پارەیێ مللەتى بۆ ڤیلا و ئۆتۆمبیلێت پەرلەمانتارانە؟!
Sunday, 12/12/2010, 12:00
پشتى بەلاڤبینا هەوالەكێ لسەر ماڵپەرێ گوڤارا لڤین كو دبیژیتن پارلەمانێ كوردستانێ 58 ڤێلا ب 1500 دەفتەرێن دولاران بو ئەندامێت پارلەمانا كوردستانێ كرینە، ڤى بەخەبەرى براستى مللەت حیبەتى كر و ڤێگاڤێ پرسیار دهێتەكرن، گەلو بۆچى ئەڤ هەمى پارە بۆ كرینا خانیێت پەرلەمانتاران بهێتە خەرجكرن ،بۆچى مالێ گشتى و ملەتى بهێتە بهەدەر دان؟
یا ژ هەمیێ نەخۆشتر ژى ئەوە پارلەمانتارێت سەر ب لیستا گۆڕان ژى، كو بەرى هەلبژارتنان حەبحەبا وان بو و دگوتن: ئەم نەعەدالەتیێ ناهێلین، ئیرۆ ژى بەرى هەر كەسەكێ خۆ لسەر كرینا وان ڤێلایان بێ دەنگ كرینە و لگور گوڤارا لڤین پارلەمانتارێت گۆڕان پەشێمانن كو پارەیێن ئوتومبێلان ژى وەرنەگرتنە، ئیدى هاوەلاتیێن كوردستانێ باوەریێ بكێژ حزبێ بینن، كو هەتا یەكگرتۆ و كومەل و ئۆپۆزسیۆن ژى بوونە بەشەك ژ گەندەلیێ و لسەر بهەدردانا پارەیێ گشتى بێ دەنگن.
هەرچەندە پەرلەمان بخو جهێ یاسا دەینانێ یە، بەلێ دیسان ئەو پرسیار دجهێ خوەدایە كو ئەم پسیار بكەین گەلو چ یاسایەك رێكێ ددەتە پارلەمانى ئەڤى پارەى بو خانیێت پارلەمنتاران خەرج بكەت،بۆجى ئۆپۆزسیۆن بێ دەنگە یان خێرا وان ژى تێدە هەیە !!؟
گەندلیێت ناڤ دام و دەزگەهێت حكومى و حزبى بەس نەبو نورا پارلەمانى یە، بەریا نهە دهات گوتن: ففتى ففتى یە و بسەر خو دا دابەشدكەن، بەلێ بۆ خولا ڤێ جارێ یا پەرلەمانا كوردستانێ دلێ خەلكێ خۆش بۆ كو لایەنێت ئۆپۆزسیۆن دناڤ پەرلەمانێ دا هەنە و دێ گەندلیێ كێمتر كەن، بەلێ كێمتر ژ سالەكێ خۆ نەگرتن تەماكاریێ جاڤێن وانژى گرت و بۆنە بەشەك ژ گەندەلیێ و وەعدێن خۆ كو دابوون خەلكێ ژبیر كرن، لەوما دجهێ خۆدایە ئەم پسیار بكەین گەلو ئێدى كى دێ باسێ شەفافیەتا بودجێ كەت.
هەر چەندە لە هەمى جیهانێ كارێ سەرەكیێ پەرلەمانێ یاسا دەینان و چاڤدێرى كرنا بجهكرنا یاسای و كارێت حكومەتێ یە، بەلێ دیارە لكوردستانێ كارێ سەرەكیێ پەرلەمانى لێكڤەكرنا پارەیێ ملەتییە بسەر خۆدا و خۆ بێدەنگ كرنە بەرامبەرى هەمى رەنگێت گەندەلیێ، لەوما پێتڤییە پسیار بكەین، ئەرێ كارێ ئەندامێت پارلەمانێ چى یە، چ دكەن بۆ ڤى مللەتى، یەك دوو پارلەمنتار نەبن لسەر شاشەیێن تیڤیا دەردكەڤن، یێن دى هەمى درونشتینە وچاڤێ وان ل سەعەتا وانە، رونشتنا پارلەمانێ خەلاس بیت دا بچن بكەڤن بازارى ودیڤ تشیێن بها گران بكەڤن، بۆچى وە ناكەن پارەیێن وان زەحفن، پارێ مللەتى بو سەرۆك وئەندامێت پارلەمانێ یە،هاولاتى ژى بلا دوعا بكن باران بباریت.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
