مەسعود بارزانى ونێچیرڤان بارزانى ، لەبارەى توركیاوە ، ساویلكەو هەرزەكارانە دەیانەوێ كورد فریو بدەن !!

Thursday, 08/07/2010, 12:00

توركیا .. وڵاتێكى گەورەو كاریگەرە لە سەر ئاستى رۆژهەڵاتى ناوەراست و وڵاتێكى خاوەن پێگەو ژمارەیەگى گەورەیە،و وابەئاسانى و سادەیى مامەڵەو سەوداو پێوەندى دبلوماسی نابەستێ ، ئەو خودان ئیمپراتۆریەت و مێژوویەكى درێژە لە حوكمڕانى چەندین وڵات كە لە ژێر قەڵەم رەوى ئیمپراتۆریەتى ئەودا ژیاون ، ئێمەى كوردیش یەكێكین لەو میلەت و نەتەوانەى كە چەندین ساڵ لە ژێر دەسەڵاتى ئیمپراتۆریەتى عوسمانیدا ، ناخۆشى و تاڵى و سوێریمان بینیوە ، بۆیە لە هەموو كەس زیاتر تەجرەبەو شارەزایمان لەگەڵ حكومەت و نەتەوەكەى هەیە ، بەڵام ئەوەى ئێستا من وەك كەسێكى بەئاگاو پەیوەندى جۆراو جۆرم بە دەزگا جیاجیاكانى توركیاوە هەیە،وچەندین ساڵ هاتووچۆى ئەو وڵاتە دەكەم ، چاك دەزانم ئەوان چۆن لە ئێمە دەڕوانن ؟ وچییان لە ئێمە دەوێ ؟ بۆچى بەوشێوەیە خۆیان لە ئێمە نزیك دەكەنەوە و پەیوەندى دبلوماسى گەرم لەگەڵ هەرێمى كوردستاندا گرێدەدەن ؟ بەداخەوە ئێستا ئەوانەى خۆیان بەسەركردەى ئێمە دەزانن بەتایبەتى مەسعودبارزانى و نێچیرڤان بارزانى ، مامەڵەیەكى زۆر هەرزەكارانەوساویكانە لەگەڵ دەوڵەتى توركیاو دبلوماسى بەشێوەیەكى هەندێ جار دیماگۆگییانەو هەندێ جار نەزانانەو ساویلكانە بەرێوەدەبەن !!. ئەم دووانە كە خۆیان كردوە بە سەركردەى كورد، دەیانەوێ خەڵكى كوردستان فریوبدەن و خۆیان بە دبلوماسییەكى گەورەوە بێننە رۆژەفەوە ، بۆ نمونە گەشتى ئەم دواییەى مەسعود بارزانى بۆ توركیا كە لەلایەن دەزگاراگەیاندنەكانى پارتییەوە، پف دراو بە هەموو شێوەیەك هەوڵى گەورەكردن و قەبەكردنى درا ، بەڕاستى جگە لە سەردانێكى بازرگانى و گیرفان پڕ كردن لەسەرچارەنووس و مافى رەواى نەتەوەى كورد و خەڵكى باشورى كوردستان ، هیچی دیكە نە لەهەگبەى مەسعودبارزانى هەبوو ، نە توركیاش ئەو پێگەیەیە نە بۆ ئەوو نە بۆ نێچیرڤان بارزانى دادەنێ . مەسعود بارزانى ئێستا شەریكى بازرگانى عەبدوڵا گویل و ئەردۆگان و ئەحمەد داوود ئۆغلۆیە ، ئەم گەشتەى بۆ توركیا ، لە سەر داواى مەسعود خۆى و بۆ سازشكردن بوو لە سەر هەندێ پشكى لەسەرئەو كۆمپانیانەى كە لەگەڵ گویل و ئۆغلۆو ئەردۆگان هەیەتى ، بەرامبەر بە وێناكردن و نیشاندانى مەسعود بارزانى وەك سەرۆكى حیساب بۆ كراوى هەرێم و نەتەوەى كوردیش لە لایەن توركیاوە لە بەرچاوى دەزگا راگەیاندنەكان، ئەگینا هەر بە نەبوونى ئاڵاى كوردستان و عێراق لە هیچ شوێنێكى پێشوازى كردن لە مەسعود بارزانى ، بەڵگەیەكى زۆر زەقە ، لە سەر نادبلوماسى بوونى سەفەرەكەو پێگەدانەنان بۆ مەسعود بارزانى ، لە هیچ روویەكى سیاسییەوە ، چونكە مەسعود راست ناكا كە وتى : (ئاگادارى بوون یاخود نەبوونى ئاڵا نەبوومە لەسەر سەكۆی كۆنگرە رۆژنامەنووسییەكە !!) ، بەراستى مەسعود راست ناكا " دانەنانى ئاڵا بەڕێكەوتن بووە ، لە نێوان مەسعود و حكومەتەكەى ئەردۆگان " چونكە گەشتەكە بازرگانى بوو ، نە حكومەتەكەى ئەردۆگان خۆی شەرمەزارى حیزبە نەتەوە پەرستەكان و خەڵكى توركیا دەكا ، و نەحكومەتێكى ئەوەندە ساویلكەیە ، كە مەسعود بارزانى و نێچیرڤان بارزانى وەك سەرۆكى حكومەتێكى كوردى پێشوازى لێ بكا. هەر بۆیەش لەو كاتەى مەسعود لە توركیا بوو ، پەكەكە پەلامارى سەربازگەیەكى توركیاى داو ئاگر بەستى شكاند ، ئەمەش وەڵامێكى دەم شكێن بوو بۆ مەسعود ، كە لە توركیا خۆى بەدەم راست و بەناوى كوردەوە قسەى دەكرد ، بەتایبەتى كوردى توركیا ، بەو گورزەى پەكەكەش لە سوپاى توركیا ، ئەو مەسجەیان بە توركیاو مەسعودیش دا ، كە تۆ ناتونى بەناوى ئێمەوە قسەبكەیت و بازرگانى بەكێشەى باكوورەو بكەیت و هەرزان فرۆشى توركیاى بكەى ، هەر بۆیەش دواى گەڕانەوەى بۆ كوردستان ، لە كۆنگرە رۆژنامەنووسییەكەیدا ، سەرسوڕمانى خۆی دەربڕى ، كە ئەو لە توركیا بووە و هێرش كراوەتە سەر توركیا . بەراستى ئەوەى لە گەشتى ئەم دواییەى مەسعود بارزانى و گەشتی پپێشوترى نێپچێرڤان بارزانى بۆ توركیا ، جگە لە هەوڵدانێكى هەرزەكارانە ، بۆ خۆگەورەكردن وەك سەركردەیەكى حیساب بۆ كراو لەلایەن توركیایەك (كەتائیستا هیچ ئەرزشێكى نەبۆ مەسعود و نە بۆ نێچیرڤان بارزانى داناوە)، هیچ ئەجیندایەكى دیكەى لە پشتەوە نەبووەوناشبێ . نێچیرڤان بارزانى كە ئێستا لە لایەن پارتییەوە كراوەتە بەرپرسی دۆسیەى توركیا ، جگە لە بازرگانى و راكێشانى كۆمپانیاى توركى بۆ هەرێمى كوردستان، بە قازانجى هاوبەش لە سەر ژیان و ئازارى خەڵكى كوردستانى باشوورو باكوورى كوردستان ، ناتوانێ هیچ پێشوەچوونێكى سیاسی و دبلوماسی بەدەست بێنێ ، چونكە توركیا و حكومەتەكەى ئەردۆگان ، لەوە زیرەكترە، كەریشى خۆى بەدەستى دووكەسەوە بدات ، كە بەرە بەرە لە كوردستان پێگەى خۆیان و حیزبەكەیان لەدەست دەدەن ، بەڵام وەك دووكەسی بەناوبانگ و دەوڵمەند بە پارەى بردراوى میلەت ، حیسابیان بۆ دەكاو ئەوانیش هەرزەكارانە دەیانەوێ ، خەڵكى كوردستان و حكومەت و پەرلەمانى كوردستان فریوبدەن و وا خۆیان نیشان بدەن كە داوەتى رەسمیان لە توركیاوە بۆ دێت ، بێ ئاگادارى خۆیان ، ئەویش لەبەر ئەو پێگەیەى كە گوایە هەیانە لە دەرەوە ، كە ئەمەش هەمووى لە راستییەوە دوورە ، و سیاسی و رۆشنبیرو رۆژنامەنووس و خەڵكى كوردستان ، لەوە بەئاگاترن،كە وا بەئاسانى فریو بخۆن ، ئایندەش زۆر بە باشى راستى ئەم نووسینە دەسەلمێنێ.