‌ئیخوان،  کە بەکوردی واتای برایەتی دەگەیەنێت ناوی ڕێکخراوێکی سیاسی موتوربە کراو بە چەمکەکانی ئیسلامە کە لە وڵاتی میسری قیبتییەکانەوە  دەستیکرد بە بڵاو بونەوە بە ناو جیهانی ئیسلامیدا، ئەم ڕێکخراوە سیاسییە ، هەر لە سەرەتای دروست بونییەوە بە پێچەوانەی ناوەکەیەوە کە برایەتییە هەستا بە کاڵکردنەوەی چەمکی برایەتی و بچوککردنەوەی ڕوبەری بازنەی برایەتی ئیسلامی و دروستکردنی درزو کەلێن لە نێوان کۆمەڵگە ئیسلامییەکانداو دابەشکردنیان بە سەر کوفرو ئیسلام و ئیسلامی و عەلمانیدا،دواجار هەوڵدان بۆ هاو واتا کردنی کوفر و عەلمانییەتیش بو بە ستراتیژیەتی ئیخوانیستەکان لە تەواوی ئەو ناوچانەی ئەوان توانییان خۆیانیان تێدا فۆڕمەلە بکەن.

‌ئیخوانیزم لە کۆمەڵگە ئیسلامییەکاندا  کە خۆیان  ئۆراگانیزە  کرد  پەنائان بردە بەر  کۆکردنەوەی مێرد مناڵان و پەروەردە کردنیان بە ئایدۆلۆژییە خشۆکە تەکفیرییە نهێنییەکەیان، کە لەم ڕێگایەوە  بە سودبینین لە بەرهەمەکانی مۆدێرنێتەی ڕۆژئاوا توانییان  کۆڕو بارەگاو مزگەوتە بە سیاسیکراوەکانیان تەژی بکەن بە خوێندکار و لاوی  سادەو دەرون پاک و زیهنیەتیان سیخناخ بکەن بە گیانی تەکفیر کردن و گومانی باوەڕ بەرامبەر سەراپای توێژەکانی دیکە لە دڵ و دەرونی ئەو لاوانەدا بڕوێنن.

‌وردە وردە ئەم لاوانە گەورە بون و خوێندنگەو زانکۆیان تەواو کردو لە ناوەندی کارو فەرمانگەو مزگەوت و زانکۆو پەیمانگاکاندا بە پێی توانست و بڕوانامەکانیان جێگەی خۆیان گرت و بە شێکیشیان دیسان وەک وەچەی پێش خۆیان دەستیان دایە کۆکردنەوەی مێرد منداڵان لە ڕێگەی مزگەوت و سپۆرت و کۆڕو تا دوایی،بەڵام بەشێکیشیان   کاتێک گەشتنە ئاستێکی بەرزی مەعریفەو حەقیقەت و ڕاستییەکانیان بۆ دەرکەوت و زانییان ناکرێ و ناشێت گۆڕان و وەرچەرخان لە کۆمەڵگەدا  لە ڕێگەی ڕێکخراوێکی شەرمنی ترسنۆکی بێ هەڵوێستی ترسێنراوی  مونەرمی   تیۆرسالارەوە بێتە دی کە ناتوانێت و بوێری ئەوەی تێدا نییە یەک لەسەر ملیۆنی دادگەری ئیسلام و عیزەتی ئیسلام پراکتیزە بکات و وەک  حەربا هەردەم شێوەو فۆڕمی خۆی دەگۆڕێ لە پێناوی مانەوەیدا، بۆیە لێی جیا بونەوەو ئەو ڕێگەیان هەڵبژارد کە ئیسلام و مرۆڤایەتی پێویستی پێیەتی ،کە ئەویش ڕێگەی بوێران و جوامێران و بە هەڵوێستان و ڕاستگۆیانە کە دڵخوازی ئیسلام و گەوهەری بونیەتی، هەر بۆیە ڕۆژ بە ڕۆژ قوتابخانەکەی ئیخوان چۆڵتر دەبێت و فێرخوازو مامۆستاکانی لێی دەترازێن و دەنگی ئەم ئیقاعە نامۆیەش ڕۆژ بەڕۆژ نزمتر و خامۆشتر دەبێ، ئایدۆلۆژیای ئیخوان و قوتابخانە کۆنینەخوازەکانیان چونکە توانای کردنەوەی گرێکوێرەکانی ژیانیان نییەو پۆڵک و پۆچ و  بێ توانان ، وێڕای گونجانی بارودۆخ و هاتنە پێشی چانسی سەرکەوتن ،به لام چونكه نەتوانا بون لە پێشکەشکردنی وێنەیەکی جوانی دەوڵەتداری و ڕێبەرایەتی کردندا لە ڕوی ئابوری و سیاسی و دیپلۆماسییەوە بۆ یە بینیمان لە میسرو سوریاو کوردستان و کۆماری تورکیاش ئەم قوتابخانە کۆنینە خوازە  ڕۆژ بەڕۆژ ئایدۆلۆژیاکەی و ستراتیژە موتوربەکراوەکەی و تەکتیکە لاوازەکانی لە کورتی دەدات و ڕاستەقینەکانیان بۆ خەڵک دەردەکەوێت و پۆڵکی سیاسەت و ئامانج و نییەتیان خۆی ئاشکرا دەکات، بۆیە دەبینین ڕۆژ بە ڕۆژ هەوادارو کادرو پاڵپشتیان لە کەمبونەوەدایەو  ڕیزەکانیان چۆڵتر دەبێ،هەر ئەمەش وای لێکردون  پەلەقاژەی مەرگ بکەن و بکەونە پەلاماردان و پەنا بردنە بەر توندو تیژی گوتارو کردار، لە سیناو شام و ئەنادۆڵ .وە لە کوردستانەکەی لای خۆشمان چونکە دەستیان لە بنی هەمانەکەوە دەرچووەو حەقیقەتیان بۆ خەڵک دەرکەوت ، بە تایبەتی لە دوای خۆفرۆشتنەکەی ١٩ ئابەوە دەستیان داوەتە جنێو فرۆشی و  درۆو دەلەسەو هێرشکردنی ناڕەوا بۆ سەر هێزە بوێرو ڕەسەنەکان و دەیانەوێ و وا دەزانن بەم شێوەیە ئابڕوی نەماویان دەستدەکەوێتەوە ، بەڵام شکور ئەمڕۆ گەل وشیارەو تۆڵەی ئەم دەستکەلا بونەیان و ئەم دەم پیسیەیان و ئەم  خۆ فرۆشتنەیان لێدەکرێتەوە لە هەڵبژاردنی داهاتودا.