سەرادا بەدیار میكرۆفۆنیك و چەند خەتیبیكەوە كە تەنیا حەزیان لە گووتاردان بوو. وە ئیتر هەر لەوێوە دیار بوو كە خوینی خەلكی دەكریتە قوربانی چەند مەرامیكی سیاسی شارراوەو نادیاری چەند حیزبیكی وەك حیزبەكانی رۆژهەلاتی ناوەراست، ئەو حیزبانەی كە دەیانەویست هیزی جەماوەریی سەرا، بكەنە هیزیك بۆ مفاوەزەو وەرگرتنی پۆستی بەرزو چەور.
سەبارەت بە گۆڕان، دەبێ بلێین: گۆڕان پاش دروستبوونی ئەو لیژنەیە لە گووتارە گرنگەكەی نەوشیروان مستەفا پاشگەز بووەوە، ئەو گووتارەی شۆرشگیرانی بە ئاژاوەگیر ناوزەند دەكرد. وە ئیتر لەوەبەدوا، خۆیان كوتایە ناو ئەنجوومەنەوەو ئیسلامیەكانیشیان هینایە ناوی و بەپەلە كەوتنە داریژانەوەی ئامانج و داخوازیەكانی لەسەر شیوەیەك كە بگونجیت لەگەل ئامانجە سیاسیە بەرتەسكەكانی خۆیان، ئەمەیش بۆ ئەوەی هەرچی زووترە دەرگاو پەنجەرەی فاشلی مفاوەزاتیان لیبكریتەوە. وە هەر لیرەیشەوە، ئەدیب و خەتیب و شیخ و مەلا، هاتنە ناوەوەو بە هەموویان، ئاراستەی خەباتی جەماوەرییان گۆری بۆ كۆڕی زكرو تەهلیلە. وە هەر لیرەوە رووی دەمی خەلكی كرایە میكرۆفۆنی خەتیبەكان و مەلاكان. بەدەوری جەماوەریشدا چەندان هیزی عەسكەری و پیشمەرگە خڕ كرابووەوە.
بەلام لە 1 -2/4 دا، جەماوەری شۆرشگیر لەو خەتیبانەیش یاخی بوو، ئەو شۆرشگیرانەی 30 كەسیان لێ بریندار بوو. ئا لەو كاتەدا، گۆڕان بە هەموو توانایەوە، خەلكی دەناردە ناو شۆرشگیرەكان و هانیدەدان واز لە توندوتیژی بهینن و بگەرینەوە بۆ خەباتی مەدەنیانەو بە (ئاشتی بە ئاشتی) و (الله اكبر)، وە گوایە لەوە زیاتر ئیتر مەسەلەكە ناشارستانی دەنوێنێت. وە بەوەیشەوە نەوەستان، بەلكو دەستیان كرد بە گولباران كردنی هیزەكانی دەسەلات و شیرینیان دەكرد بە قورگیاندا تا لە هیزی شەیتانیەوە بگەرینەوە بۆ هیزی رەحمان و پشتیوانی لە خەلك بكەن لە رێی ئەو سەرایەوە كە كرا بە وسڵخانەی هەلپەرستەكان، وە داوایان دەكرد یاسا بپاریزن، ئەو یاسایەی حەقی تەقەكردن دەدات بە هیزە داپلۆسینەرەكان و حەقی بیدەنگی و ملكەچییش دەدات بە جەماوەر بۆ ئەو هیزانە، ئەوان مافی خوینریژیان هەیە و خەلكیش مافی خوین رژانیان هەیە. خەتیبەكانی سەرا لەوە نەگەیشتبوون كە دەسەلات لاشەیەكی مردوو نیە، بۆیە داوا ئابووری و كۆمەلایەتیەكانی خەلكیان كردە قوربانی مشتومری سیاسیەكان و حیزبە مفاوەزەچیەكان كە وەك د. فایەق گولپی لە هاولاتیدا دەلیت: ئەندامەكانیان بە فەرمی بوونە ئەندامی ئەنجوومەن. هەموومان دەزانین بەشیكیشیان بەر لە هاتنیان بۆ ئەوێ، چەندانجار خۆیان لە زەلكاوەكەی دەسەلات هەلكیشا بوو، بەلام پێیانەوە دیاربوو كە هەولی پاروی چەورتریان دەدا. ئەمانەیش ئەو بیئاگایانەن كە نازانن جەماوەر میژوو دروست دەكات نەك خەتیبەكان و هەلپەرستەكان.
لە راستیدا ئەگەر نەمانی ئەو سەرایە لە هەمانكاتدا واتای دابران بیت لە حیزبە ئۆپۆزیسیۆنەكان و بزووتنەوەی ئیسلامی، ئەوا بێشك نەمانی ئەو سەرایە سەركەوتنیكە لە زاتی خۆیدا، چونكە ئیتر جەماوەر خۆی بۆ خۆی بیر دەكاتەوەو ریگەچارەی خۆی دەدۆزریتەوە، وە ئیتر لە ئەزموونی خۆیەوە فیر دەبیت و لەوە دەگات فەشەلی یەكەمی دەگەریتەوە بۆ بە حیزبی كردنی داخوازیەكانی، وە لەوەیش دەگات ئەمە نە خەباتی نیشتمانیە نە نەتەوەیی، بەلكو خەلكی دژی دەسەلاتیكی كوردی راپەریوە نەك بێیانی، خەباتی ئاشتی و مەدەنیەتیش، وەهمیكی گەورەیەو درۆی دەسەلاتە بۆ بینرخ كردنی خەباتی سەردەم. ئاشتی كۆمەلایەتی، ئەو ئاشتیەی د. فایەق گولپی باسی لیدەكات، بوونی نیە لە خەیالدا نەبیت، ئەو دروشمانە لەسەردەمی فیۆدالیزمدا بایەخی هەبوو لە سەدەی هەژدەهەمی ئەوروپادا، لە سەدەی بیستدا ئەو دروشمانە رسواترین دروشمی ئەم چەرخەن.
هەر بەم شیوەیە، ئەنجوومەنی كاتی سەرا، خۆپیشاندەرانی كردە كریكاری بەلاشی ئۆپۆزیسیۆن، ئەو ئۆپۆزیسیۆنەی ئیستایش پارلەمانی جینەهیشت و لە باشترین حالیشدا، حكومەتی سبەینێیە.
لە سەرەتاوە، ئەنجوومەن 7 ئەندام بوو لەگەل 2 ئەندامی یەدەك. بەلام خۆشەویستی پلەوپایە، هەر خەلكی بەكیش دەكرد بۆ ناو ئەنجوومەن، وە وەك فایەق گولپی دەلیت: (ئەنجوومەن بووە 31 ئەندام)، بیگومان ئەندامی زۆرو بۆر. ئیستایش و دوای پەرپووت كردنی خواستەكانی جەماوەرو كردنی بە سووتەمەنی بۆ خواستی حیزبەكان، هیشتا چەند ئەندامیك بە ناوی خەلكیەوە قسە دەكەن و دەیانەویت ناویان لە ناوا بمینیت نەبا شنەبای مفاوەزات لە لایەكەوە هەلبكات و خەباتی ئەو پینج و دوو رۆژەی ئەوانی تیا بەفیرۆ بروات و بیبەش بكرین. ئیستایش دەیانەویت لە بری بە واقیع كردنی بزووتنەوەیەكی میژوویی، خۆیان لە ژووریكدا، بە عەقلی خۆیان، ریگا داریژن بۆ خەلكی. ئەمەیش پیچەوانەی هەموو میژووی واقیعیە. خەلك بە ئیوە رانەپەرینراو بە ئیوەیش راناپەرینریت، دەبیت ئیوە بە دوای خەلكەوە بن. ئیستایش بە شیوەیەكی وەختی، خەلكی سەر شەقامەكانی چۆل كردووە. جەماوەری شۆرشگیر هەر هیندە ووزەی پی بوو كە حیزبەكان بەكاریان هینا بۆ خۆیان. ئەو ووزەیە سەرف بوو، سەرلەنوێ جەماوەر ووزە كۆدەكاتەوەو زۆر نابات دیتەوە سەرشەقام. بەلام بەو هیوایەی جاریكی تر نەكەویتەوە باوەشی زكرو تەهلیلەو بە ئاشتی بە ئاشتی.