بۆ بەرێزان : سەرۆكى حكومەتى هەرێم 

پارێزگارى سلێمانى

سەرۆكى شارەوانى سلێمانى

بەرێوەبەرى زیادەرەوى سلێمانى

ئێمە وەكو چینى موچەخۆرو فەرمانبەر هەردەم نەمانتوانیوە وەكو خەلك بتوانین ببینە خاوەنى پێداویستیەكانمان بە تایبەت زەوى و ئوتومبیل بە تایبەت ئەو موچەخۆرانەى كە گەنجین، ئێمە لە ناوچەى مەلاداودى شارى سلێمانى هەستاوین بە كرینى پارچە زەوى لە خاوەن مولكەكان كە بە رەزامەندى شارەوانى مۆلەتى ئیفرازیان پێدان، ئێمە ئەوەمان بە هەل زانى كە ببینە خاوەنى پارچە زەویەك، لەبەرئەوە زۆربەى هاورێ مامۆستاكانمان ئاگاداركرد و هەریەكەمان لەریزى یەك زەویمان كریوە لەسەرەوە تا خوارەوە لە ناوچەى مەلاداود لە نزیك تاوەرەكان چونكە ئێمە لەوێ بوین كە شارەوانى و قائمقامیەت و زیادەرەوى هاتن بە خاوەن مولكەكانیان وت لە تاوەرەكانەوە (30)مەتر بەجێبهێلن بۆ جادەو مشكیلەتان نیەو دەتوانن زەویەكان بفرۆشن ئەو جادەیەى بەردەمى تاوەرەكان جادەیەكى (30) مەترە ، ئێمەش كە مامۆستاو فەرمانبەرین بە (FACEBOOK) یەكترمان ئاگاداركردو بەدرێژای جادەكە تا خوارەوە ئێمەى موچەخۆر هەریەكەو زەویەكى (100 مەتر)مان كریوە هەر زەویەك (10000$)مان پێداوە كە دەكاتە موچەى (3 ساڵمان)، وە كۆڵێكیش دڵمان پێی خۆش بووە ، زیاد لە هەزار زەوى لەو سەرجادەیە یە خوا ئەزانێت ئەوانەى تریش چ هەژارو قوربەسەرێك كریونى؟

كێشەى ئێمە ئەمەیە ئێستا شارەوانى و پارێزگارو زیادەرەوى و بەرپرسان دەلێن ئەو جادەیەمان كردووە بە جادەى (50)مەترى، واتە لەو نێوەندەدا ئێمە زەرەدمەندی یەكەمین و جگە لە ئێمە كەس زیان ناكات چونكە خاوەن مولك پارەى خۆى وەرگرتووەو ئامادەنیە بمانداتەوەو ئێمەش شەڕە كوتەكمان پێناكرێت بۆیە پەنامان هێناوە بۆحكومەت و ئێوەى بەرێز چونكە وتوتانە جادەكە (30) مەترە بۆچی ئەیكەن بە (50مەتر) خۆ ئەو جادەیە لەناو دێ یەو هیچ رێگایەكى بازرگانى بەسەرەوە نیە، هەروەها لە سلێمانى جادەى پەنجایی نیە پرۆژەى تازەى قرگە كە تازەترین پرۆژەى شارەوانیە جادەكەى(30)مەترە، لەبەرئەوە تكا دەكەین هیممەتێكمان بۆ بكەن؟

كۆمەڵێك فەرمانبەرو مامۆستا

15-6-2011

Email address: